[1652] Upādinnupādāniyo ca anupādinnupādāniyo ca dhammā
upādinnupādāniyassa dhammassa purejātaṁ pacchājātaṁ āhāraṁ
indriyaṁ.

[1653] Upādinnupādāniyo ca anupādinnupādāniyo ca dhammā
anupādinnupādāniyassa dhammassa sahajātaṁ purejātaṁ pacchājātaṁ
āhāraṁ.

[1654] Upādinnupādāniyo ca anupādinnupādāniyo ca dhammā
Upādinnupādāniyassa ca anupādinnupādāniyassa ca dhammassa āhāraṁ.

[1655] Upādinnupādāniyo ca anupādinnupādāniyo ca
anupādinnānupādāniyo ca dhammā upādinnupādāniyassa dhammassa
pacchājātaṁ āhāraṁ indriyaṁ.

[1656] Nahetuyā catuvīsati nāarammaṇe catuvīsati nādhipatiyā
catuvīsati nānantare catuvīsati nasamanantare catuvīsati nasahajāte vīsati
nāññamaññe vīsati nanissaye vīsati naupanissaye tevīsati napurejāte
tevīsati napacchājāte sattarasa nāasevane catuvīsati nakamme
catuvīsati navipāke catuvīsati nāahāre vīsati naindriye bāvīsati
najhāne catuvīsati namagge catuvīsati nasampayutte vīsati na
vippayutte cuddasa noatthiyā nava nonatthiyā catuvīsati novigate
catuvīsati noavigate nava.

[1657] Nahetupaccayā nāarammaṇe catuvīsa. Saṅkhittaṁ. Yathā
kusalattike paccanīyagaṇanā vitthāritā evaṁ vitthāretabbaṁ.
Paccanīyaṁ.

[1658] Hetupaccayā nāarammaṇe satta ... Nādhipatiyā satta
nānantare satta nasamanantare satta nāññamaññe cattāri naupanissaye
satta napurejāte satta napacchājāte satta nāasevane
satta nakamme satta navipāke cattāri nāahāre satta naindriye
satta najhāne satta namagge satta nasampayutte cattāri navippayutte
Tīṇi nonatthiyā satta novigate satta. Hetusahajātanissayātthiavigatanti
nāarammaṇe satta ... Nādhipatiyā satta nānantare
satta.
Saṅkhittaṁ
yathā kusalattike anulomapaccanīyagaṇanā
vibhattā evaṁ gaṇetabbā.
Anulomapaccanīyaṁ.

[1659] Nahetupaccayā ārammaṇe cha ... Adhipatiyā pañca
anantare satta samanantare satta sahajāte nava aññamaññe tīṇi
nissaye ekādasa upanissaye nava purejāte satta pacchājāte nava
āsevane dve kamme aṭṭha vipāke cha āhāre dvādasa indriye
satta jhāne satta magge satta sampayutte tīṇi vippayutte dasa
atthiyā tevīsati natthiyā satta vigate satta avigate tevīsati.
Saṅkhittaṁ
yathā kusalattike paccanīyānulomagaṇanā
vibhattā evaṁ gaṇetabbā.
Upādinnattikaṁ catutthaṁ
niṭṭhitaṁ.
-----------
Saṅkiliṭṭhattikaṁ
paṭiccavāro

[1660] Saṅkiliṭṭhasaṅkilesikaṁ dhammaṁ paṭicca saṅkiliṭṭhasaṅkilesiko
dhammo uppajjati hetupaccayā saṅkiliṭṭhasaṅkilesikaṁ ekaṁ khandhaṁ
paṭicca tayo khandhā dve khandhe paṭicca dve khandhā.
Saṅkiliṭṭhasaṅkilesikaṁ dhammaṁ paṭicca asaṅkiliṭṭhasaṅkilesiko dhammo
uppajjati hetupaccayā saṅkiliṭṭhasaṅkilesike khandhe paṭicca
cittasamuṭṭhānaṁ rūpaṁ. Saṅkiliṭṭhasaṅkilesikaṁ dhammaṁ paṭicca saṅkiliṭṭhasaṅkilesiko
ca asaṅkiṭṭhasaṅkilesiko ca dhammā uppajjanti hetupaccayā
saṅkiliṭṭhasaṅkilesikaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe paṭicca dve khandhā cittasamuṭṭhānañca rūpaṁ.

[1661] Asaṅkiliṭṭhasaṅkilesikaṁ dhammaṁ paṭicca asaṅkiliṭṭhasaṅkilesiko
dhammo uppajjati hetupaccayā asaṅkiliṭṭhasaṅkilesikaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ dve khandhe
paṭicca dve khandhā cittasamuṭṭhānañca rūpaṁ paṭisandhikkhaṇe
asaṅkiliṭṭhasaṅkilesikaṁ ekaṁ khandhaṁ paṭicca tayo khandhā kaṭattā ca rūpaṁ
dve khandhe paṭicca dve khandhā kaṭattā ca rūpaṁ khandhe paṭicca
vatthu vatthuṁ paṭicca khandhā ekaṁ mahābhūtaṁ paṭicca tayo mahābhūtā
mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ.