[100] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi yaṁ evaṁ mahato atthāya saṁvattati yathayidaṁ bhikkhave
appamādo appamādo bhikkhave mahato atthāya saṁvattatīti.

[101] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi yaṁ evaṁ mahato anatthāya saṁvattati yathayidaṁ bhikkhave
kosajjaṁ kosajjaṁ bhikkhave mahato anatthāya saṁvattatīti.

[102] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi yaṁ evaṁ mahato atthāya saṁvattati yathayidaṁ bhikkhave
viriyārambho viriyārambho bhikkhave mahato atthāya saṁvattatīti.

[103] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Mahicchatā bhikkhave mahato anatthāya saṁvattatīti.

[104] Ajjhattikaṁ bhikkhave aṅganti karitvā nāññaṁ ekaṅgaṁpi
1 Ma. Yu. pamādādivaggo.
Samanupassāmi .pe. Appicchatā bhikkhave mahato atthāya saṁvattatīti.

[105] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Asantuṭṭhitā bhikkhave mahato anatthāya saṁvattatīti.

[106] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Santuṭṭhitā bhikkhave mahato atthāya saṁvattatīti.

[107] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Ayoniso manasikāro bhikkhave mahato anatthāya
saṁvattatīti.

[108] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Yoniso manasikāro bhikkhave mahato atthāya saṁvattatīti.

[109] Ajjhattikaṁ bhikkhave aṅganti karitvā nāññaṁ ekaṅgaṁpi
samanupassāmi .pe. Asampajaññaṁ bhikkhave mahato anatthāya saṁvattatīti.