[150] Aparehipi bhikkhave .pe. Sammukhā kataṁ hoti dhammena
kataṁ hoti samaggena kataṁ hoti imehi kho bhikkhave tīhaṅgehi
samannāgataṁ paṭisāraṇīyakammaṁ .pe.

[151] Aparehipi bhikkhave .pe. Paṭipucchā kataṁ hoti dhammena
kataṁ hoti samaggena kataṁ hoti imehi kho bhikkhave tīhaṅgehi .pe.

[152] Aparehipi bhikkhave tīhaṅgehi samannāgataṁ .pe. Paṭiññāya
kataṁ hoti dhammena kataṁ hoti samaggena kataṁ hoti imehi
kho bhikkhave tīhaṅgehi .pe.

[153] Aparehipi bhikkhave .pe. Āpattiyā kataṁ hoti
dhammena kataṁ hoti samaggena kataṁ hoti imehi kho bhikkhave .pe.

[154] Aparehipi bhikkhave .pe. Desanāgāminiyā āpattiyā
kataṁ hoti dhammena kataṁ hoti samaggena kataṁ hoti imehi .pe.

[155] Aparehipi bhikkhave .pe. Adesitāya āpattiyā kataṁ
hoti dhammena kataṁ hoti samaggena kataṁ hoti imehi kho
bhikkhave .pe.

[156] Aparehipi bhikkhave .pe. Codetvā kataṁ hoti dhammena
kataṁ hoti samaggena kataṁ hoti imehi kho bhikkhave .pe.

[157] Aparehipi bhikkhave .pe. Sāretvā kataṁ hoti dhammena
kataṁ hoti samaggena kataṁ hoti imehi kho bhikkhave tīhaṅgehi
samannāgataṁ paṭisāraṇīyakammaṁ dhammakammañceva hoti vinayakammañca
suvūpasantañca.

[158] Aparehipi bhikkhave tīhaṅgehi samannāgataṁ paṭisāraṇīyakammaṁ
dhammakammañceva hoti vinayakammañca suvūpasantañca āpattiṁ
Āropetvā kataṁ hoti dhammena kataṁ hoti samaggena kataṁ hoti
imehi kho bhikkhave tīhaṅgehi samannāgataṁ paṭisāraṇīyakammaṁ
dhammakammañceva hoti vinayakammañca suvūpasantañca.
Paṭisāraṇīyakamme dhammakammadvādasakaṁ niṭṭhitaṁ.

[159] Pañcahaṅgehi bhikkhave samannāgatassa bhikkhuno ākaṅkhamāno
saṅgho paṭisāraṇīyakammaṁ kareyya gihīnaṁ alābhāya parisakkati
gihīnaṁ anatthāya parisakkati gihīnaṁ anāvāsāya 1 parisakkati gihī
akkosati paribhāsati gihī gihīhi bhedeti imehi kho bhikkhave
pañcahaṅgehi samannāgatassa bhikkhuno ākaṅkhamāno saṅgho
paṭisāraṇīyakammaṁ kareyya.