[1592] Anupādinnānupādāniyo dhammo anupādinnupādāniyassa
ca anupādinnānupādāniyassa ca dhammassa maggapaccayena paccayo
anupādinnānupādāniyāni maggaṅgāni sampayuttakānaṁ khandhānaṁ
cittasamuṭṭhānānañca rūpānaṁ maggapaccayena paccayo.

[1593] Upādinnupādāniyo dhammo upādinnupādāniyassa dhammassa
sampayuttapaccayena paccayo upādinnupādāniyo eko khandho
tiṇṇannaṁ khandhānaṁ sampayuttapaccayena paccayo dve khandhā dvinnaṁ
khandhānaṁ paṭisandhikkhaṇe ....

[1594] Anupādinnupādāniyo dhammo anupādinnupādāniyassa
dhammassa sampayuttapaccayena paccayo anupādinnupādāniyo eko
khandho tiṇṇannaṁ khandhānaṁ sampayuttapaccayena paccayo dve khandhā
Dvinnaṁ khandhānaṁ.

[1595] Anupādinnānupādāniyo dhammo anupādinnānupādāniyassa
dhammassa sampayuttapaccayena paccayo anupādinnānupādāniyo
eko khandho tiṇṇannaṁ khandhānaṁ sampayuttapaccayena
paccayo dve khandhā dvinnaṁ khandhānaṁ.

[1596] Upādinnupādāniyo dhammo upādinnupādāniyassa dhammassa
vippayuttapaccayena paccayo sahajātaṁ purejātaṁ pacchājātaṁ.
Sahajātā: paṭisandhikkhaṇe upādinnupādāniyā khandhā kaṭattārūpānaṁ
vippayuttapaccayena paccayo khandhā vatthussa vippayuttapaccayena
paccayo vatthu khandhānaṁ vippayuttapaccayena paccayo. Purejātaṁ:
cakkhāyatanaṁ cakkhuviññāṇassa vippayuttapaccayena paccayo .pe.
Kāyāyatanaṁ kāyaviññāṇassa vippayuttapaccayena paccayo vatthu
upādinnupādāniyānaṁ khandhānaṁ vippayuttapaccayena paccayo.
Pacchājātā: upādinnupādāniyā khandhā purejātassa imassa
upādinnupādāniyassa kāyassa vippayuttapaccayena paccayo.

[1597] Upādinnupādāniyo dhammo anupādinnupādāniyassa
dhammassa vippayuttapaccayena paccayo sahajātaṁ purejātaṁ pacchājātaṁ.
Sahajātā: upādinnupādāniyā khandhā cittasamuṭṭhānānaṁ rūpānaṁ
vippayuttapaccayena paccayo. Purejātaṁ: vatthu anupādinnupādāniyānaṁ
khandhānaṁ vippayuttapaccayena paccayo. Pacchājātā: upādinnupādāniyā
Khandhā purejātassa imassa anupādinnupādāniyassa kāyassa
vippayuttapaccayena paccayo.

[1598] Upādinnupādāniyo dhammo anupādinnānupādāniyassa
dhammassa vippayuttapaccayena paccayo purejātaṁ: vatthu anupādinnānupādāniyānaṁ
khandhānaṁ vippayuttapaccayena paccayo.

[1599] Upādinnupādāniyo dhammo upādinnupādāniyassa ca
anupādinnupādāniyassa ca dhammassa vippayuttapaccayena paccayo
pacchājātā: upādinnupādāniyā khandhā purejātassa imassa
upādinnupādāniyassa ca anupādinnupādāniyassa ca kāyassa
vippayuttapaccayena paccayo.

[1600] Anupādinnupādāniyo dhammo anupādinnupādāniyassa
dhammassa vippayuttapaccayena paccayo sahajātaṁ pacchājātaṁ.
Sahajātā: anupādinnupādāniyā khandhā cittasamuṭṭhānānaṁ rūpānaṁ
vippayuttapaccayena paccayo. Pacchājātā: anupādinnupādāniyā
khandhā purejātassa imassa anupādinnupādāniyassa kāyassa
vippayuttapaccayena paccayo.

[1601] Anupādinnupādāniyo dhammo upādinnupādāniyassa
dhammassa vippayuttapaccayena paccayo pacchājātā: anupādinnupādāniyā
khandhā purejātassa imassa upādinnupādāniyassa kāyassa
vippayuttapaccayena paccayo.