[550] Idha pana bhikkhave bhikkhu mānattāraho .pe.

[551] Idha pana bhikkhave bhikkhu mānattaṁ caranto .pe.

[552] Idha pana bhikkhave bhikkhu abbhānāraho antarā sambahulā
saṅghādisesā āpattiyo āpajjitvā appaṭicchādetvā vibbhamati .pe.
Mānattāraho ca mānattacārī ca abbhānāraho ca yathā pārivāsiko
vitthārito evaṁ vitthāretabbo 1 .

[553] Idha pana bhikkhave bhikkhu abbhānāraho antarā sambahulā
saṅghādisesā āpattiyo āpajjitvā appaṭicchādetvā sāmaṇero
hoti .pe. Ummattako hoti .pe. Khittacitto hoti .pe.
Vedanaṭṭo hoti .pe. Tassa honti āpattiyo paṭicchannāyopi
appaṭicchannāyopi .pe. Ekaccā āpattiyo jānāti ekaccā
āpattiyo na jānāti .pe. Ekaccā āpattiyo sarati ekaccā
āpattiyo na sarati .pe. Ekaccāsu āpattīsu nibbematiko
1 Ma. yathā parivāso vitthārito tathā vitthāretabbo. Yu. yathā parivāsaṁ tathā
vitthāretabbaṁ.
Ekaccāsu āpattīsu vematiko yāsu āpattīsu nibbematiko tā
āpattiyo chādeti yāsu āpattīsu vematiko tā āpattiyo
na chādeti. So vedanaṭṭo hoti. So puna avedanaṭṭo hutvā
yā āpattiyo pubbe nibbematiko chādesi tā āpattiyo
pacchā nibbematiko na chādeti yā āpattiyo pubbe vematiko
na chādesi tā āpattiyo pacchā nibbematiko na chādeti .pe.
Yā āpattiyo pubbe nibbematiko chādesi tā āpattiyo pacchā
nibbematiko na chādeti yā āpattiyo pubbe vematiko na
chādesi tā āpattiyo pacchā nibbematiko chādeti .pe. Yā
āpattiyo pubbe nibbematiko chādesi tā āpattiyo pacchā
nibbematiko chādeti yā āpattiyo pubbe vematiko na chādesi
tā āpattiyo pacchā nibbematiko na chādeti .pe. Yā āpattiyo
pubbe nibbematiko chādesi tā āpattiyo pacchā nibbematiko
chādeti yā āpattiyo pubbe vematiko na chādesi tā
āpattiyo pacchā nibbematiko chādeti. So bhikkhu mūlāya
paṭikassitabbo yathāpaṭicchannānañcassa āpattīnaṁ purimāya āpattiyā
samodhānaparivāso dātabbo.

[554] Idha pana bhikkhave bhikkhu sambahulā saṅghādisesā
āpattiyo āpajjitvā parimāṇāyo appaṭicchādetvā vibbhamati .pe.
Aparimāṇāyo appaṭicchādetvā vibbhamati .pe. Ekanāmā
Appaṭicchādetvā vibbhamati .pe. Nānānāmā appaṭicchādetvā
vibbhamati .pe. Sabhāgā appaṭicchādetvā vibbhamati .pe. Visabhāgā
appaṭicchādetvā vibbhamati .pe. Vavatthitā appaṭicchādetvā
vibbhamati .pe. Sambhinnā appaṭicchādetvā vibbhamati .pe.

[555] Dve bhikkhū saṅghādisesaṁ āpannā honti te saṅghādisese
saṅghādisesadiṭṭhino honti eko chādeti eko na chādeti.
Yo chādeti so dukkaṭaṁ desāpetabbo. Yathāpaṭicchanne cassa
parivāsaṁ datvā ubhinnampi mānattaṁ dātabbaṁ.

[556] Dve bhikkhū saṅghādisesaṁ āpannā honti te
saṅghādisese vematikā honti eko chādeti eko na chādeti.
Yo chādeti so dukkaṭaṁ desāpetabbo. Yathāpaṭicchanne cassa
parivāsaṁ datvā ubhinnampi mānattaṁ dādabbaṁ.

[557] Dve bhikkhū saṅghādisesaṁ āpannā honti te
saṅghādisese missakadiṭṭhino honti eko chādeti eko na
chādeti. Yo chādeti so dukkaṭaṁ desāpetabbo. Yathāpaṭicchanne
cassa parivāsaṁ datvā ubhinnampi mānattaṁ dātabbaṁ.

[558] Dve bhikkhū missakaṁ āpannā honti te missake
saṅghādisesadiṭṭhino honti eko chādeti eko na chādeti.
Yo chādeti so dukkaṭaṁ desāpetabbo. Yathāpaṭicchanne cassa
parivāsaṁ datvā ubhinnampi mānattaṁ dātabbaṁ.

[559] Dve bhikkhū missakaṁ āpannā honti te missake
missakadiṭṭhino honti eko chādeti eko na chādeti.
Yo chādeti so dukkaṭaṁ desāpetabbo. Yathāpaṭicchanne cassa
parivāsaṁ datvā ubhinnampi mānattaṁ dātabbaṁ.