[560] Dve bhikkhū suddhakaṁ āpannā honti te suddhake
saṅghādisesadiṭṭhino honti eko chādeti eko na chādeti.
Yo chādeti so dukkaṭaṁ desāpetabbo. Ubhopi yathādhammaṁ
kārāpetabbā.

[561] Dve bhikkhū suddhakaṁ āpannā honti te suddhake
suddhakadiṭṭhino honti eko chādeti eko na chādeti.
Yo chādeti so dukkaṭaṁ desāpetabbo. Ubhopi yathādhammaṁ
kārāpetabbā.

[562] Dve bhikkhū saṅghādisesaṁ āpannā honti te
saṅghādisese saṅghādisesadiṭṭhino honti ekassa hoti
ārocessāmīti. Ekassa hoti nārocessāmīti 1 . So paṭhamampi
yāmaṁ chādeti dutiyampi yāmaṁ chādeti tatiyampi yāmaṁ chādeti
uṭṭhite 2 aruṇe channā hoti āpatti. Yo chādeti so
dukkaṭaṁ desāpetabbo. Yathāpaṭicchanne cassa parivāsaṁ datvā
1 Ma. Yu. na ārocessāmīti. 2 Yu. uddhate. evamuparipi.
Ubhinnampi mānattaṁ dātabbaṁ.

[563] Dve bhikkhū saṅghādisesaṁ āpannā honti te
saṅghādisese saṅghādisesadiṭṭhino honti te gacchanti ārocessāmāti.
Ekassa antarāmagge makkhadhammo uppajjati na
ārocessāmīti. So paṭhamampi yāmaṁ chādeti dutiyampi yāmaṁ
chādeti tatiyampi yāmaṁ chādeti uṭṭhite aruṇe channā hoti
āpatti. Yo chādeti so dukkaṭaṁ desāpetabbo. Yathāpaṭicchanne
cassa parivāsaṁ datvā ubhinnampi mānattaṁ dātabbaṁ.

[564] Dve bhikkhū saṅghādisesaṁ āpannā honti te
saṅghādisese saṅghādisesadiṭṭhino honti. Te ummattakā honti.
Te pacchā anummattakā hutvā eko chādeti eko na
chādeti. Yo chādeti so dukkaṭaṁ desāpetabbo. Yathāpaṭicchanne
cassa parivāsaṁ datvā ubhinnampi mānattaṁ dātabbaṁ.

[565] Dve bhikkhū saṅghādisesaṁ āpannā honti te pātimokkhe
uddissamāne evaṁ vadenti idāneva kho mayaṁ jānāma ayampi
kira dhammo suttāgato suttapariyāpanno anvaḍḍhamāsaṁ uddesaṁ
āgacchatīti. Te saṅghādisese saṅghādisesadiṭṭhino honti.
Eko chādeti eko na chādeti. Yo chādeti so dukkaṭaṁ
desāpetabbo. Yathāpaṭicchanne cassa parivāsaṁ datvā ubhinnampi
mānattaṁ dātabbaṁ.

[566] Idha pana bhikkhave bhikkhu sambahulā saṅghādisesāāpattiyo
āpajjati parimāṇampi aparimāṇampi ekanāmampi nānānāmampi
sabhāgampi visabhāgampi vavatthitampi sambhinnampi. So saṅghaṁ tāsaṁ
āpattīnaṁ samodhānaparivāsaṁ yācati. Tassa saṅgho tāsaṁ āpattīnaṁ
samodhānaparivāsaṁ deti. So parivasanto antarā sambahulā
saṅghādisesā āpattiyo āpajjati parimāṇāyo appaṭicchannāyo.
So saṅghaṁ antarā āpattīnaṁ mūlāya paṭikassanaṁ yācati. Taṁ
saṅgho antarā āpattīnaṁ mūlāya paṭikassati dhammikena kammena
akuppena ṭhānārahena dhammena samodhānaparivāsaṁ deti 1 adhammena
mānattaṁ deti adhammena abbheti. So bhikkhave bhikkhu avisuddho
tāhi āpattīhi.

[567] Idha pana bhikkhave bhikkhu sambahulā saṅghādisesā āpattiyo
āpajjati parimāṇampi aparimāṇampi ekanāmampi nānānāmampi
sabhāgampi visabhāgampi vavatthitampi sambhinnampi. So saṅghaṁ tāsaṁ
āpattīnaṁ samodhānaparivāsaṁ yācati. Tassa saṅgho tāsaṁ āpattīnaṁ
samodhānaparivāsaṁ deti. So parivasanto antarā sambahulā
saṅghādisesā āpattiyo āpajjati parimāṇāyo paṭicchannāyo.
So saṅghaṁ antarā āpattīnaṁ mūlāya paṭikassanaṁ yācati. Taṁ
saṅgho antarā āpattīnaṁ mūlāya paṭikassati. Dhammikena kammena
akuppena ṭhānārahena dhammena samodhānaparivāsaṁ deti adhammena
1 Yu. dhammena samodhānaparivāsaṁ detīti pāṭhattayaṁ natthi.
Mānattaṁ deti adhammena abbheti. So bhikkhave bhikkhu avisuddho
tāhi āpattīhi.

[568] Idha pana bhikkhave bhikkhu sambahulā saṅghādisesā
āpattiyo āpajjati parimāṇampi aparimāṇampi ekanāmampi
nānānāmampi sabhāgampi visabhāgampi vavatthitampi sambhinnampi.
So saṅghaṁ tāsaṁ āpattīnaṁ samodhānaparivāsaṁ yācati. Tassa saṅgho
tāsaṁ āpattīnaṁ samodhānaparivāsaṁ deti. So parivasanto antarā
sambahulā saṅghādisesā āpattiyo āpajjati parimāṇāyo
paṭicchannāyopi appaṭicchannāyopi. So saṅghaṁ antarā āpattīnaṁ
mūlāya paṭikassanaṁ yācati. Taṁ saṅgho antarā āpattīnaṁ mūlāya
paṭikassati dhammikena kammena akuppena ṭhānārahena dhammena
samodhānaparivāsaṁ deti adhammena mānattaṁ deti adhammena abbheti.
So bhikkhave bhikkhu avisuddho tāhi āpattīhi.

[569] Idha pana bhikkhave bhikkhu sambahulā saṅghādisesā
āpattiyo āpajjati parimāṇampi aparimāṇampi ekanāmampi
nānānāmampi sabhāgampi visabhāgampi vavatthitampi sambhinnampi. So saṅghaṁ
tāsaṁ āpattīnaṁ samodhānaparivāsaṁ yācati. Tassa saṅgho tāsaṁ
āpattīnaṁ samodhānaparivāsaṁ deti. So parivasanto antarā
sambahulā saṅghādisesā āpattiyo āpajjati aparimāṇāyo
appaṭicchannāyo. So saṅghaṁ antarā āpattīnaṁ mūlāya paṭikassanaṁ
Yācati. Taṁ saṅgho antarā āpattīnaṁ mūlāya paṭikassati dhammikena
kammena akuppena ṭhānārahena dhammena samodhānaparivāsaṁ deti
adhammena mānattaṁ deti adhammena abbheti. So bhikkhave bhikkhu
avisuddho tāhi āpattīhi.