[242] Abyākataṁ dhammaṁ sahajāto abyākato dhammo uppajjati
nahetupaccayā ahetukaṁ vipākābyākataṁ kiriyābyākataṁ ekaṁ khandhaṁ
sahajātā tayo khandhā cittasamuṭṭhānañca rūpaṁ tayo khandhe
sahajāto eko khandho cittasamuṭṭhānañca rūpaṁ dve khandhe sahajātā
dve khandhā cittasamuṭṭhānañca rūpaṁ ahetukapaṭisandhikkhaṇe
vipākābyākataṁ ekaṁ khandhaṁ sahajātā tayo khandhā kaṭattā ca rūpaṁ
tayo khandhe sahajāto eko khandho kaṭattā ca rūpaṁ dve khandhe
sahajātā dve khandhā kaṭattā ca rūpaṁ khandhe sahajātaṁ vatthu
vatthuṁ sahajātā khandhā ekaṁ mahābhūtaṁ sahajātā tayo mahābhūtā
tayo mahābhūte sahajātaṁ ekaṁ mahābhūtaṁ dve mahābhūte sahajātā
dve mahābhūtā mahābhūte sahajātaṁ cittasamuṭṭhānaṁ rūpaṁ
kaṭattārūpaṁ upādārūpaṁ bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ sahajātā tayo mahābhūtā .pe.
Mahābhūte sahajātaṁ kaṭattārūpaṁ upādārūpaṁ.
Yathā paṭiccavāre evaṁ vitthāretabbaṁ.

[243] Nahetuyā dve nāarammaṇe pañca ... Nādhipatiyā nava
nānantare pañca nasamanantare pañca nāññamaññe pañca
naupanissaye pañca napurejāte satta napacchājāte nava
nāasevane nava nakamme tīṇi navipāke nava nāahāre ekaṁ
Naindriye ekaṁ najhāne ekaṁ namagge ekaṁ nasampayutte
pañca navippayutte tīṇi nonatthiyā pañca novigate pañca.
Paccanīyaṁ niṭṭhitaṁ.

[244] Hetupaccayā nāarammaṇe pañca ... Nādhipatiyā nava
nānantare pañca nasamanantare pañca nāññamaññe pañca
naupanissaye pañca napurejāte satta napacchājāte nava nāasevane
nava nakamme tīṇi navipāke nava nasampayutte pañca
navippayutte tīṇi nonatthiyā pañca novigate pañca.
Anulomapaccanīyaṁ niṭṭhitaṁ.

[245] Nahetupaccayā ārammaṇe dve ... Anantare dve
samanantare dve sahajāte dve aññamaññe dve nissaye
dve upanissaye dve purejāte dve āsevane dve kamme
dve vipāke ekaṁ āhāre dve indriye dve jhāne dve
magge ekaṁ sampayutte dve vippayutte dve atthiyā dve
natthiyā dve vigate dve avigate dve.
Paccanīyānulomaṁ niṭṭhitaṁ.
Sahajātavāro niṭṭhito.
Paṭiccatthaṁ nāma sahajātatthaṁ sahajātatthaṁ nāma paṭiccatthaṁ.
Paccayavāro

[246] Kusalaṁ dhammaṁ paccayā kusalo dhammo uppajjati
hetupaccayā kusalaṁ ekaṁ khandhaṁ paccayā tayo khandhā tayo khandhe
paccayā eko khandho dve khandhe paccayā dve khandhā. Kusalaṁ
dhammaṁ paccayā abyākato dhammo uppajjati hetupaccayā kusale
khandhe paccayā cittasamuṭṭhānaṁ rūpaṁ. Kusalaṁ dhammaṁ paccayā kusalo
ca abyākato ca dhammā uppajjanti hetupaccayā kusalaṁ ekaṁ
khandhaṁ paccayā tayo khandhā cittasamuṭṭhānañca rūpaṁ tayo khandhe
paccayā eko khandho cittasamuṭṭhānañca rūpaṁ dve khandhe paccayā
dve khandhā cittasamuṭṭhānañca rūpaṁ.

[247] Akusalaṁ dhammaṁ paccayā akusalo dhammo uppajjati
hetupaccayā akusalaṁ ekaṁ khandhaṁ paccayā tayo khandhā tayo khandhe
paccayā eko khandho dve khandhe paccayā dve khandhā.
Akusalaṁ dhammaṁ paccayā abyākato dhammo uppajjati hetupaccayā
akusale khandhe paccayā cittasamuṭṭhānaṁ rūpaṁ. Akusalaṁ dhammaṁ paccayā
akusalo ca abyākato ca dhammā uppajjanti hetupaccayā akusalaṁ
ekaṁ khandhaṁ paccayā tayo khandhā cittasamuṭṭhānañca rūpaṁ tayo
khandhe paccayā eko khandho cittasamuṭṭhānañca rūpaṁ dve khandhe
paccayā dve khandhā cittasamuṭṭhānañca rūpaṁ.

[248] Abyākataṁ dhammaṁ paccayā abyākato dhammo uppajjati
hetupaccayā vipākābyākataṁ kiriyābyākataṁ ekaṁ khandhaṁ paccayā
tayo khandhā cittasamuṭṭhānañca rūpaṁ tayo khandhe paccayā eko
khandho cittasamuṭṭhānañca rūpaṁ dve khandhe paccayā dve khandhā
cittasamuṭṭhānañca rūpaṁ paṭisandhikkhaṇe vipākābyākataṁ ekaṁ khandhaṁ
paccayā tayo khandhā kaṭattā ca rūpaṁ tayo khandhe paccayā
eko khandho kaṭattā ca rūpaṁ dve khandhe paccayā dve khandhā
kaṭattā ca rūpaṁ khandhe paccayā vatthu vatthuṁ paccayā khandhā
ekaṁ mahābhūtaṁ paccayā tayo mahābhūtā tayo mahābhūte paccayā
ekaṁ mahābhūtaṁ dve mahābhūte paccayā dve mahābhūtā mahābhūte
paccayā cittasamuṭṭhānaṁ rūpaṁ kaṭattārūpaṁ upādārūpaṁ vatthuṁ
paccayā vipākābyākatā kiriyābyākatā khandhā. Abyākataṁ dhammaṁ
paccayā kusalo dhammo uppajjati hetupaccayā vatthuṁ paccayā
kusalā khandhā. Abyākataṁ dhammaṁ paccayā akusalo dhammo uppajjati
hetupaccayā vatthuṁ paccayā akusalā khandhā. Abyākataṁ dhammaṁ
paccayā kusalo ca abyākato ca dhammā uppajjanti hetupaccayā
vatthuṁ paccayā kusalā khandhā mahābhūte paccayā cittasamuṭṭhānaṁ
rūpaṁ. Abyākataṁ dhammaṁ paccayā akusalo ca abyākato ca dhammā
uppajjanti hetupaccayā vatthuṁ paccayā akusalā khandhā
mahābhūte paccayā cittasamuṭṭhānaṁ rūpaṁ.

[249] Kusalañca abyākatañca dhammaṁ paccayā kusalo dhammo
uppajjati hetupaccayā kusalaṁ ekaṁ khandhañca vatthuñca paccayā
tayo khandhā tayo khandhe ca vatthuñca paccayā eko khandho
dve khandhe ca vatthuñca paccayā dve khandhā. Kusalañca abyākatañca
dhammaṁ paccayā abyākato dhammo uppajjati hetupaccayā kusale
khandhe ca mahābhūte ca paccayā cittasamuṭṭhānaṁ rūpaṁ. Kusalañca
abyākatañca dhammaṁ paccayā kusalo ca abyākato ca dhammā
uppajjanti hetupaccayā kusalaṁ ekaṁ khandhañca vatthuñca paccayā
tayo khandhā tayo khandhe ca vatthuñca paccayā eko khandho
dve khandhe ca vatthuñca paccayā dve khandhā kusale khandhe ca
mahābhūte ca paccayā cittasamuṭṭhānaṁ rūpaṁ.

[250] Akusalañca abyākatañca dhammaṁ paccayā akusalo dhammo
uppajjati hetupaccayā akusalaṁ ekaṁ khandhañca vatthuñca paccayā
tayo khandhā tayo khandhā ca vatthuñca paccayā eko khandho
dve khandhe ca vatthuñca paccayā dve khandhā. Akusalañca
abyākatañca dhammaṁ paccayā abyākato dhammo uppajjati hetupaccayā
akusale khandhe ca mahābhūte ca paccayā cittasamuṭṭhānaṁ rūpaṁ.
Akusalañca abyākatañca dhammaṁ paccayā akusalo ca abyākato
ca dhammā uppajjanti hetupaccayā akusalaṁ ekaṁ khandhañca vatthuñca
paccayā tayo khandhā tayo khandhe ca vatthuñca paccayā eko
Khandho dve khandhe ca vatthuñca paccayā dve khandhā akusale
khandhe ca mahābhūte ca paccayā cittasamuṭṭhānaṁ rūpaṁ.

[251] Kusalaṁ dhammaṁ paccayā kusalo dhammo uppajjati
ārammaṇapaccayā kusalaṁ ekaṁ khandhaṁ paccayā tayo khandhā tayo
khandhe paccayā eko khandho dve khandhe paccayā dve khandhā.