[240] Aparehipi bhikkhave tīhaṅgehi samannāgataṁ āpattiyā
appaṭikamme ukkhepanīyakammaṁ dhammakammañceva hoti vinayakammañca
suvūpasantañca āpattiyā kataṁ hoti desanāgāminiyā āpattiyā
kataṁ hoti adesitāya āpattiyā kataṁ hoti imehi kho bhikkhave
tīhaṅgehi samannāgataṁ āpattiyā appaṭikamme ukkhepanīyakammaṁ
dhammakammañceva hoti vinayakammañca suvūpasantañca.

[241] Aparehipi bhikkhave tīhaṅgehi samannāgataṁ āpattiyā
appaṭikamme ukkhepanīyakammaṁ dhammakammañceva hoti vinayakammañca
suvūpasantañca codetvā kataṁ hoti sāretvā kataṁ hoti
āpattiṁ āropetvā kataṁ hoti imehi kho bhikkhave tīhaṅgehi
samannāgataṁ āpattiyā appaṭikamme ukkhepanīyakammaṁ dhammakammañceva
hoti vinayakammañca suvūpasantañca.

[242] Tīhi bhikkhave aṅgehi samannāgataṁ āpattiyā appaṭikamme
ukkhepanīyakammaṁ dhammakammañceva hoti vinayakammañca suvūpasantañca
sammukhā kataṁ hoti dhammena kataṁ hoti samaggena kataṁ
hoti imehi kho bhikkhave tīhaṅgehi samannāgataṁ āpattiyā
appaṭikamme ukkhepanīyakammaṁ dhammakammañceva hoti vinayakammañca
suvūpasantañca .pe.

[243] Aparehipi .pe. Paṭipucchā kataṁ hoti dhammena kataṁ
hoti samaggena kataṁ hoti .pe.

[244] Aparehipi .pe. Paṭiññāya kataṁ hoti dhammena
kataṁ hoti samaggena kataṁ hoti imehi kho bhikkhave tīhaṅgehi .pe.

[245] Aparehi .pe. Āpattiyā kataṁ hoti dhammena kataṁ
hoti samaggena kataṁ hoti imehi kho bhikkhave tīhaṅgehi .pe.

[246] Aparehi .pe. Desanāgāminiyā āpattiyā kataṁ hoti
dhammena kataṁ hoti samaggena kataṁ hoti .pe.

[247] Aparehipi .pe. Adesitāya āpattiyā kataṁ hoti
dhammena kataṁ hoti samaggena kataṁ hoti .pe.

[248] Aparehipi .pe. Codetvā kataṁ hoti dhammena kataṁ
hoti samaggena kataṁ hoti imehi kho bhikkhave tīhaṅgehi .pe.

[249] Aparehipi .pe. Sāretvā kataṁ hoti dhammena kataṁ
hoti samaggena kataṁ hoti imehi kho bhikkhave tīhaṅgehi .pe.