[1292] Vipākaṁ dhammaṁ paṭicca vipāko dhammo uppajjati
namaggapaccayā ahetukaṁ vipākaṁ ekaṁ khandhaṁ paṭicca tīṇi.

[1293] Nevavipākanavipākadhammadhammaṁ paṭicca nevavipākanavipākadhammadhammo
uppajjati namaggapaccayā ahetukaṁ nevavipākanavipākadhammadhammaṁ
ekaṁ khandhaṁ paṭicca tīṇi.

[1294] Vipākañca nevavipākanavipākadhammadhammañca dhammaṁ paṭicca
vipāko dhammo uppajjati namaggapaccayā ahetukapaṭisandhikkhaṇe vipākaṁ
ekaṁ khandhañca vatthuñca paṭicca tīṇi.

[1295] Vipākaṁ dhammaṁ paṭicca nevavipākanavipākadhammadhammo
uppajjati nasampayuttapaccayā dve. Vipākadhammadhammaṁ paṭicca
nevavipākanavipākadhammadhammo uppajjati nasampayuttapaccayā dve.
Nevavipākanavipākadhammadhammaṁ paṭicca ekaṁ.

[1296] Vipākaṁ dhammaṁ paṭicca vipāko dhammo uppajjati
navippayuttapaccayā āruppe vipākaṁ ekaṁ khandhaṁ paṭicca tayo khandhā
dve khandhe paṭicca tayo khandhā dve khandhe paṭicca dve khandhā.

[1297] Vipākadhammadhammaṁ paṭicca vipākadhammadhammo uppajjati
navippayuttapaccayā āruppe vipākadhammadhammaṁ ekaṁ khandhaṁ paṭicca
tayo khandhā dve khandhe paṭicca dve khandhā.

[1298] Nevavipākanavipākadhammadhammaṁ paṭicca nevavipākanavipākadhammadhammo
uppajjati navippayuttapaccayā āruppe nevavipākanavipākadhammadhammaṁ
Ekaṁ khandhaṁ paṭicca tayo khandhā dve khandhe
paṭicca dve khandhā bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ paṭicca tayo mahābhūtā mahābhūte
paṭicca kaṭattārūpaṁ upādārūpaṁ.

[1299] Vipākaṁ dhammaṁ paṭicca nevavipākanavipākadhammadhammo
uppajjati nonatthipaccayā ... Novigatapaccayā ....

[1300] Nahetuyā dasa nāarammaṇe pañca nādhipatiyā terasa
nānantare pañca nasamanantare pañca nāññamaññe pañca
naupanissaye pañca napurejāte dvādasa napacchājāte terasa
nāasevane terasa nakamme dve navipāke pañca nāahāre ekaṁ
naindriye ekaṁ najhāne dve namagge nava nasampayutte pañca
navippayutte tīṇi nonatthiyā pañca novigate pañca.

[1301] Nahetupaccayā nāarammaṇe tīṇi ... Nādhipatiyā dasa
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte dasa napacchājāte dasa nāasevane dasa nakamme
dve navipāke dve nāahāre ekaṁ naindriye ekaṁ najhāne dve
namagge nava nasampayutte tīṇi navippayutte dve nonatthiyā tīṇi
novigate tīṇi.