[39] Na saññā na saññākkhandhoti: āmantā. Na saññākkhandho
na saññāti: diṭṭhisaññā na saññākkhandho saññā saññañca
Saññākkhandhañca ṭhapetvā avasesā na ceva saññā na ca
saññākkhandho.

[40] Na saṅkhārā na saṅkhārakkhandhoti: āmantā. Na saṅkhārakkhandho
na saṅkhārāti: saṅkhārakkhandhaṁ ṭhapetvā avasesā saṅkhārā
na saṅkhārakkhandho saṅkhārā saṅkhāre ca saṅkhārakkhandhañca ṭhapetvā
avasesā na ceva saṅkhārā na ca saṅkhārakkhandho.

[41] Na viññāṇaṁ na viññāṇakkhandhoti: āmantā. Na viññāṇakkhandho
na viññāṇanti: āmantā.
---------

[42] Rūpaṁ rūpakkhandhoti: piyarūpaṁ sātarūpaṁ rūpaṁ na rūpakkhandho
rūpakkhandho rūpañceva rūpakkhandho ca. Khandhā vedanākkhandhoti:
vedanākkhandho khandho ceva vedanākkhandho ca avasesā khandhā
khandhā na vedanākkhandho.

[43] Rūpaṁ rūpakkhandhoti: piyarūpaṁ sātarūpaṁ rūpaṁ na rūpakkhandho
rūpakkhandho rūpañceva rūpakkhandho ca. Khandhā saññākkhandhoti:
saññākkhandho khandho ceva saññākkhandho ca avasesā khandhā
khandhā na saññākkhandho.

[44] Rūpaṁ rūpakkhandhoti: piyarūpaṁ sātarūpaṁ rūpaṁ na rūpakkhandho
rūpakkhandho rūpañceva rūpakkhandho ca. Khandhā saṅkhārakkhandhoti:
saṅkhārakkhandho khandho ceva saṅkhārakkhandho ca avasesā khandhā
Khandhā na saṅkhārakkhandho.

[45] Rūpaṁ rūpakkhandhoti: piyarūpaṁ sātarūpaṁ rūpaṁ na rūpakkhandho
rūpakkhandho rūpañceva rūpakkhandho ca. Khandhā viññāṇakkhandhoti:
viññāṇakkhandho khandho ceva viññāṇakkhandho ca avasesā khandhā
khandhā na viññāṇakkhandho.

[46] Vedanā vedanākkhandhoti: āmantā. Khandhā rūpakkhandhoti:
rūpakkhandho khandho ceva rūpakkhandho ca avasesā khandhā khandhā
na rūpakkhandho.

[47] Vedanā vedanākkhandhoti: āmantā. Khandhā saññākkhandhoti:
saññākkhandho khandho ceva saññākkhandho ca avasesā
khandhā khandhā na saññākkhandho.

[48] Vedanā vedanākkhandhoti: āmantā. Khandhā saṅkhārakkhandhoti:
saṅkhārakkhandho khandho ceva saṅkhārakkhandho ca avasesā
khandhā khandhā na saṅkhārakkhandho.