[290] Tena kho pana samayena aññataro bhikkhu gilāno
hoti. Taṁ bhikkhū etadavocuṁ atthāyasmato uttarimanussadhammoti.
Nāvuso dukkaraṁ aññaṁ byākātunti. Tassa kukkuccaṁ ahosi
ye kho te bhagavato sāvakā te evaṁ vadeyyuṁ ahañcamhi
na bhagavato sāvako kacci nu kho ahaṁ pārājikaṁ āpattiṁ
āpannoti. Bhagavato etamatthaṁ ārocesi. Kiṁcitto tvaṁ
bhikkhūti. Anullapanādhippāyo ahaṁ bhagavāti. Anāpatti bhikkhu
1 Yu. Ma. potthakesu ayaṁ pāṭho na paññāyati. 2 Yu. Ma. upaṭṭhesi.
3 Yu. Ma. upaṭṭheti.
Anullapanādhippāyassāti 1 . Tena kho pana samayena aññataro bhikkhu
gilāno hoti. Taṁ bhikkhū etadavocuṁ atthāyasmato uttarimanussadhammoti.
Ārādhanīyo kho āvuso dhammo āraddhaviriyenāti. Tassa
kukkuccaṁ ahosi .pe. Anāpatti bhikkhu anullapanādhippāyassāti.
Tena kho pana samayena aññataro bhikkhu gilāno hoti. Taṁ bhikkhū
etadavocuṁ mā kho āvuso bhāyīti. Nāhaṁ āvuso maccuno
bhāyāmīti. Tassa kukkuccaṁ ahosi .pe. Anāpatti bhikkhu
anullapanādhippāyassāti. Tena kho pana samayena aññataro bhikkhu
gilāno hoti. Taṁ bhikkhū etadavocuṁ mā kho āvuso bhāyīti.
Yo nūnāvuso vippaṭisārī assa so bhāyeyyāti. Tassa kukkuccaṁ
ahosi .pe. Anāpatti bhikkhu anullapanādhippāyassāti. Tena kho
pana samayena aññataro bhikkhu gilāno hoti. Taṁ bhikkhū etadavocuṁ
atthāyasmato uttarimanussadhammoti. Ārādhanīyo kho āvuso
dhammo sammāpayuttenāti. Tassa kukkuccaṁ ahosi .pe. Anāpatti
bhikkhu anullapanādhippāyassāti. Tena kho pana samayena aññataro
1 ito pure yuropiyapotthake ekaṁ vatthu atirekaṁ hoti. tattha
hi vuttaṁ tena kho pana samayena aññataro bhikkhu gilāno hoti. taṁ
bhikkhū etadavocuṁ atthāyasmato uttarimanussadhammoti. na āvuso
dukkaraṁ ārādhetunti. tassa kukkuccaṁ ahosi .pe. anāpatti
bhikkhu anullapanādhippāyassāti. taṁ sabbesu potthakesu na dissati.
Bhikkhu gilāno hoti. Taṁ bhikkhū etadavocuṁ atthāyasmato
uttarimanussadhammoti. Ārādhanīyo kho āvuso dhammo āraddhaviriyenāti.
Tassa kukkuccaṁ ahosi .pe. Anāpatti bhikkhu
anullapanādhippāyassāti. Tena kho pana samayena aññataro bhikkhu
gilāno hoti. Taṁ bhikkhū etadavocuṁ atthāyasmato uttarimanussadhammoti.
Ārādhanīyo kho āvuso dhammo yuttayogenāti.
Tassa kukkuccaṁ ahosi .pe. Anāpatti bhikkhu anullapanādhippāyassāti.
Tena kho pana samayena aññataro bhikkhu gilāno
hoti. Taṁ bhikkhū etadavocuṁ kaccāvuso khamanīyaṁ kacci yāpanīyanti.
Nāvuso sakkā yena vā tena vā adhivāsetunti. Tassa kukkuccaṁ
ahosi .pe. Anāpatti bhikkhu anullapanādhippāyassāti. Tena
kho pana samayena aññataro bhikkhu gilāno hoti. Taṁ bhikkhū
etadavocuṁ kaccāvuso khamanīyaṁ kacci yāpanīyanti. Nāvuso sakkā
puthujjanena adhivāsetunti. Tassa kukkuccaṁ ahosi .pe. Bhagavato
etamatthaṁ ārocesi. Kiṁcitto tvaṁ bhikkhūti. Ullapanādhippāyo ahaṁ
bhagavāti. Anāpatti bhikkhu pārājikassa āpatti thullaccayassāti.

[291] Tena kho pana samayena aññataro brāhmaṇo bhikkhū
nimantetvā etadavoca āyantu bhonto arahantoti. Tesaṁ
kukkuccaṁ ahosi mayañcamhā na arahanto 1 ayañca brāhmaṇo
1 Yu. Ma. anarahanto.
Amhe arahantavādena samudācarati kathaṁ nu kho amhehi paṭipajjitabbanti.
Bhagavato etamatthaṁ ārocesuṁ. Anāpatti bhikkhave
pasādabhaññeti. Tena kho pana samayena aññataro brāhmaṇo
bhikkhū nimantetvā etadavoca nisīdantu bhonto arahantoti .pe.
Bhuñjantu bhonto arahantoti .pe. Tappentu bhonto arahantoti
.pe. Gacchantu bhonto arahantoti. Tesaṁ kukkuccaṁ ahosi
mayañcamhā na arahanto ayañca brāhmaṇo amhe arahantavādena
samudācarati kathaṁ nu kho amhehi paṭipajjitabbanti. Bhagavato
etamatthaṁ ārocesuṁ. Anāpatti bhikkhave pasādabhaññeti.

[292] Tena kho pana samayena aññataro bhikkhu aññatarassa
bhikkhuno uttarimanussadhammaṁ ullapati. Sopi evamāha mayhaṁpi
āvuso āsavā pahīnāti. Tassa kukkuccaṁ ahosi .pe.
Āpattiṁ tvaṁ bhikkhu āpanno pārājikanti. Tena kho pana
samayena aññataro bhikkhu aññatarassa bhikkhuno uttarimanussadhammaṁ
ullapati. Sopi evamāha mayhaṁpi āvuso ete dhammā saṁvijjantīti.
Tassa kukkuccaṁ ahosi. Bhagavato etamatthaṁ ārocesi. Āpattiṁ
tvaṁ bhikkhu āpanno pārājikanti. Tena kho pana samayena
aññataro bhikkhu aññatarassa bhikkhuno uttarimanussadhammaṁ ullapati.
Sopi evamāha ahaṁpi āvuso etesu dhammesu sandissāmīti.
Tassa kukkuccaṁ ahosi. Bhagavato etamatthaṁ ārocesi. Āpattiṁ
Tvaṁ bhikkhu āpanno pārājikanti.

[293] Tena kho pana samayena aññataraṁ bhikkhuṁ ñātakā
etadavocuṁ ehi bhante agāraṁ ajjhāvasāti. Abhabbo kho
āvuso mādiso agāraṁ ajjhāvasitunti. Tassa kukkuccaṁ ahosi.
Bhagavato etamatthaṁ ārocesi. Kiṁcitto tvaṁ bhikkhūti. Anullapanādhippāyo
ahaṁ bhagavāti. Anāpatti bhikkhu anullapanādhippāyassāti.
Tena kho pana samayena aññataraṁ bhikkhuṁ ñātakā etadavocuṁ ehi
bhante kāme paribhuñjāti. Āvaṭā me āvuso kāmāti.
Tassa kukkuccaṁ ahosi. Bhagavato etamatthaṁ ārocesi. Kiṁcitto
tvaṁ bhikkhūti. Anullapanādhippāyo ahaṁ bhagavāti. Anāpatti
bhikkhu anullapanādhippāyassāti. Tena kho pana samayena aññataraṁ
bhikkhuṁ ñātakā etadavocuṁ abhiramasi bhanteti. Abhirato ahaṁ
āvuso paramāya abhiratiyāti. Tassa kukkuccaṁ ahosi ye kho te
bhagavato sāvakā te evaṁ vadeyyuṁ ahañcamhi na bhagavato sāvako
kacci nu kho ahaṁ pārājikaṁ āpattiṁ āpannoti. Bhagavato
etamatthaṁ ārocesi. Kiṁcitto tvaṁ bhikkhūti. Anullapanādhippāyo
ahaṁ bhagavāti. Anāpatti bhikkhu anullapanādhippāyassāti.

[294] Tena kho pana samayena sambahulā bhikkhū katikaṁ katvā
aññatarasmiṁ āvāse vassaṁ upagacchiṁsu yo imamhā āvāsā
paṭhamaṁ pakkamissati taṁ mayaṁ arahāti jānissāmāti. Aññataro
Bhikkhu maṁ arahāti jānantūti tamhā āvāsā paṭhamaṁ pakkāmi 1 .
Tassa kukkuccaṁ ahosi kacci nu kho ahaṁ pārājikaṁ āpattiṁ
āpannoti. Bhagavato etamatthaṁ ārocesi. Āpattiṁ tvaṁ
bhikkhu āpanno pārājikanti.

[295] Tena 2 samayena buddho bhagavā rājagahe viharati veḷuvane
kalandakanivāpe. Tena kho pana samayena āyasmā ca lakkhaṇo
āyasmā ca mahāmoggallāno gijjhakūṭe pabbate viharanti.
Athakho āyasmā mahāmoggallāno pubbaṇhasamayaṁ nivāsetvā pattacīvaramādāya
yenāyasmā lakkhaṇo tenupasaṅkami upasaṅkamitvā
āyasmantaṁ lakkhaṇaṁ etadavoca āyāmāvuso lakkhaṇa rājagahaṁ
piṇḍāya pavisissāmāti. Evamāvusoti kho āyasmā lakkhaṇo
āyasmato mahāmoggallānassa paccassosi. Athakho āyasmā
mahāmoggallāno gijjhakūṭā pabbatā orohanto aññatarasmiṁ
padese sitaṁ pātvākāsi. Athakho āyasmā lakkhaṇo āyasmantaṁ
mahāmoggallānaṁ etadavoca ko nu kho āvuso mahāmoggallāna
hetu ko paccayo sitassa pātukammāyāti. Akālo kho āvuso
lakkhaṇa etassa paṇhassa byākaraṇāya 3 bhagavato maṁ santike etaṁ
paṇhaṁ pucchāti. Athakho āyasmā ca lakkhaṇo āyasmā ca
1 Yu. Ma. pakkami. 2 Yu. Rā. tena kho pana. 3 Yu. Ma. potthakesu
ayaṁ pāṭho na dissati.
Mahāmoggallāno rājagahe piṇḍāya caritvā pacchābhattaṁ piṇḍapātapaṭikkantā
yena bhagavā tenupasaṅkamiṁsu upasaṅkamitvā bhagavantaṁ
abhivādetvā ekamantaṁ nisīdiṁsu. Ekamantaṁ nisinno kho āyasmā
lakkhaṇo āyasmantaṁ mahāmoggallānaṁ etadavoca idhāyasmā mahāmoggallāno
gijjhakūṭā pabbatā orohanto aññatarasmiṁ padese
sitaṁ pātvākāsi ko nu kho āvuso moggallāna hetu ko
paccayo sitassa pātukammāyāti. Idhāhaṁ āvuso gijjhakūṭā
pabbatā orohanto addasaṁ aṭṭhikasaṅkhalikaṁ vehāsaṁ gacchantaṁ tamenaṁ
gijjhāpi kaṅkāpi 1 kulalāpi anupatitvā anupatitvā phāsuḷantarikāhi 2
vitudenti vitacchenti 3 virājenti 4 svāssudaṁ 5 aṭṭassaraṁ karoti tassa
mayhaṁ āvuso etadahosi acchariyaṁ vata bho abbhūtaṁ vata bho
evarūpopi nāma satto bhavissati evarūpopi nāma yakkho bhavissati
evarūpopi nāma peto bhavissati 6 evarūpopi nāma attabhāvapaṭilābho
bhavissatīti. Bhikkhū ujjhāyanti khīyanti vipācenti uttarimanussadhammaṁ
āyasmā mahāmoggallāno ullapatīti. Athakho bhagavā bhikkhū
1 Yu. Ma. kākāpi. 2 Ma. phāsuḷantarikādīhi. 3-4 Yu. Ma. potthakesu
idaṁ pāṭhadvayaṁ na dissati. 5 tabbaṇṇanāyaṁ sāsudanti āgataṁ. tattha hi
vuttaṁ sāsudaṁ aṭṭassaraṁ karotīti ettha sudanti nipāto. sā
aṭṭhikasaṅkhalikā aṭṭassaraṁ āturassaraṁ karotīti attho. 6 evarūpopi
nāma peto bhavissatīti Yu. Ma. potthakesu na dissati.
Āmantesi cakkhubhūtā vata bhikkhave sāvakā viharanti ñāṇabhūtā
vata bhikkhave sāvakā viharanti yatra hi nāma sāvako evarūpaṁ
ñassati vā dakkhati vā sakkhiṁ vā karissati pubbe va me so
bhikkhave satto diṭṭho ahosi apicāhaṁ na byākāsiṁ ahañcetaṁ
byākareyyaṁ pare ca me na saddaheyyuṁ ye me na saddaheyyuṁ
tesantaṁ assa dīgharattaṁ ahitāya dukkhāya eso bhikkhave satto
imasmiṁyeva rājagahe goghātako ahosi so tassa kammassa vipākena
bahūni vassāni bahūni vassasatāni bahūni vassasahassāni bahūni
vassasatasahassāni niraye pacitvā tasseva kammassa vipākāvasesena
evarūpaṁ attabhāvapaṭilābhaṁ paṭisaṁvedeti saccaṁ bhikkhave moggallāno
āha anāpatti bhikkhave moggallānassāti .pe. Idhāhaṁ āvuso
gijjhakūṭā pabbatā orohanto addasaṁ maṁsapesiṁ vehāsaṁ gacchantaṁ
tamenaṁ gijjhāpi kaṅkāpi kulalāpi anupatitvā anupatitvā vitudenti 1
vitacchenti virājenti 2 svāssudaṁ aṭṭassaraṁ karoti .pe. Eso
bhikkhave satto imasmiṁyeva rājagahe goghātako ahosi .pe.
Idhāhaṁ āvuso gijjhakūṭā pabbatā orohanto addasaṁ maṁsapiṇḍaṁ
vehāsaṁ gacchantaṁ tamenaṁ gijjhāpi kaṅkāpi kulalāpi anupatitvā
anupatitvā vitudenti vitacchenti virājenti svāssudaṁ aṭṭassaraṁ
1 Yu. Ma. potthakesu ayaṁ pāṭho natthi. 2 Yu. Ma. vibhajenti. ito
paraṁ pacchimaṁ pāṭhadvayaññeva tattha dissati no purimo pāṭho.
Karoti .pe. Eso bhikkhave satto imasmiṁyeva rājagahe sākuṇiko
ahosi .pe. Idhāhaṁ āvuso gijjhakūṭā pabbatā orohanto
addasaṁ nicchaviṁ purisaṁ vehāsaṁ gacchantaṁ tamenaṁ gijjhāpi kaṅkāpi
kulalāpi anupatitvā anupatitvā vitudenti vitacchenti virājenti
svāssudaṁ aṭṭassaraṁ karoti .pe. Eso bhikkhave satto imasmiṁyeva
rājagahe orabbhiko ahosi .pe. Idhāhaṁ āvuso gijjhakūṭā
pabbatā orohanto addasaṁ asilomaṁ purisaṁ vehāsaṁ gacchantaṁ
tassa te asī uppatitvā uppatitvā tasseva kāye nipatanti
svāssudaṁ aṭṭassaraṁ karoti .pe. Eso bhikkhave satto
imasmiṁyeva rājagahe sūkariko ahosi .pe. Idhāhaṁ āvuso
gijjhakūṭā pabbatā orohanto addasaṁ sattilomaṁ purisaṁ vehāsaṁ
gacchantaṁ tassa tā sattiyo uppatitvā uppatitvā tasseva
kāye nipatanti svāssudaṁ aṭṭassaraṁ karoti .pe. Eso bhikkhave
satto imasmiṁyeva rājagahe māgaviko ahosi .pe. Idhāhaṁ
āvuso gijjhakūṭā pabbatā orohanto addasaṁ usulomaṁ purisaṁ
vehāsaṁ gacchantaṁ tassa te usū uppatitvā uppatitvā tasseva
kāye nipatanti svāssudaṁ aṭṭassaraṁ karoti .pe. Eso
bhikkhave satto imasmiṁyeva rājagahe kāraṇiko ahosi .pe.
Idhāhaṁ āvuso gijjhakūṭā pabbatā orohanto addasaṁ sūcilomaṁ
purisaṁ vehāsaṁ gacchantaṁ tassa tā sūciyo uppatitvā uppatitvā
Tasseva kāye nipatanti svāssudaṁ aṭṭassaraṁ karoti .pe.
Eso bhikkhave satto imasmiṁyeva rājagahe sārathi ahosi .pe.
Idhāhaṁ āvuso gijjhakūṭā pabbatā orohanto addasaṁ sūcilomaṁ
purisaṁ vehāsaṁ gacchantaṁ tassa tā sūciyo sīse pavisitvā mukhato
nikkhamanti mukhe pavisitvā urato nikkhamanti ure pavisitvā udarato
nikkhamanti udare pavisitvā ūrūhi nikkhamanti ūrūsu pavisitvā jaṅghāhi
nikkhamanti jaṅghāsu pavisitvā pādehi nikkhamanti svāssudaṁ aṭṭassaraṁ
karoti .pe. Eso bhikkhave satto imasmiṁyeva rājagahe
sūciko 1 ahosi .pe. Idhāhaṁ āvuso gijjhakūṭā pabbatā orohanto
addasaṁ kumbhaṇḍaṁ purisaṁ vehāsaṁ gacchantaṁ so 2 gacchantopi te va
aṇḍe khandhe oropetvā gacchanti nisīdantopi tesveva aṇḍesu
nisīdati tamenaṁ gijjhāpi kaṅkāpi kulalāpi anupatitvā anupatitvā
vitudenti vitacchenti virājenti svāssudaṁ aṭṭassaraṁ karoti .pe.
Eso bhikkhave satto imasmiṁyeva rājagahe gāmakūṭo ahosi .pe.
Idhāhaṁ āvuso gijjhakūṭā pabbatā orohanto addasaṁ purisaṁ gūthakūpe
sasīsakaṁ nimuggaṁ .pe. Eso bhikkhave satto imasmiṁyeva rājagahe
paradāriko ahosi .pe. Idhāhaṁ āvuso gijjhakūṭā pabbatā
orohanto addasaṁ purisaṁ gūthakūpe sasīsakaṁ nimuggaṁ ubhohi hatthehi
gūthaṁ khādantaṁ .pe. Eso bhikkhave satto imasmiṁyeva rājagahe
1 Yu. Ma. sūcako. 2 Yu. sa..
Duṭṭhabrāhmaṇo ahosi so kassapassa sammāsambuddhassa pāvacane
bhikkhusaṅghaṁ bhattena nimantetvā doṇiyā gūthassa pūrāpetvā kālaṁ
ārocāpetvā etadavoca ito 1 bhonto yāvadatthaṁ bhuñjantu ceva
harantu cāti so tassa kammassa vipākena bahūni vassāni bahūni
vassasatāni bahūni vassasahassāni bahūni vassasatasahassāni niraye
pacitvā tasseva kammassa vipākāvasesena evarūpaṁ attabhāvapaṭilābhaṁ
paṭisaṁvedeti saccaṁ bhikkhave moggallāno āha anāpatti bhikkhave
moggallānassāti .pe. Idhāhaṁ āvuso gijjhakūṭā pabbatā
orohanto addasaṁ nicchaviṁ itthiṁ vehāsaṁ gacchantiṁ tamenaṁ gijjhāpi
kaṅkāpi kulalāpi anupatitvā anupatitvā vitudenti vitacchenti virājenti
sāssudaṁ aṭṭassaraṁ karoti esā bhikkhave itthī imasmiṁyeva rājagahe
aticārinī ahosi .pe. Saccaṁ bhikkhave moggallāno āha anāpatti
bhikkhave moggallānassāti. Idhāhaṁ āvuso gijjhakūṭā pabbatā
orohanto addasaṁ itthiṁ duggandhaṁ maṅguliṁ vehāsaṁ gacchantiṁ tamenaṁ
gijjhāpi kaṅkāpi kulalāpi anupatitvā anupatitvā vitudenti vitacchenti
virājenti sāssudaṁ aṭṭassaraṁ karoti .pe. Esā bhikkhave itthī
imasmiṁyeva rājagahe ikkhaṇikā ahosi .pe. Idhāhaṁ āvuso
gijjhakūṭā pabbatā orohanto addasaṁ itthiṁ uppakkaṁ okiliniṁ
okiraṇiṁ vehāsaṁ gacchantiṁ sāssudaṁ aṭṭassaraṁ karoti .pe. Esā
1 Yu. Ma. aho.
Bhikkhave itthī kāliṅgassa rañño aggamahesī ahosi 1 sā issāpakatā
sapattiṁ aṅgārakaṭāhena okiri .pe. Idhāhaṁ āvuso gijjhakūṭā
pabbatā orohanto addasaṁ asīsakabandhaṁ vehāsaṁ gacchantaṁ tassa
ure akkhīni ceva honti mukhañca tamenaṁ gijjhāpi kaṅkāpi kulalāpi
anupatitvā anupatitvā vitudenti vitacchenti virājenti svāssudaṁ
aṭṭassaraṁ karoti .pe. Eso bhikkhave satto imasmiṁyeva rājagahe
dāmariko 2 nāma coraghātako ahosi .pe. Idhāhaṁ āvuso gijjhakūṭā
pabbatā orohanto addasaṁ bhikkhuṁ vehāsaṁ gacchantaṁ tassa saṅghāṭipi
ādittā sampajjalitā sañjotibhūtā 3 pattopi āditto sampajjalito
sañjotibhūto 4 kāyabandhanaṁpi ādittaṁ sampajjalitaṁ sañjotibhūtaṁ 5 kāyopi
āditto sampajjalito sañjotibhūto svāssudaṁ aṭṭassaraṁ karoti
.pe. Eso bhikkhave bhikkhu kassapassa sammāsambuddhassa pāvacane
pāpabhikkhu ahosi .pe. Idhāhaṁ āvuso gijjhakūṭā pabbatā
orohanto addasaṁ bhikkhuniṁ .pe. Addasaṁ sikkhamānaṁ addasaṁ
sāmaṇeraṁ addasaṁ sāmaṇeriṁ vehāsaṁ gacchantiṁ tassā saṅghāṭipi
ādittā sampajjalitā sañjotibhūtā pattopi āditto sampajjalito
sañjotibhūto kāyabandhanaṁpi ādittaṁ sampajjalitaṁ sañjotibhūtaṁ kāyopi
1 Yu. Ma. potthakesu ayaṁ pāṭho natthi. 2 Yu. Ma. hāriko.
3-4-5 yamidha sañjotibhūtā sañjotibhūto sañjotibhūtanti likhiyati taṁ katthaci sajjotibhūtā sajjotibhūto sajjotibhūtanti.
Āditto sampajjalito sañjotibhūto sāssudaṁ aṭṭassaraṁ karoti
tassa mayhaṁ āvuso etadahosi acchariyaṁ vata bho abbhūtaṁ vata bho
evarūpopi nāma satto bhavissati evarūpopi nāma yakkho bhavissati
evarūpopi nāma peto bhavissati evarūpopi nāma attabhāvapaṭilābho
bhavissatīti. Bhikkhū ujjhāyanti khīyanti vipācenti uttarimanussadhammaṁ
āyasmā mahāmoggallāno ullapatīti. Athakho bhagavā bhikkhū
āmantesi cakkhubhūtā vata bhikkhave sāvakā viharanti ñāṇabhūtā vata
bhikkhave sāvakā viharanti yatra hi nāma sāvako evarūpaṁ ñassati
vā dakkhati vā sakkhiṁ vā karissati pubbe va me sā bhikkhave sāmaṇerī
diṭṭhā ahosi apicāhaṁ na byākāsiṁ ahañcetaṁ byākareyyaṁ
pare ca me na saddaheyyuṁ ye me na saddaheyyuṁ tesantaṁ assa
dīgharattaṁ ahitāya dukkhāya esā bhikkhave sāmaṇerī kassapassa
sammāsambuddhassa pāvacane pāpasāmaṇerī ahosi sā tassa kammassa
vipākena bahūni vassāni bahūni vassasatāni bahūni vassasahassāni bahūni
vassasatasahassāni niraye pacitvā tasseva kammassa vipākāvasesena
evarūpaṁ attabhāvapaṭilābhaṁ paṭisaṁvedeti saccaṁ bhikkhave moggallāno
āha anāpatti bhikkhave moggallānassāti.

[296] Athakho āyasmā mahāmoggallāno bhikkhū āmantesi
yatāyaṁ āvuso tapodā sandati so daho acchodako sītodako
sātodako setodako supatittho ramaṇīyo pahūtamacchakacchapo cakkamattāni
Ca padumāni pupphanti atha ca panāyaṁ tapodā kuthitā sandatīti.
Bhikkhū ujjhāyanti khīyanti vipācenti kathaṁ hi nāma āyasmā
mahāmoggallāno evaṁ vakkhati yatāyaṁ āvuso tapodā sandati
so daho acchodako sītodako sātodako setodako supatittho
ramaṇīyo pahūtamacchakacchapo cakkamattāni ca padumāni pupphanti atha
ca panāyaṁ tapodā kuthitā sandatīti uttarimanussadhammaṁ āyasmā
mahāmoggallāno ullapatīti. Bhagavato etamatthaṁ ārocesuṁ.
Yatāyaṁ bhikkhave tapodā sandati so daho acchodako sītodako
sātodako setodako supatittho ramaṇīyo pahūtamacchakacchapo cakkamattāni
ca padumāni pupphanti apicāyaṁ bhikkhave tapodā dvinnaṁ mahānirayānaṁ
antarikāya āgacchati tenāyaṁ tapodā kuthitā sandati saccaṁ
bhikkhave moggallāno āha anāpatti bhikkhave moggallānassāti.

[297] Tena kho pana samayena rājā māgadho seniyo bimbisāro
licchavīhi saddhiṁ saṅgāmento pabhaggo hoti. Atha rājā pacchā
senaṁ saṅkaḍḍhitvā licchaviyo 1 parājesi. Saṅgāme ca nandi carati
raññā licchaviyo 2 pabhaggāti. Athakho āyasmā mahāmoggallāno
bhikkhū āmantesi rājā āvuso licchavīhi pabhaggo saṅgāme ca
nandi carati raññā licchaviyo pabhaggāti. Bhikkhū ujjhāyanti khīyanti
vipācenti kathaṁ hi nāma āyasmā mahāmoggallāno evaṁ vakkhati
1 licchavī vā licchavino vāti amhākaṁ khanti. 2 Yu. Ma. licchavī.
Rājā āvuso licchavīhi pabhaggo saṅgāme ca nandi carati raññā
licchaviyo pabhaggāti uttarimanussadhammaṁ āyasmā mahāmoggallāno
ullapatīti. Bhagavato etamatthaṁ ārocesuṁ. Paṭhamaṁ bhikkhave rājā
licchavīhi pabhaggo atha rājā pacchā senaṁ saṅkaḍḍhitvā licchaviyo
parājesi saccaṁ bhikkhave moggallāno āha anāpatti bhikkhave
moggallānassāti.

[298] Athakho āyasmā mahāmoggallāno bhikkhū āmantesi
idhāhaṁ āvuso sappinikāya nadiyā tīre āneñjaṁ 1 samādhiṁ samāpanno
nāgānaṁ ogayha uttarantānaṁ koñcaṁ karontānaṁ saddaṁ assosinti.
Bhikkhū ujjhāyanti khīyanti vipācenti kathaṁ hi nāma āyasmā
mahāmoggallāno evaṁ vakkhati idhāhaṁ āvuso sappinikāya nadiyā
tīre āneñjaṁ samādhiṁ samāpanno nāgānaṁ ogayha uttarantānaṁ
koñcaṁ karontānaṁ saddaṁ assosinti uttarimanussadhammaṁ āyasmā
mahāmoggallāno ullapatīti. Bhagavato etamatthaṁ ārocesuṁ.
Attheso bhikkhave samādhi so ca kho aparisuddho saccaṁ bhikkhave
moggallāno āha anāpatti bhikkhave moggallānassāti.

[299] Athakho āyasmā sobhito bhikkhū āmantesi ahaṁ āvuso
pañca kappasatāni anussarāmīti. Bhikkhū ujjhāyanti khīyanti
vipācenti kathaṁ hi nāma āyasmā sobhito evaṁ vakkhati ahaṁ
1 Yu. Ma. ānañjaṁ.
Āvuso pañca kappasatāni anussarāmīti uttarimanussadhammaṁ āyasmā
sobhito ullapatīti. Bhagavato etamatthaṁ ārocesuṁ. Atthesā
bhikkhave sobhitassa sā ca kho ekāyeva jāti saccaṁ bhikkhave
sobhito āha anāpatti bhikkhave sobhitassāti.
Catutthapārājikaṁ niṭṭhitaṁ.
-------------