[867] Gihissa arahāti. Āmantā. Atthi arahato
gihisaññojananti. Na hevaṁ vattabbe .pe. Natthi arahato
gihisaññojananti. Āmantā. Hañci natthi arahato gihisaññojanaṁ
no vata re vattabbe gihissa arahāti.

[868] Gihissa arahāti. Āmantā. Nanu arahato gihisaññojanaṁ
pahīnaṁ ucchinnamūlaṁ tālāvatthukataṁ anabhāvaṁkataṁ āyatiṁanuppādadhammanti.
Āmantā. Hañci arahato gihisaññojanaṁ pahīnaṁ
ucchinnamūlaṁ tālāvatthukataṁ anabhāvaṁkataṁ āyatiṁanuppādadhammaṁ no
vata re vattabbe gihissa arahāti.

[869] Gihissa arahāti. Āmantā. Atthi koci gihī
1. Ma. eva metaṁ
Gihisaññojanaṁ appahāya diṭṭheva dhamme dukkhassantakaroti.
Natthi. Hañci natthi koci gihī gihisaññojanaṁ appahāya diṭṭheva
dhamme dukkhassantakaro no vata re vattabbe gihissa arahāti.

[870] Gihissa arahāti. Āmantā. Nanu vacchagotto
paribbājako bhagavantaṁ etadavoca atthi nu kho bho gotama koci
gihī gihisaññojanaṁ appahāya kāyassa bhedā dukkhassantakaroti
natthi kho vaccha koci gihī gihisaññojanaṁ appahāya kāyassa bhedā
dukkhassantakaroti 1 attheva suttantoti. Āmantā. Tena
hi na vattabbaṁ gihissa arahāti.

[871] Gihissa arahāti. Āmantā. Arahā methunaṁ dhammaṁ
paṭiseveyya methunaṁ dhammaṁ uppādeyya puttasambādhasayanaṁ ajjhāvaseyya
kāsikacandanaṁ paccanubhaveyya mālāgandhavilepanaṁ dhāreyya
jātarūparajataṁ sādiyeyya ajeḷakaṁ paṭiggaṇheyya kukkuṭasūkaraṁ paṭiggaṇheyya
hatthigavāssavaḷavaṁ paṭiggaṇheyya tittiravaṭṭakamorakapiñjalaṁ
paṭiggaṇheyya pītavaṇṭavālamolikaṁ 2 dhāreyya odātāni
vatthāni dīghadasāni dhāreyya yāvajīvaṁ agāriyabhūto assāti.
Na hevaṁ vattabbe .pe.

[872] Na vattabbaṁ gihissa arahāti. Āmantā. Nanu yaso
kulaputto uttiyo gahapati setu māṇavo gihissa byañjanena
1 Ma. Ma. 242. 2. Ma. cittavaṇḍavālamolī
Arahattaṁ pattāti. Āmantā. Hañci yaso kulaputto uttiyo
gahapati setu māṇavo gihissa byañjanena arahattaṁ pattā tena
vata re vattabbe gihissa arahāti.
Gihissa arahātikathā.
--------
Upapattikathā

[873] Saha upapattiyā arahāti. Āmantā. Saha upapattiyā
sotāpanno hotīti. Na hevaṁ vattabbe .pe.

[874] Saha upapattiyā arahāti. Āmantā. Saha upapattiyā
sakadāgāmī hotīti. Na hevaṁ vattabbe .pe.

[875] Saha upapattiyā arahāti. Āmantā. Saha upapattiyā
anāgāmī hotīti. Na hevaṁ vattabbe .pe.

[876] Saha upapattiyā sotāpanno na hotīti. Āmantā.
Hañci saha upapattiyā sotāpanno na hoti no vata re
vattabbe saha upapattiyā arahāti.