[260] Aparehipi bhikkhave pañcahaṅgehi samannāgatassa bhikkhuno
āpattiyā appaṭikamme ukkhepanīyakammaṁ na paṭippassambhetabbaṁ
yāya āpattiyā saṅghena āpattiyā appaṭikamme ukkhepanīyakammaṁ
kataṁ hoti taṁ āpattiṁ āpajjati aññaṁ vā tādisikaṁ tato
vā pāpiṭṭhataraṁ kammaṁ garahati kammike garahati .pe.

[261] Aparehipi .pe. Pakatattassa bhikkhuno abhivādanaṁ
paccuṭṭhānaṁ añjalikammaṁ sāmīcikammaṁ āsanābhihāraṁ sādiyati .pe.

[262] Aparehipi .pe. Pakatattassa bhikkhuno seyyābhihāraṁ
pādodakaṁ pādapīṭhaṁ pādakathalikaṁ pattacīvarapaṭiggahaṇaṁ nahāne
piṭṭhiparikammaṁ sādiyati .pe.

[263] Aparehipi .pe. Pakatattaṁ bhikkhuṁ sīlavipattiyā anuddhaṁseti
ācāravipattiyā anuddhaṁseti diṭṭhivipattiyā anuddhaṁseti ājīvavipattiyā
anuddhaṁseti bhikkhū bhikkhūhi bhedeti .pe.

[264] Aparehipi .pe. Gihiddhajaṁ dhāreti titthiyaddhajaṁ dhāreti
titthiye sevati na bhikkhū sevati bhikkhusikkhāya na sikkhati .pe.

[265] Aparehipi .pe. Pakattatena bhikkhunā saddhiṁ ekacchanne
āvāse vasati ekacchanne anāvāse vasati ekacchanne āvāse
vā anāvāse vā vasati pakatattaṁ bhikkhuṁ disvā āsanā na
vuṭṭhāti pakatattaṁ bhikkhuṁ āsādeti anto vā bahi vā imehi
kho bhikkhave pañcahaṅgehi samannāgatassa bhikkhuno āpattiyā
Appaṭikamme ukkhepanīyakammaṁ na paṭippassambhetabbaṁ.

[266] Aṭṭhahi bhikkhave aṅgehi samannāgatassa bhikkhuno āpattiyā
appaṭikamme ukkhepanīyakammaṁ na paṭippassambhetabbaṁ pakatattassa
bhikkhuno uposathaṁ ṭhapeti pavāraṇaṁ ṭhapeti savacanīyaṁ karoti
anuvādaṁ paṭṭhapeti okāsaṁ kāreti codeti sāreti bhikkhū
bhikkhūhi sampayojeti imehi kho bhikkhave aṭṭhahaṅgehi
samannāgatassa bhikkhuno āpattiyā appaṭikamme ukkhepanīyakammaṁ
na paṭippassambhetabbaṁ.
Āpattiyā appaṭikamme ukkhepanīyakamme na paṭippassambhetabba-
tecattāḷīsakaṁ niṭṭhitaṁ.

[267] Pañcahi bhikkhave aṅgehi samannāgatassa bhikkhuno
āpattiyā appaṭikamme ukkhepanīyakammaṁ paṭippassambhetabbaṁ na
upasampādeti na nissayaṁ deti na sāmaṇeraṁ upaṭṭhāpeti na
bhikkhunovādakasammatiṁ sādiyati sammatopi bhikkhuniyo na ovadati imehi kho
bhikkhave pañcahaṅgehi samannāgatassa bhikkhuno āpattiyā appaṭikamme
ukkhepanīyakammaṁ paṭippassambhetabbaṁ.

[268] Aparehipi bhikkhave pañcahaṅgehi samannāgatassa bhikkhuno
āpattiyā appaṭikamme ukkhepanīyakammaṁ paṭippassambhetabbaṁ yāya
āpattiyā saṅghena āpattiyā appaṭikamme ukkhepanīyakammaṁ kataṁ
hoti taṁ āpattiṁ nāpajjati aññaṁ vā tādisikaṁ tato vā
Pāpiṭṭhataraṁ kammaṁ na garahati kammike na garahati .pe.

[269] Aparehipi .pe. Na pakatattassa bhikkhuno abhivādanaṁ
paccuṭṭhānaṁ añjalikammaṁ sāmīcikammaṁ āsanābhihāraṁ sādiyati .pe.