[1272] Vipākaṁ dhammaṁ paṭicca nevavipākanavipākadhammadhammo
uppajjati nāarammaṇapaccayā vipāke khandhe paṭicca cittasamuṭṭhānaṁ
rūpaṁ paṭisandhikkhaṇe vipāke khandhe paṭicca kaṭattārūpaṁ.

[1273] Vipākadhammadhammaṁ paṭicca nevavipākanavipākadhammadhammo
uppajjati nāarammaṇapaccayā vipākadhammadhamme khandhe paṭicca cittasamuṭṭhānaṁ
rūpaṁ.

[1274] Nevavipākanavipākadhammadhammaṁ paṭicca nevavipākanavipākadhammadhammo
uppajjati nāarammaṇapaccayā nevavipākanavipākadhammadhamme
khandhe paṭicca cittasamuṭṭhānaṁ rūpaṁ ekaṁ mahābhūtaṁ paṭicca tayo
mahābhūtā mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ
bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ
ekaṁ mahābhūtaṁ paṭicca tayo mahābhūtā mahābhūte paṭicca kaṭattārūpaṁ
upādārūpaṁ.

[1275] Vipākañca nevavipākanavipākadhammadhammañca dhammaṁ paṭicca
nevavipākanavipākadhammadhammo uppajjati nāarammaṇapaccayā vipāke
khandhe ca mahābhūte ca paṭicca cittasamuṭṭhānaṁ rūpaṁ paṭisandhikkhaṇe
vipāke khandhe ca mahābhūte ca paṭicca kaṭattārūpaṁ.

[1276] Vipākadhammadhammañca nevavipākanavipākadhammadhammañca dhammaṁ
paṭicca nevavipākanavipākadhammadhammo uppajjati nāarammaṇapaccayā
vipākadhammadhamme khandhe ca mahābhūte ca paṭicca cittasamuṭṭhānaṁ rūpaṁ.

[1277] Vipākaṁ dhammaṁ paṭicca vipāko dhammo uppajjati
nādhipatipaccayā. Yathā anulomaṁ sahajātasadisaṁ saṅkhittaṁ.

[1278] Vipākaṁ dhammaṁ paṭicca nevavipākanavipākadhammadhammo
uppajjati nānantarapaccayā ... Nasamanantarapaccayā nāññamaññapaccayā
mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ
bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ
mahābhūte paṭicca kaṭattārūpaṁ upādārūpaṁ imaṁ nānattaṁ nāññamaññapaccayā
naupanissayapaccayā.

[1279] Vipākaṁ dhammaṁ paṭicca vipāko dhammo uppajjati
napurejātapaccayā āruppe vipākaṁ ekaṁ khandhaṁ paṭicca tayo khandhā
dve khandhe paṭicca dve khandhā paṭisandhikkhaṇe vipākaṁ ekaṁ
khandhaṁ. Saṅkhittaṁ. Vipākaṁ dhammaṁ paṭicca nevavipākanavipākadhammadhammo
uppajjati napurejātapaccayā vipāke khandhe paṭicca cittasamuṭṭhānaṁ
Rūpaṁ paṭisandhikkhaṇe. Saṅkhittaṁ. Vipākaṁ dhammaṁ paṭicca vipāko
ca nevavipākanavipākadhammadhammo ca dhammā uppajjanti napurejātapaccayā
paṭisandhikkhaṇe vipākaṁ ekaṁ khandhaṁ paṭicca tayo khandhā
kaṭattā ca rūpaṁ dve khandhe paṭicca dve khandhā kaṭattā ca
rūpaṁ.

[1280] Vipākadhammadhammaṁ paṭicca vipākadhammadhammo uppajjati
napurejātapaccayā āruppe vipākadhammadhammaṁ ekaṁ khandhaṁ paṭicca
tayo khandhā dve khandhe paṭicca dve khandhā. Vipākadhammadhammaṁ
paṭicca nevavipākanavipākadhammadhammo uppajjati napurejātapaccayā
vipākadhammadhamme khandhe paṭicca cittasamuṭṭhānaṁ rūpaṁ.

[1281] Nevavipākanavipākadhammadhammaṁ paṭicca
nevavipākanavipākadhammadhammo uppajjati napurejātapaccayā āruppe
nevavipākanavipākadhammadhammaṁ ekaṁ khandhaṁ paṭicca tayo khandhā dve khandhe
paṭicca dve khandhā nevavipākanavipākadhammadhamme khandhe paṭicca
cittasamuṭṭhānaṁ rūpaṁ ekaṁ mahābhūtaṁ paṭicca tayo mahābhūtā bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ mahābhūtaṁ
paṭicca. Nevavipākanavipākadhammadhammaṁ paṭicca vipāko dhammo
uppajjati napurejātapaccayā paṭisandhikkhaṇe vatthuṁ paṭicca vipākā
khandhā. Nevavipākanavipākadhammadhammaṁ paṭicca vipāko ca
nevavipākanavipākadhammadhammo ca dhammā uppajjanti napurejātapaccayā
Paṭisandhikkhaṇe vatthuṁ paṭicca vipākā khandhā mahābhūte paṭicca
kaṭattārūpaṁ.