[1787] Na vattabbaṁ sabbadhammānaṁ tathatā asaṅkhatāti. Āmantā.
Sabbadhammānaṁ tathatā rūpaṁ 1 vedanā saññā saṅkhārā viññāṇanti.
Na hevaṁ vattabbe .pe. Tena hi sabbadhammānaṁ tathatā asaṅkhatāti.
Tathatākathā.
---------
Kusalakathā

[1788] Nibbānadhātu kusalāti. Āmantā. Sārammaṇā
atthi tāya āvajjanā .pe. Paṇidhīti. Na hevaṁ vattabbe .pe.
Nanu anārammaṇā natthi tāya āvajjanā .pe. Paṇidhīti.
Āmantā. Hañci anārammaṇā natthi tāya āvajjanā .pe.
Paṇidhi no vata re vattabbe nibbānadhātu kusalāti.

[1789] Alobho kusalo sārammaṇo atthi tassa āvajjanā
.pe. Paṇidhīti. Āmantā. Nibbānadhātu kusalā sārammaṇā
atthi tāya āvajjanā .pe. Paṇidhīti. Na hevaṁ vattabbe .pe.
1. Ma. rūpā.
Adoso kusalo .pe. Amoho kusalo .pe. Saddhā viriyaṁ sati
samādhi .pe. Paññā kusalā sārammaṇā atthi tāya āvajjanā
.pe. Paṇidhīti. Āmantā. Nibbānadhātu kusalā sārammaṇā
atthi tāya āvajjanā .pe. Paṇidhīti. Na hevaṁ vattabbe .pe.

[1790] Nibbānadhātu kusalā anārammaṇā natthi tāya āvajjanā
.pe. Paṇidhīti. Āmantā. Alobho kusalo anārammaṇo natthi
tassa āvajjanā .pe. Paṇidhīti. Na hevaṁ vattabbe .pe.
Nibbānadhātu kusalā anārammaṇā natthi tāya āvajjanā .pe.
Paṇidhīti. Āmantā. Adoso kusalo .pe. Amoho kusalo
.pe. Saddhā viriyaṁ sati samādhi .pe. Paññā kusalā anārammaṇā
natthi tāya āvajjanā .pe. Paṇidhīti. Na hevaṁ vattabbe .pe.

[1791] Na vattabbaṁ nibbānadhātu kusalāti. Āmantā. Nanu
nibbānadhātu anavajjāti. Āmantā. Hañci nibbānadhātu anavajjā
tena vata re vattabbe nibbānadhātu kusalāti.
Kusalakathā.
--------
Accantaniyāmakathā

[1792] Atthi puthujjanassa accantaniyāmatāti 1 . Āmantā.
Mātughātako accantaniyato pitughātako .pe. Arahantaghātako
1. Ma. -niyamatā. sabbattha īdisaṁ dissati.
.pe. Ruhiruppādako .pe. Saṅghabhedako accantaniyatoti. Na hevaṁ
vattabbe .pe. Atthi puthujjanassa accantaniyāmatāti. Āmantā.
Accantaniyatassa puggalassa vicikicchā uppajjeyyāti. Āmantā.
Hañci accantaniyatassa puggalassa vicikicchā uppajjeyya no vata
re vattabbe atthi puthujjanassa accantaniyāmatāti.

[1793] Accantaniyatassa puggalassa vicikicchā nuppajjeyyāti.
Āmantā. Pahīnāti. Na hevaṁ vattabbe .pe. Pahīnāti.
Āmantā. Sotāpattimaggenāti. Na hevaṁ vattabbe .pe.
Sakadāgāmimaggena .pe. Anāgāmimaggena .pe. Arahattamaggenāti.
Na hevaṁ vattabbe .pe. Katamena maggenāti. Akusalena maggenāti.
Akusalo maggo niyyāniko khayagāmī bodhagāmī apacayagāmī anāsavo
.pe. Asaṅkilesikoti. Na hevaṁ vattabbe .pe. Nanu akusalo maggo
aniyyāniko .pe. Saṅkilesikoti. Āmantā. Hañci akusalo
maggo aniyyāniko .pe. Saṅkilesiko no vata re vattabbe
accantaniyatassa puggalassa vicikicchā akusalena maggena pahīnāti.

[1794] Sassatadiṭṭhiyā niyatassa puggalassa ucchedadiṭṭhi
uppajjeyyāti. Āmantā. Hañci sassatadiṭṭhiyā niyatassa puggalassa
ucchedadiṭṭhi uppajjeyya no vata re vattabbe atthi puthujjanassa
accantaniyāmatāti.

[1795] Sassatadiṭṭhiyā niyatassa puggalassa ucchedadiṭṭhi
Nuppajjeyyāti. Jeyyāti. Āmantā. Pahīnāti. Na hevaṁ vattabbe
.pe. Pahīnāti. Āmantā. Sotāpattimaggenāti. Na hevaṁ vattabbe
.pe. Sakadāgāmimaggena .pe. Anāgāmimaggena .pe. Arahattamaggenāti.
Na hevaṁ vattabbe .pe. Katamena maggenāti. Akusalena
maggenāti. Akusalo maggo .pe. No vata re vattabbe sassatadiṭṭhiyā
niyatassa puggalassa ucchedadiṭṭhi akusalena maggena pahīnāti.

[1796] Ucchedadiṭṭhiyā niyatassa puggalassa sassatadiṭṭhi
uppajjeyyāti. Āmantā. Hañci ucchedadiṭṭhiyā niyatassa puggalassa
sassatadiṭṭhi uppajjeyya no vata re vattabbe atthi puthujjanassa
accantaniyāmatāti.