[1177] Kusalānañca akusalānañca dhammānaṁ jarāmaraṇaṁ na
vattabbaṁ kusalānaṁ dhammānaṁ vipākoti. Āmantā. Kusalānañca
akusalānañca dhammānaṁ jarāmaraṇaṁ na vattabbaṁ akusalānaṁ dhammānaṁ
vipākoti. Na hevaṁ vattabbe .pe.

[1178] Na vattabbaṁ jarāmaraṇaṁ vipākoti. Āmantā. Nanu
atthi dubbaṇṇasaṁvattaniyaṁ kammaṁ appāyukasaṁvattaniyaṁ kammanti.
Āmantā. Hañci atthi dubbaṇṇasaṁvattaniyaṁ kammaṁ appāyukasaṁvattaniyaṁ
kammaṁ tena vata re vattabbe jarāmaraṇaṁ vipākoti.
Jarāmaraṇaṁ vipākotikathā.
---------
Ariyadhammavipākakathā

[1179] Natthi ariyadhammavipākoti. Āmantā. Nanu mahapphalaṁ
sāmaññaṁ mahapphalaṁ brahmaññanti. Āmantā. Hañci mahapphalaṁ
Sāmaññaṁ mahapphalaṁ brahmaññaṁ no vata re vattabbe natthi
ariyadhammavipākoti.

[1180] Natthi ariyadhammavipākoti. Āmantā. Nanu atthi
sotāpattiphalanti. Āmantā. Hañci atthi sotāpattiphalaṁ no
vata re vattabbe natthi ariyadhammavipākoti. Nanu atthi sakadāgāmiphalaṁ
.pe. Anāgāmiphalaṁ .pe. Arahattaphalanti. Āmantā. Hañci atthi
arahattaphalaṁ no vata re vattabbe natthi ariyadhammavipākoti.

[1181] Sotāpattiphalaṁ na vipākoti. Āmantā. Dānaphalaṁ na
vipākoti. Na hevaṁ vattabbe .pe. Sotāpattiphalaṁ na vipākoti.
Āmantā. Sīlaphalaṁ .pe. Bhāvanāphalaṁ na vipākoti. Na hevaṁ
vattabbe .pe. Sakadāgāmiphalaṁ .pe. Anāgāmiphalaṁ .pe. Arahattaphalaṁ
na vipākoti. Āmantā. Dānaphalaṁ na vipākoti. Na hevaṁ vattabbe
.pe. Arahattaphalaṁ na vipākoti. Āmantā. Sīlaphalaṁ .pe.
Bhāvanāphalaṁ na vipākoti. Na hevaṁ vattabbe .pe.

[1182] Dānaphalaṁ vipākoti. Āmantā. Sotāpattiphalaṁ
vipākoti. Na hevaṁ vattabbe .pe. Dānaphalaṁ vipākoti.
Āmantā. Sakadāgāmiphalaṁ .pe. Anāgāmiphalaṁ .pe. Arahattaphalaṁ
vipākoti. Na hevaṁ vattabbe .pe. Sīlaphalaṁ .pe. Bhāvanāphalaṁ
vipākoti. Āmantā. Sotāpattiphalaṁ vipākoti. Na hevaṁ vattabbe
.pe. Bhāvanāphalaṁ vipākoti. Āmantā. Sakadāgāmiphalaṁ .pe.
Anāgāmiphalaṁ .pe. Arahattaphalaṁ vipākoti. Na hevaṁ vattabbe .pe.

[1183] Kāmāvacaraṁ kusalaṁ savipākanti. Āmantā. Lokuttaraṁ
kusalaṁ savipākanti. Na hevaṁ vattabbe .pe. Rūpāvacaraṁ kusalaṁ
.pe. Arūpāvacaraṁ kusalaṁ savipākanti. Āmantā. Lokuttaraṁ
kusalaṁ savipākanti. Na hevaṁ vattabbe .pe.

[1184] Lokuttaraṁ kusalaṁ avipākanti. Āmantā. Kāmāvacaraṁ
kusalaṁ avipākanti. Na hevaṁ vattabbe .pe. Lokuttaraṁ kusalaṁ
avipākanti. Āmantā. Rūpāvacaraṁ .pe. Arūpāvacaraṁ kusalaṁ
avipākanti. Na hevaṁ vattabbe .pe.

[1185] Kāmāvacaraṁ kusalaṁ savipākaṁ ācayagāmīti. Āmantā.
Lokuttaraṁ kusalaṁ savipākaṁ ācayagāmīti. Na hevaṁ vattabbe .pe.
Rūpāvacaraṁ .pe. Arūpāvacaraṁ kusalaṁ savipākaṁ ācayagāmīti. Āmantā.
Lokuttaraṁ kusalaṁ savipākaṁ ācayagāmīti. Na hevaṁ vattabbe .pe.

[1186] Lokuttaraṁ kusalaṁ savipākaṁ apacayagāmīti. Āmantā.
Kāmāvacaraṁ kusalaṁ savipākaṁ apacayagāmīti. Na hevaṁ vattabbe
.pe. Lokuttaraṁ kusalaṁ savipākaṁ apacayagāmīti. Āmantā.
Rūpāvacaraṁ .pe. Arūpāvacaraṁ kusalaṁ savipākaṁ apacayagāmīti. Na
hevaṁ vattabbe .pe.
Ariyadhammavipākakathā.
----------
Vipāko vipākadhammadhammotikathā