[19] Yekeci nāmā dhammā sabbe te nāmamūlamūlāti: naveva
nāmamūlamūlāni avasesā nāmā dhammā na nāmamūlamūlā. Ye vā
pana nāmamūlamūlā sabbe te dhammā nāmāti: āmantā. Yekeci
nāmā dhammā sabbe te nāmamūlena ekamūlamūlāti: ahetukaṁ nāmaṁ
nāmamūlena na ekamūlamūlaṁ sahetukaṁ nāmaṁ nāmamūlena ekamūlamūlaṁ.
Ye vā pana nāmamūlena ekamūlamūlā sabbe te dhammā nāmāti:
nāmasamuṭṭhānaṁ rūpaṁ nāmamūlena ekamūlamūlaṁ na nāmaṁ nāmaṁ nāmamūlena
ekamūlamūlañceva nāmañca. Yekeci nāmamūlena ekamūlamūlā dhammā
sabbe te nāmamūlena aññamaññamūlamūlāti: mūlāni yāni ekato
uppajjanti nāmamūlāni ekamūlamūlāni ceva aññamaññamūlamūlāni ca
avasesā nāmamūlasahajātā dhammā nāmamūlena ekamūlamūlā na ca
aññamaññamūlamūlā. Ye vā pana nāmamūlena aññamaññamūlamūlā
sabbe te dhammā nāmāti: āmantā.

[20] Yekeci nāmā dhammā sabbe te nāmamūlakāti: ahetukaṁ
nāmaṁ na nāmamūlakaṁ sahetukaṁ nāmaṁ nāmamūlakaṁ. Ye vā pana
nāmamūlakā sabbe te dhammā nāmāti: nāmasamuṭṭhānaṁ rūpaṁ nāmamūlakaṁ
na nāmaṁ nāmaṁ nāmamūlakañceva nāmañca. Yekeci nāmā dhammā
sabbe te nāmamūlena ekamūlakāti: ahetukaṁ nāmaṁ nāmamūlena na
ekamūlakaṁ sahetukaṁ nāmaṁ nāmamūlena ekamūlakaṁ. Ye vā pana
nāmamūlena ekamūlakā sabbe te dhammā nāmāti: nāmasamuṭṭhānaṁ
Rūpaṁ nāmamūlena ekamūlakaṁ na nāmaṁ nāmaṁ nāmamūlena ekamūlakañceva
nāmañca. Yekeci nāmamūlena ekamūlakā dhammā sabbe te nāmamūlena
aññamaññamūlakāti: mūlāni yāni ekato uppajjanti nāmamūlāni
ekamūlakāni ceva aññamaññamūlakāni ca avasesā nāmamūlasahajātā
dhammā nāmamūlena ekamūlakā na ca aññamaññamūlakā. Ye vā pana
nāmamūlena aññamaññamūlakā sabbe te dhammā nāmāti: āmantā.

[21] Yekeci nāmā dhammā sabbe te nāmamūlamūlakāti: ahetukaṁ
nāmaṁ na nāmamūlamūlakaṁ sahetukaṁ nāmaṁ nāmamūlamūlakaṁ. Ye vā pana
nāmamūlamūlakā sabbe te dhammā nāmāti: nāmasamuṭṭhānaṁ rūpaṁ
nāmamūlamūlakaṁ na nāmaṁ nāmaṁ nāmamūlamūlakañceva nāmañca. Yekeci
nāmā dhammā sabbe te nāmamūlena ekamūlamūlakāti: ahetukaṁ nāmaṁ
nāmamūlena na ekamūlamūlakaṁ sahetukaṁ nāmaṁ nāmamūlena ekamūlamūlakaṁ.
Ye vā pana nāmamūlena ekamūlamūlakā sabbe te dhammā nāmāti:
nāmasamuṭṭhānaṁ rūpaṁ nāmamūlena ekamūlamūlakaṁ na nāmaṁ nāmaṁ nāmamūlena
ekamūlamūlakañceva nāmañca. Yekeci nāmamūlena ekamūlamūlakā dhammā
sabbe te nāmamūlena aññamaññamūlamūlakāti: mūlāni yāni ekato
uppajjanti nāmamūlāni ekamūlamūlakāni ceva aññamaññamūlamūlakāni ca
avasesā nāmamūlasahajātā dhammā nāmamūlena ekamūlamūlakā na ca
aññamaññamūlamūlakā. Ye vā pana nāmamūlena aññamaññamūlamūlakā
sabbe te dhammā nāmāti: āmantā.
--------

[22] Yekeci kusalā dhammā sabbe te kusalahetū .. Kusalanidānā
kusalasambhavā kusalappabhavā kusalasamuṭṭhānā kusalāhārā kusalārammaṇā
kusalapaccayā kusalasamudayā ... Yekeci akusalā dhammā .. Yekeci
abyākatā dhammā .. Yekeci nāmā dhammā sabbe te nāmahetū
.. Nāmanidānā nāmasambhavā nāmappabhavā nāmasamuṭṭhānā nāmāhārā
nāmārammaṇā nāmapaccayā nāmasamudayā ...
Mūlaṁ hetu nidānañca sambhavo pabhavena ca
samuṭṭhānāhārārammaṇā paccayo samudayena cāti.
Mūlayamakaṁ niṭṭhitaṁ.
------
Khandhayamakaṁ
paṇṇattivāro

[23] Pañcakkhandhā: rūpakkhandho vedanākkhandho saññākkhandho
saṅkhārakkhandho viññāṇakkhandho.
Uddesavāro

[24] Rūpaṁ rūpakkhandho rūpakkhandho rūpaṁ. Vedanā vedanākkhandho
vedanākkhandho vedanā. Saññā saññākkhandho saññākkhandho
saññā. Saṅkhārā saṅkhārakkhandho saṅkhārakkhandho saṅkhārā.
Viññāṇaṁ viññāṇakkhandho viññāṇakkhandho viññāṇaṁ.

[25] Na rūpaṁ na rūpakkhandho na rūpakkhandho na rūpaṁ. Na vedanā
na vedanākkhandho na vedanākkhandho na vedanā. Na saññā na saññākkhandho
na saññākkhandho na saññā. Na saṅkhārā na saṅkhārakkhandho
na saṅkhārakkhandho na saṅkhārā. Na viññāṇaṁ na viññāṇakkhandho na
viññāṇakkhandho na viññāṇaṁ.
--------

[26] Rūpaṁ rūpakkhandho khandhā vedanākkhandho. Rūpaṁ rūpakkhandho
khandhā saññākkhandho. Rūpaṁ rūpakkhandho khandhā saṅkhārakkhandho.
Rūpaṁ rūpakkhandho khandhā viññāṇakkhandho. Vedanā vedanākkhandho
khandhā rūpakkhandho. Vedanā vedanākkhandho khandhā saññākkhandho.
Vedanā vedanākkhandho khandhā saṅkhārakkhandho. Vedanā
vedanākkhandho khandhā viññāṇakkhandho. Saññā saññākkhandho
khandhā rūpakkhandho. Saññā saññākkhandho khandhā vedanākkhandho.
Saññā saññākkhandho khandhā saṅkhārakkhandho. Saññā saññākkhandho
khandho viññāṇakkhandho. Saṅkhārā saṅkhārakkhandho khandhā
rūpakkhandho. Saṅkhārā saṅkhārakkhandho khandhā vedanākkhandho.
Saṅkhārā saṅkhārakkhandho khandhā saññākkhandho. Saṅkhārā saṅkhārakkhandho
khandhā viññāṇakkhandho. Viññāṇaṁ viññāṇakkhandho
khandhā rūpakkhandho. Viññāṇaṁ viññāṇakkhandho khandhā vedanākkhandho.
Viññāṇaṁ viññāṇakkhandho khandhā saññākkhandho.
Viññāṇaṁ viññāṇakkhandho khandhā saṅkhārakkhandho.

[27] Na rūpaṁ na rūpakkhandho na khandhā na vedanākkhandho. Na rūpaṁ
na rūpakkhandho na khandhā na saññākkhandho. Na rūpaṁ na rūpakkhandho
na khandhā na saṅkhārakkhandho. Na rūpaṁ na rūpakkhandho na khandhā na
viññāṇakkhandho. Na vedanā na vedanākkhandho na khandhā na rūpakkhandho.
Na vedanā na vedanākkhandho na khandhā na saññākkhandho.
Na vedanā na vedanākkhandho na khandhā na saṅkhārakkhandho. Na vedanā
na vedanākkhandho na khandhā na viññāṇakkhandho. Na saññā na saññākkhandho
na khandhā na rūpakkhandho. Na saññā na saññākkhandho
na khandhā na vedanākkhandho. Na saññā na saññākkhandho na khandhā
na saṅkhārakkhandho. Na saññā na saññākkhandho na khandhā na viññāṇakkhandho.
Na saṅkhārā na saṅkhārakkhandho na khandhā na rūpakkhandho.
Na saṅkhārā na saṅkhārakkhandho na khandhā na vedanākkhandho.
Na saṅkhārā na saṅkhārakkhandho na khandhā na saññākkhandho. Na saṅkhārā
na saṅkhārakkhandho na khandhā na viññāṇakkhandho. Na viññāṇaṁ na viññāṇakkhandho
na khandhā na rūpakkhandho. Na viññāṇaṁ na viññāṇakkhandho
na khandhā na vedanākkhandho. Na viññāṇaṁ na viññāṇakkhandho
na khandhā na saññākkhandho. Na viññāṇaṁ na viññāṇakkhandho na khandhā
na saṅkhārakkhandho.
--------

[28] Rūpaṁ khandho khandhā rūpaṁ 1 . Vedanā khandho khandhā
vedanā. Saññā khandho khandhā saññā. Saṅkhārā khandho
khandhā saṅkhārā. Viññāṇaṁ khandho khandhā viññāṇaṁ.