[317] Paccuppannaṁ viññāṇaṁ atthi paccuppannaṁ viññāṇaṁ
jātaṁ bhūtaṁ .pe. Pātubhūtanti. Āmantā. Anāgataṁ viññāṇaṁ
atthi anāgataṁ viññāṇaṁ jātaṁ .pe. Pātubhūtanti. Na hevaṁ
vattabbe .pe.

[318] Atītaṁ viññāṇaṁ atthi atītaṁ viññāṇaṁ niruddhaṁ .pe.
Abbhatthaṅgatanti. Āmantā. Paccuppannaṁ viññāṇaṁ atthi
paccuppannaṁ viññāṇaṁ niruddhaṁ .pe. Abbhatthaṅgatanti. Na hevaṁ
vattabbe .pe.

[319] Anāgataṁ viññāṇaṁ atthi anāgataṁ viññāṇaṁ ajātaṁ
.pe. Apātubhūtanti. Āmantā. Paccuppannaṁ viññāṇaṁ atthi
Paccuppannaṁ viññāṇaṁ ajātaṁ abhūtaṁ .pe. Apātubhūtanti. Na hevaṁ
vattabbe .pe.

[320] Paccuppannanti vā rūpanti vā rūpanti vā paccuppannanti
vā paccuppannaṁ rūpaṁ appiyaṁ karitvā ese se ekaṭṭhe same
samabhāge tajjāteti. Āmantā. Paccuppannaṁ rūpaṁ nirujjhamānaṁ
paccuppannabhāvaṁ jahatīti. Āmantā. Rūpabhāvaṁ jahatīti. Na hevaṁ
vattabbe .pe.

[321] Paccuppannanti vā rūpanti vā rūpanti vā paccuppannanti
vā paccuppannaṁ rūpaṁ appiyaṁ karitvā ese se ekaṭṭhe same
samabhāge tajjāteti. Āmantā. Paccuppannaṁ rūpaṁ nirujjhamānaṁ
rūpabhāvaṁ na jahatīti. Āmantā. Paccuppannabhāvaṁ na jahatīti.
Na hevaṁ vattabbe .pe. Odātanti vā vatthanti vā vatthanti vā
odātanti vā odātaṁ vatthaṁ appiyaṁ karitvā ese se ekaṭṭhe
same samabhāge tajjāteti. Āmantā. Odātaṁ vatthaṁ rajjamānaṁ
odātabhāvaṁ jahatīti. Āmantā. Vatthabhāvaṁ jahatīti. Na hevaṁ
vattabbe. Odātanti vā vatthanti vā vatthanti vā odātanti vā
odātaṁ vatthaṁ appiyaṁ karitvā ese se ekaṭṭhe same samabhāge
tajjāteti. Āmantā. Odātaṁ vatthaṁ rajjamānaṁ vatthabhāvaṁ na
jahatīti. Āmantā. Odātabhāvaṁ na jahatīti. Na hevaṁ vattabbe .pe.

[322] Rūpaṁ rūpabhāvaṁ na jahatīti. Āmantā. Rūpaṁ niccaṁ dhuvaṁ
Sassataṁ avipariṇāmadhammanti. Na hevaṁ vattabbe .pe. Nanu rūpaṁ
rūpabhāvaṁ jahatīti. Rūpaṁ aniccaṁ adhuvaṁ asassataṁ vipariṇāmadhammanti.
Āmantā. Hañci rūpaṁ aniccaṁ adhuvaṁ assasataṁ vipariṇāmadhammaṁ
no vata re vattabbe rūpaṁ rūpabhāvaṁ na jahatīti.

[323] Nibbānaṁ nibbānabhāvaṁ na jahatīti. Nibbānaṁ niccaṁ dhuvaṁ
sassataṁ avipariṇāmadhammanti. Āmantā. Rūpaṁ rūpabhāvaṁ na jahatīti.
Rūpaṁ niccaṁ dhuvaṁ sassataṁ avipariṇāmadhammanti. Na hevaṁ vattabbe .pe.

[324] Rūpaṁ rūpabhāvaṁ na jahatīti. Rūpaṁ aniccaṁ adhuvaṁ asassataṁ
vipariṇāmadhammanti. Āmantā. Nibbānaṁ nibbānabhāvaṁ na jahatīti.
Nibbānaṁ aniccaṁ adhuvaṁ assasataṁ vipariṇāmadhammanti. Na hevaṁ
vattabbe .pe.

[325] Atītaṁ atthi atītaṁ atītabhāvaṁ na jahatīti. Āmantā.
Anāgataṁ atthi anāgataṁ anāgatabhāvaṁ na jahatīti. Na hevaṁ vattabbe.
Atītaṁ atthi atītaṁ atītabhāvaṁ na jahatīti. Āmantā. Paccuppannaṁ atthi
paccuppannaṁ paccuppannabhāvaṁ na jahatīti. Na hevaṁ vattabbe .pe.

[326] Anāgataṁ atthi anāgataṁ anāgatabhāvaṁ na jahatīti.
Āmantā. Atītaṁ atthi atītaṁ atītabhāvaṁ na jahatīti. Na hevaṁ
vattabbe .pe.