[255] Pañcannaṁ bhikkhave macchariyānaṁ pahānāya samucchedāya
brahmacariyaṁ vussati katamesaṁ pañcannaṁ āvāsamacchariyassa pahānāya
samucchedāya brahmacariyaṁ vussati kulamacchariyassa ... Lābhamacchariyassa ...
Vaṇṇamacchariyassa ... Dhammamacchariyassa pahānāya samucchedāya brahmacariyaṁ
vussati imesaṁ kho bhikkhave pañcannaṁ macchariyānaṁ pahānāya
samucchedāya brahmacariyaṁ vussatīti.

[256] Pañca 2 bhikkhave dhamme appahāya abhabbo paṭhamaṁ jhānaṁ
upasampajja viharituṁ katame pañca āvāsamacchariyaṁ kulamacchariyaṁ
lābhamacchariyaṁ vaṇṇamacchariyaṁ dhammamacchariyaṁ ime kho bhikkhave pañca
dhamme appahāya abhabbo paṭhamaṁ jhānaṁ upasampajja viharituṁ. Pañca 2
bhikkhave dhamme pahāya bhabbo paṭhamaṁ jhānaṁ upasampajja viharituṁ
katame pañca āvāsamacchariyaṁ kulamacchariyaṁ lābhamacchariyaṁ vaṇṇamacchariyaṁ
dhammamacchariyaṁ ime kho bhikkhave pañca dhamme pahāya bhabbo paṭhamaṁ
jhānaṁ upasampajja viharitunti.

[257] Pañca 2 bhikkhave dhamme appahāya abhabbo dutiyaṁ
jhānaṁ ... Tatiyaṁ jhānaṁ ... Catutthaṁ jhānaṁ ... Sotāpattiphalaṁ ...
Sakadāgāmiphalaṁ ... Anāgāmiphalaṁ ... Arahattaṁ 3 sacchikātuṁ katame pañca
1 Ma. paṭikkuṭṭhaṁ. 2 Ma. Yu. pañcime. 3 Po. arahattaphalaṁ. Yu. arahattapphalaṁ.
Āvāsamacchariyaṁ kulamacchariyaṁ lābhamacchariyaṁ vaṇṇamacchariyaṁ dhammamacchariyaṁ
ime kho bhikkhave pañca dhamme appahāya abhabbo arahattaṁ 1 sacchikātuṁ.
Pañca bhikkhave dhamme pahāya bhabbo arahattaṁ 1 sacchikātuṁ katame pañca
āvāsamacchariyaṁ kulamacchariyaṁ lābhamacchariyaṁ vaṇṇamacchariyaṁ dhammamacchariyaṁ
ime kho bhikkhave pañca dhamme pahāya bhabbo arahattaṁ 1 sacchikātunti.

[258] Pañca 2 bhikkhave dhamme appahāya abhabbo paṭhamaṁ jhānaṁ
upasampajja viharituṁ katame pañca āvāsamacchariyaṁ kulamacchariyaṁ
lābhamacchariyaṁ vaṇṇamacchariyaṁ akataññutaṁ akataveditaṁ ime kho bhikkhave
pañca dhamme appahāya abhabbo paṭhamaṁ jhānaṁ upasampajja viharituṁ.
Pañca 2 bhikkhave dhamme pahāya bhabbo paṭhamaṁ jhānaṁ upasampajja viharituṁ
katame pañca āvāsamacchariyaṁ kulamacchariyaṁ lābhamacchariyaṁ vaṇṇamacchariyaṁ
akataññutaṁ akataveditaṁ ime kho bhikkhave pañca dhamme pahāya
bhabbo paṭhamaṁ jhānaṁ upasampajja viharitunti.

[259] Pañca 2 bhikkhave dhamme appahāya abhabbo dutiyaṁ jhānaṁ ...
Tatiyaṁ jhānaṁ ... Catutthaṁ jhānaṁ ... Sotāpattiphalaṁ ... Sakadāgāmiphalaṁ ...
Anāgāmiphalaṁ ... Arahattaṁ sacchikātuṁ katame pañca āvāsamacchariyaṁ
kulamacchariyaṁ lābhamacchariyaṁ vaṇṇamacchariyaṁ akataññutaṁ akataveditaṁ
ime kho bhikkhave pañca dhamme appahāya abhabbo arahattaṁ
sacchikātuṁ. Pañca bhikkhave dhamme pahāya bhabbo arahattaṁ sacchikātuṁ
1 Yu. arahattapphalaṁ. 2 Ma. Yu. pañcime.
Katame pañca āvāsamacchariyaṁ kulamacchariyaṁ lābhamacchariyaṁ vaṇṇamacchariyaṁ
akataññutaṁ akataveditaṁ ime kho bhikkhave pañca dhamme pahāya
bhabbo arahattaṁ sacchikātunti.

[260] Pañcahi bhikkhave dhammehi samannāgato bhattuddesako
na sammannitabbo katamehi pañcahi chandāgatiṁ gacchati dosāgatiṁ
gacchati mohāgatiṁ gacchati bhayāgatiṁ gacchati uddiṭṭhānuddiṭṭhaṁ
na jānāti imehi kho bhikkhave pañcahi dhammehi samannāgato
bhattuddesako na sammannitabbo. Pañcahi bhikkhave dhammehi samannāgato
bhattuddesako sammannitabbo katamehi pañcahi na chandāgatiṁ
gacchati na dosāgatiṁ gacchati na mohāgatiṁ gacchati na bhayāgatiṁ
gacchati uddiṭṭhānuddiṭṭhaṁ jānāti imehi kho bhikkhave pañcahi
dhammehi samannāgato bhattuddesako sammannitabboti.

[261] Pañcahi bhikkhave dhammehi samannāgato bhattuddesako
na sammannitabbo 1 sammatopi na pesetabbo .pe. Sammato
pesetabbo .pe. Bālo veditabbo .pe. Paṇḍito veditabbo .pe.
Khataṁ upahataṁ attānaṁ pariharati .pe. Akkhataṁ anupahataṁ attānaṁ
pariharati .pe. Yathābhataṁ nikkhitto evaṁ niraye. .pe. Yathābhataṁ
nikkhitto evaṁ sagge katamehi pañcahi na chandāgatiṁ gacchati
na dosāgatiṁ gacchati na mohāgatiṁ gacchati na bhayāgatiṁ gacchati
1 Ma. Yu. ayaṁ pāṭho na dissati.
Uddiṭṭhānuddiṭṭhaṁ jānāti imehi kho bhikkhave pañcahi dhammehi
samannāgato bhattuddesako yathābhataṁ nikkhitto evaṁ saggeti.

[262] Pañcahi bhikkhave dhammehi samannāgato senāsanapaññāpako
na sammannitabbo ... Paññattāpaññattaṁ na jānāti ... Senāsanapaññāpako
sammannitabbo ... Paññattāpaññattaṁ jānāti ...
Senāsanagāhāpako na sammannitabbo ... Paññattāpaññattaṁ na jānāti
... Senāsanagāhāpako sammannitabbo ... Paññattāpaññattaṁ jānāti
... Bhaṇḍāgāriko na sammannitabbo ... Guttāguttaṁ na jānāti ...
Bhaṇḍāgāriko sammannitabbo ... Guttāguttaṁ jānāti ... Cīvarapaṭiggāhako
na sammannitabbo ... Gahitāgahitaṁ na jānāti ... Cīvarapaṭiggāhako
sammannitabbo ... Gahitāgahitaṁ jānāti ... Cīvarabhājako na sammannitabbo
... Bhājitābhājitaṁ na jānāti ... Cīvarabhājako sammannitabbo
... Bhājitābhājitaṁ jānāti ... Yāgubhājako na sammannitabbo ...
Yāgubhājako sammannitabbo ... Phalabhājako na sammannitabbo ... Phalabhājako
sammannitabbo ... Khajjakabhājako na sammannitabbo ... Bhājitābhājitaṁ na
jānāti ... Khajjakabhājako sammannitabbo ... Bhājitābhājitaṁ jānāti ...
Appamattakavissajjako na sammannitabbo ... Vissajjitāvissajjitaṁ na
jānāti ... Appamattakavissajjako sammannitabbo ... Vissajjitāvissajjitaṁ
jānāti ... Sāṭiyagāhāpako na sammannitabbo ... Gahitāgahitaṁ na
Jānāti ... Sāṭiyagāhāpako sammannitabbo ... Gahitāgahitaṁ jānāti
... Pattaggāhāpako na sammannitabbo ... Gahitāgahitaṁ na jānāti
... Pattaggāhāpako sammannitabbo ... Gahitāgahitaṁ jānāti ... Ārāmika-
pesako na sammannitabbo ... Pesitāpesitaṁ na jānāti ... Ārāmika-
pesako sammannitabbo ... Pesitāpesitaṁ jānāti ... Sāmaṇerapesako
na sammannitabbo ... Sāmaṇerapesako sammannitabbo ... Sammatopi na
pesetabbo ... Sammato pesetabbo ... Bālo veditabbo ... Paṇḍito
veditabbo ... Khataṁ upahataṁ attānaṁ pariharati ... Akkhataṁ anupahataṁ
attānaṁ pariharati ... Yathābhataṁ nikkhitto evaṁ niraye ... Pesitāpesitaṁ
na jānāti ... Yathābhataṁ nikkhitto evaṁ sagge katamehi pañcahi
na chandāgatiṁ gacchati na dosāgatiṁ gacchati na mohāgatiṁ gacchati
na bhayāgatiṁ gacchati pesitāpesitaṁ jānāti imehi kho bhikkhave
pañcahi dhammehi samannāgato sāmaṇerapesako yathābhataṁ nikkhitto evaṁ
saggeti.

[263] Pañcahi bhikkhave dhammehi samannāgato bhikkhu yathābhataṁ
nikkhitto evaṁ niraye katamehi pañcahi pāṇātipātī hoti
adinnādāyī hoti abrahmacārī hoti musāvādī hoti
surāmerayamajjapamādaṭṭhāyī hoti imehi kho bhikkhave pañcahi dhammehi
samannāgato bhikkhu yathābhataṁ nikkhitto evaṁ niraye. Pañcahi bhikkhave
dhammehi samannāgato bhikkhu yathābhataṁ nikkhitto evaṁ sagge katamehi
Pañcahi pāṇātipātā paṭivirato hoti adinnādānā paṭivirato
hoti abrahmacariyā paṭivirato hoti musāvādā paṭivirato hoti
surāmerayamajjapamādaṭṭhānā paṭivirato hoti imehi kho bhikkhave
pañcahi dhammehi samannāgato bhikkhu yathābhataṁ nikkhitto evaṁ saggeti.

[264] Pañcahi bhikkhave dhammehi samannāgatā bhikkhunī ... Sikkhamānā
... Sāmaṇero 1 ... Sāmaṇerī ... Upāsako ... Upāsikā yathābhataṁ
nikkhittā evaṁ niraye katamehi pañcahi pāṇātipātinī hoti
adinnādāyinī hoti kāmesu micchācārinī hoti musāvādinī hoti
surāmerayamajjapamādaṭṭhāyinī hoti imehi kho bhikkhave pañcahi
dhammehi samannāgatā upāsikā yathābhataṁ nikkhittā evaṁ niraye. Pañcahi
bhikkhave dhammehi samannāgatā upāsikā yathābhataṁ nikkhittā evaṁ sagge
katamehi pañcahi pāṇātipātā paṭiviratā hoti adinnādānā
paṭiviratā hoti kāmesu micchācārā paṭiviratā hoti musāvādā
paṭiviratā hoti surāmerayamajjapamādaṭṭhānā paṭiviratā hoti imehi
kho bhikkhave pañcahi dhammehi samannāgatā upāsikā yathābhataṁ
nikkhittā evaṁ saggeti.