[997] Sotāpattiphalena samannāgato sotāpannoti vattabboti.
Āmantā. Anāgāmiphalasacchikiriyāya paṭipanno puggalo sotāpatti
phalena samannāgatoti. Āmantā. Sveva anāgāmiphalasacchikiriyāya
paṭipanno so sotāpannoti. Na hevaṁ vattabbe .pe.

[998] Sakadāgāmiphalena samannāgato sakadāgāmīti vattabboti.
Āmantā. Anāgāmiphalasacchikiriyāya paṭipanno puggalo sakadāgāmiphalena
samannāgatoti. Āmantā. Sveva anāgāmiphalasacchikiriyāya
paṭipanno so sakadāgāmīti. Na hevaṁ vattabbe .pe.

[999] Sotāpattiphalena samannāgato sotāpannoti vattabboti.
Āmantā. Sakadāgāmiphalasacchikiriyāya paṭipanno puggalo sotāpattiphalena
samannāgatoti. Āmantā. Sveva sakadāgāmiphalasacchikiriyāya
paṭipanno so sotāpannoti. Na hevaṁ vattabbe .pe.

[1000] Arahattasacchikiriyāya paṭipanno puggalo sotāpattiphalena
samannāgatoti. Āmantā. Nanu arahattasacchikiriyāya paṭipanno
puggalo sotāpattiphalaṁ vītivattoti. Āmantā. Hañci arahattasacchikiriyāya
paṭipanno puggalo sotāpattiphalaṁ vītivatto no
vata re vattabbe arahattasacchikiriyāya paṭipanno puggalo sotāpattiphalena
samannāgatoti.

[1001] Arahattasacchikiriyāya paṭipanno puggalo sotāpattiphalaṁ
vītivatto tena samannāgatoti. Āmantā. Arahattasacchikiriyāya
paṭipanno puggalo sotāpattimaggaṁ vītivatto sakkāyadiṭṭhiṁ vicikicchaṁ
sīlabbataparāmāsaṁ apāyagamaniyaṁ rāgaṁ apāyagamaniyaṁ dosaṁ apāyagamaniyaṁ
mohaṁ vītivatto tena samannāgatoti. Na hevaṁ vattabbe .pe.

[1002] Arahattasacchikiriyāya paṭipanno puggalo sakadāgāmiphalena
samannāgatoti. Āmantā. Nanu arahattasacchikiriyāya paṭipanno
puggalo sakadāgāmiphalaṁ vītivattoti. Āmantā. Hañci arahattasacchikiriyāya
paṭipanno puggalo sakadāgāmiphalaṁ vītivatto no
vata re vattabbe arahattasacchikiriyāya paṭipanno puggalo sakadāgāmiphalena
samannāgatoti.

[1003] Arahattasacchikiriyāya paṭipanno puggalo sakadāgāmiphalaṁ
vītivatto tena samannāgatoti. Āmantā. Arahattasacchikiriyāya
paṭipanno puggalo sakadāgāmimaggaṁ vītivatto oḷārikaṁ kāmarāgaṁ
oḷārikaṁ byāpādaṁ vītivatto tena samannāgatoti. Na hevaṁ
vattabbe .pe.

[1004] Arahattasacchikiriyāya paṭipanno puggalo anāgāmiphalena
samannāgatoti. Āmantā. Nanu arahattasacchikiriyāya paṭipanno
puggalo anāgāmiphalaṁ vītivattoti. Āmantā. Hañci arahattasacchikiriyāya
paṭipanno puggalo anāgāmiphalaṁ vītivatto no vata
re vattabbe arahattasacchikiriyāya paṭipanno puggalo anāgāmiphalena
samannāgatoti.

[1005] Arahattasacchikiriyāya paṭipanno puggalo anāgāmiphalaṁ
vītivatto tena samannāgatoti. Āmantā. Arahattasacchikiriyāya
paṭipanno puggalo anāgāmimaggaṁ vītivatto aṇusahagataṁ kāmarāgaṁ
aṇusahagataṁ byāpādaṁ vītivatto tena samannāgatoti. Na hevaṁ
vattabbe .pe.

[1006] Anāgāmiphalasacchikiriyāya paṭipanno puggalo sotāpattiphalena
samannāgatoti. Āmantā. Nanu anāgāmiphalasacchikiriyāya
paṭipanno puggalo sotāpattiphalaṁ vītivattoti. Āmantā. Hañci
anāgāmiphalasacchikiriyāya paṭipanno puggalo sotāpattiphalaṁ vītivatto
No vata re vattabbe anāgāmiphalasacchikiriyāya paṭipanno puggalo
sotāpattiphalena samannāgatoti.