[252] Akusalaṁ dhammaṁ paccayā akusalo dhammo uppajjati
ārammaṇapaccayā akusalaṁ ekaṁ khandhaṁ paccayā tayo khandhā tayo
khandhe paccayā eko khandho dve khandhe paccayā dve khandhā.
Abyākataṁ dhammaṁ paccayā abyākato dhammo uppajjati
ārammaṇapaccayā vipākābyākataṁ kiriyābyākataṁ ekaṁ khandhaṁ paccayā
tayo khandhā tayo khandhe paccayā eko khandho dve khandhe
paccayā dve khandhā paṭisandhikkhaṇe vipākābyākataṁ ekaṁ khandhaṁ
paccayā tayo khandhā tayo khandhe paccayā eko khandho dve
khandhe paccayā dve khandhā vatthuṁ paccayā khandhā cakkhāyatanaṁ
paccayā cakkhuviññāṇaṁ sotāyatanaṁ paccayā sotaviññāṇaṁ
ghānāyatanaṁ paccayā ghānaviññāṇaṁ jivhāyatanaṁ paccayā
jivhāviññāṇaṁ kāyāyatanaṁ paccayā kāyaviññāṇaṁ vatthuṁ paccayā
vipākābyākatā kiriyābyākatā khandhā.

[253] Abyākataṁ dhammaṁ paccayā kusalo dhammo uppajjati
ārammaṇapaccayā vatthuṁ paccayā kusalā khandhā. Abyākataṁ
Dhammaṁ paccayā akusalo dhammo uppajjati ārammaṇapaccayā vatthuṁ
paccayā akusalā khandhā.

[254] Kusalañca abyākatañca dhammaṁ paccayā kusalo dhammo
uppajjati ārammaṇapaccayā kusalaṁ ekaṁ khandhañca vatthuñca
paccayā tayo khandhā .pe. Dve khandhe ca vatthuñca paccayā
dve khandhā.

[255] Akusalañca abyākatañca dhammaṁ paccayā akusalo dhammo
uppajjati ārammaṇapaccayā akusalaṁ ekaṁ khandhañca vatthuñca
paccayā tayo khandhā .pe. Dve khandhe ca vatthuñca paccayā
dve khandhā.

[256] Kusalaṁ dhammaṁ paccayā kusalo dhammo uppajjati
adhipatipaccayā kusalaṁ ekaṁ khandhaṁ paccayā tīṇi. Akusalaṁ dhammaṁ
paccayā akusalo dhammo uppajjati adhipatipaccayā akusalaṁ ekaṁ
khandhaṁ paccayā tīṇi. Abyākataṁ dhammaṁ paccayā abyākato
dhammo uppajjati adhipatipaccayā vipākābyākataṁ kiriyābyākataṁ
ekaṁ khandhaṁ paccayā tayo khandhā cittasamuṭṭhānañca rūpaṁ ekaṁ
mahābhūtaṁ paccayā tayo mahābhūtā mahābhūte paccayā cittasamuṭṭhānaṁ
rūpaṁ upādārūpaṁ vatthuṁ paccayā vipākābyākatā kiriyābyākatā
khandhā. Abyākataṁ dhammaṁ paccayā kusalo dhammo uppajjati
adhipatipaccayā vatthuṁ paccayā kusalā khandhā. Yathā hetupaccayaṁ
Evaṁ vitthāretabbaṁ.

[257] Kusalaṁ dhammaṁ paccayā kusalo dhammo uppajjati
anantarapaccayā ... Samanantarapaccayā .... Yathā ārammaṇapaccayaṁ
evaṁ vitthāretabbaṁ.

[258] Kusalaṁ dhammaṁ paccayā kusalo dhammo uppajjati
sahajātapaccayā kusalaṁ ekaṁ khandhaṁ paccayā tīṇi. Akusalaṁ dhammaṁ
paccayā tīṇi. Abyākataṁ dhammaṁ paccayā abyākato dhammo
uppajjati sahajātapaccayā vipākābyākataṁ kiriyābyākataṁ ekaṁ
khandhaṁ paccayā tayo khandhā cittasamuṭṭhānañca rūpaṁ paṭisandhikkhaṇe
ekaṁ mahābhūtaṁ paccayā bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ paccayā .pe. Mahābhūte paccayā
kaṭattārūpaṁ upādārūpaṁ cakkhāyatanaṁ paccayā cakkhuviññāṇaṁ .pe.
Kāyāyatanaṁ paccayā kāyaviññāṇaṁ vatthuṁ paccayā vipākābyākatā
kiriyābyākatā khandhā. Abyākataṁ dhammaṁ paccayā kusalo dhammo
uppajjati sahajātapaccayā vatthuṁ paccayā kusalā khandhā. Yathā
hetupaccayaṁ evaṁ vitthāretabbaṁ.

[259] Kusalaṁ dhammaṁ paccayā kusalo dhammo uppajjati
aññamaññapaccayā ekaṁ. Akusalaṁ dhammaṁ paccayā akusalo dhammo
uppajjati aññamaññapaccayā ekaṁ. Abyākataṁ dhammaṁ paccayā
abyākato dhammo uppajjati aññamaññapaccayā vipākābyākataṁ
Kiriyābyākataṁ ekaṁ khandhaṁ paccayā tayo khandhā .pe. Dve
khandhe paccayā dve khandhā paṭisandhikkhaṇe vipākābyākataṁ ekaṁ
khandhaṁ paccayā tayo khandhā vatthu ca .pe. Dve khandhe paccayā
dve khandhā vatthu ca khandhe paccayā vatthu vatthuṁ paccayā khandhā
ekaṁ mahābhūtaṁ paccayā tayo mahābhūtā .pe. Dve mahābhūte
paccayā dve mahābhūtā bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ paccayā tayo mahābhūtā .pe.
Dve mahābhūte paccayā dve mahābhūtā cakkhāyatanaṁ paccayā
cakkhuviññāṇaṁ .pe. Kāyāyatanaṁ paccayā kāyaviññāṇaṁ vatthuṁ
paccayā vipākābyākatā kiriyābyākatā khandhā. Abyākataṁ dhammaṁ
paccayā kusalo dhammo uppajjati aññamaññapaccayā vatthuṁ paccayā
kusalā khandhā. Yathā ārammaṇapaccayaṁ evaṁ vitthāretabbaṁ.

[260] Kusalaṁ dhammaṁ paccayā kusalo dhammo uppajjati
nissayapaccayā kusalaṁ ekaṁ khandhaṁ paccayā tayo khandhā. Yathā
sahajātapaccayaṁ evaṁ vitthāretabbaṁ.

[261] Kusalaṁ dhammaṁ paccayā kusalo dhammo uppajjati upanissayapaccayā
kusalaṁ ekaṁ khandhaṁ paccayā. Ārammaṇapaccayasadisaṁ.