[877] Saha upapattiyā sakadāgāmī na hotīti. Āmantā.
Hañci saha upapattiyā sakadāgāmī na hoti no vata re
vattabbe saha upapattiyā arahāti.

[878] Saha upapattiyā anāgāmī na hotīti. Āmantā.
Hañci saha upapattiyā anāgāmī na hoti no vata re vattabbe
saha upapattiyā arahāti.

[879] Saha upapattiyā arahāti. Āmantā. Sārīputto
thero saha upapattiyā arahāti. Na hevaṁ vattabbe .pe.
Mahāmoggallāno thero .pe. Mahākassapo thero .pe. Mahākaccāyano
thero .pe. Mahākoṭṭhiko thero .pe. Mahāpaṇṭhako
thero saha upapattiyā arahāti. Na hevaṁ vattabbe .pe.

[880] Sārīputto thero na saha upapattiyā arahāti.
Āmantā. Hañci sārīputto thero na saha upapattiyā arahā
no vata re vattabbe saha upapattiyā arahāti.

[881] Mahāmoggallāno thero .pe. Mahākassapo thero
mahākaccāyano thero mahākoṭṭhiko thero .pe.

[882] Mahāpaṇṭhako thero na saha upapattiyā arahāti.
Āmantā. Hañci mahāpaṇṭhako thero na saha upapattiyā
arahā no vata re vattabbe saha upapattiyā arahāti.

[883] Saha upapattiyā arahāti. Āmantā. Upapattesiyena
cittena arahattaṁ sacchikaroti lokiyena sāsavena .pe. Saṅkilesikenāti.
Na hevaṁ vattabbe .pe.

[884] Saha upapattiyā arahāti. Āmantā. Upapattesiyaṁ
cittaṁ niyyānikaṁ khayagāmi bodhagāmi apacayagāmi anāsavaṁ .pe.
Asaṅkilesikanti. Na hevaṁ vattabbe .pe.

[885] Nanu upapattesiyaṁ cittaṁ aniyyānikaṁ na khayagāmi na
bodhagāmi na apacayagāmi sāsavaṁ .pe. Saṅkilesikanti. Āmantā.
Hañci upapattesiyaṁ cittaṁ aniyyānikaṁ na khayagāmi na bodhagāmi na
apacayagāmi sāsavaṁ .pe. Saṅkilesikaṁ no vata re vattabbe
saha upapattiyā arahāti.

[886] Saha upapattiyā arahāti. Āmantā. Upapattesiyena
cittena rāgaṁ pajahati dosaṁ pajahati mohaṁ pajahati .pe. Anottappaṁ
pajahatīti. Na hevaṁ vattabbe .pe.