[789] Yo cakkhāyatanaṁ parijānittha so sotāyatanaṁ parijānitthāti:
āmantā. Yo vā pana sotāyatanaṁ parijānittha so cakkhāyatanaṁ
parijānitthāti: āmantā. Yo cakkhāyatanaṁ na parijānittha so
sotāyatanaṁ na parijānitthāti: āmantā. Yo vā pana sotāyatanaṁ
Na parijānittha so cakkhāyatanaṁ na parijānitthāti: āmantā.

[790] Yo cakkhāyatanaṁ parijānissati so sotāyatanaṁ
parijānissatīti: āmantā. Yo vā pana sotāyatanaṁ parijānissati so
cakkhāyatanaṁ parijānissatīti: āmantā. Yo cakkhāyatanaṁ na parijānissati
so sotāyatanaṁ na parijānissatīti: āmantā. Yo vā pana sotāyatanaṁ
na parijānissati so cakkhāyatanaṁ na parijānissatīti: āmantā.

[791] Yo cakkhāyatanaṁ parijānāti so sotāyatanaṁ parijānitthāti:
no. Yo vā pana sotāyatanaṁ parijānittha so cakkhāyatanaṁ
parijānātīti: no. Yo cakkhāyatanaṁ na parijānāti so sotāyatanaṁ
na parijānitthāti: arahā cakkhāyatanaṁ na parijānāti no ca sotāyatanaṁ
na parijānittha aggamaggasamaṅgiñca arahantañca ṭhapetvā avasesā
puggalā cakkhāyatanañca na parijānanti sotāyatanañca na parijānittha.
Yo vā pana sotāyatanaṁ na parijānittha so cakkhāyatanaṁ na parijānātīti:
aggamaggasamaṅgī sotāyatanaṁ na parijānittha no ca cakkhāyatanaṁ na parijānāti
aggamaggasamaṅgiñca arahantañca ṭhapetvā avasesā puggalā
sotāyatanañca na parijānittha cakkhāyatanañca na parijānanti.

[792] Yo cakkhāyatanaṁ parijānāti so sotāyatanaṁ parijānissatīti:
no. Yo vā pana sotāyatanaṁ parijānissati so cakkhāyatanaṁ
parijānātīti: no. Yo cakkhāyatanaṁ na parijānāti so sotāyatanaṁ
na parijānissatīti: ye maggaṁ paṭilabhissanti te cakkhāyatanaṁ na parijānanti
No ca sotāyatanaṁ na parijānissanti arahā ye ca puthujjanā
maggaṁ na paṭilabhissanti te cakkhāyatanañca na parijānanti sotāyatanañca
na parijānissanti. Yo vā pana sotāyatanaṁ na parijānissati so
cakkhāyatanaṁ na parijānātīti: aggamaggasamaṅgī sotāyatanaṁ na parijānissati
no ca cakkhāyatanaṁ na parijānāti arahā ye ca puthujjanā
maggaṁ na paṭilabhissanti te sotāyatanañca na parijānissanti cakkhāyatanañca
na parijānanti.

[793] Yo cakkhāyatanaṁ parijānittha so sotāyatanaṁ parijānissatīti:
no. Yo vā pana sotāyatanaṁ parijānissati so cakkhāyatanaṁ
parijānitthāti: no. Yo cakkhāyatanaṁ na parijānittha so sotāyatanaṁ
na parijānissatīti: ye maggaṁ paṭilabhissanti te cakkhāyatanaṁ na
parijānittha no ca sotāyatanaṁ na parijānissanti aggamaggasamaṅgī ye
ca puthujjanā maggaṁ na paṭilabhissanti te cakkhāyatanañca na parijānittha
sotāyatanañca na parijānissanti. Yo vā pana sotāyatanaṁ na
parijānissati so cakkhāyatanaṁ na parijānitthāti: arahā sotāyatanaṁ
na parijānissati no ca cakkhāyatanaṁ na parijānittha aggamaggasamaṅgī
ye ca puthujjanā maggaṁ na paṭilabhissanti te sotāyatanañca na parijānissanti
cakkhāyatanañca na parijānittha.
Pariññāvāraṁ niṭṭhitaṁ.
Āyatanayamakaṁ niṭṭhitaṁ.
Dhātuyamakaṁ
paṇṇattivāro

[794] Aṭṭhārasa dhātuyo cakkhudhātu sotadhātu ghānadhātu jivhādhātu
kāyadhātu rūpadhātu saddadhātu gandhadhātu rasadhātu phoṭṭhabbadhātu
cakkhuviññāṇadhātu sotaviññāṇadhātu ghānaviññāṇadhātu jivhāviññāṇadhātu
kāyaviññāṇadhātu manodhātu manoviññāṇadhātu dhammadhātu.
Uddesavāro

[795] Cakkhu cakkhudhātu cakkhudhātu cakkhu. Sotaṁ sotadhātu
sotadhātu sotaṁ .pe. Cakkhuviññāṇaṁ cakkhuviññāṇadhātu
cakkhuviññāṇadhātu cakkhuviññāṇaṁ .pe. Mano manodhātu manodhātu
mano. Manoviññāṇaṁ manoviññāṇadhātu manoviññāṇadhātu
manoviññāṇaṁ. Dhammo dhammadhātu dhammadhātu dhammo.

[796] Na cakkhu na cakkhudhātu na cakkhudhātu na cakkhu. Na sotaṁ
na sotadhātu na sotadhātu na sotaṁ .pe. Na cakkhuviññāṇaṁ na
cakkhuviññāṇadhātu na cakkhuviññāṇadhātu na cakkhuviññāṇaṁ .pe. Na mano
na manodhātu na manodhātu na mano. Na manoviññāṇaṁ na manoviññāṇadhātu
na manoviññāṇadhātu na manoviññāṇaṁ. Na dhammo na dhammadhātu
na dhammadhātu na dhammo.
--------

[797] Cakkhu cakkhudhātu dhātū sotadhātu .pe. Cakkhu
cakkhudhātu dhātū dhammadhātu. Yathā āyatanayamake cakkaṁ bandhitaṁ
evamidha cakkaṁ bandhitabbaṁ.

[798] Na cakkhu na cakkhudhātu na dhātū na sotadhātu. Na cakkhu
na cakkhudhātu na dhātū na ghānadhātu .pe. Na cakkhu na cakkhudhātu
na dhātū na dhammadhātu .pe. Na dhammo na dhammātu na dhātū na cakkhudhātu
.pe. Na dhammo na dhammadhātu na dhātū na manoviññāṇadhātu.
Cakkaṁ bandhitabbaṁ.
---------