[1404] Atha kho sambahulā bhikkhū yena bhagavā tenupasaṅkamiṁsu
upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ
nisinne kho te bhikkhū bhagavā etadavoca atthi nu kho bhikkhave
ekadhammo bhāvito bahulīkato cattāro dhamme paripūreti cattāro
dhammā bhāvitā bahulīkatā satta dhamme paripūrenti satta dhammā
bhāvitā bahulīkatā dve dhamme paripūrentīti. Bhagavaṁmūlakā no
bhante dhammā .pe. Bhagavato sutvā bhikkhū dhāressantīti. Atthi
bhikkhave ekadhammo bhāvito bahulīkato cattāro dhamme paripūreti
cattāro dhammā bhāvitā bahulīkatā satta dhamme paripūrenti satta
dhammā bhāvitā bahulīkatā dve dhamme paripūrenti.

[1405] Katamo ca bhikkhave ekadhammo bhāvito bahulīkato
cattāro dhamme paripūreti cattāro dhammā bhāvitā bahulīkatā
satta dhamme paripūrenti satta dhammā bhāvitā bahulīkatā dve
dhamme paripūrenti. Ānāpānassatisamādhi [1]- bhikkhave ekadhammo bhāvito
bahulīkato cattāro satipaṭṭhāne paripūreti cattāro satipaṭṭhānā
bhāvitā bahulīkatā satta bojjhaṅge paripūrenti satta bojjhaṅgā
bhāvitā bahulīkatā vijjāvimuttiṁ paripūrentīti .pe. (yathā dutiyaṁ
veyyākaraṇaṁ tathā bhikkhūnaṁ kātabbaṁ) .pe.

[1406] Ānāpānassatisamādhi bhikkhave bhāvito bahulīkato
1 Po. kho.
Saññojanānaṁ pahānāya saṁvattati.

[1407] Kathaṁ bhāvito ca bhikkhave ānāpānassatisamādhi kathaṁ
bahulīkato saññojanānaṁ pahānāya saṁvattati. Idha bhikkhave bhikkhu
araññagato vā .pe. Paṭinissaggānupassī assasissāmīti sikkhati
paṭinissaggānupassī passasissāmīti sikkhati. Evaṁ bhāvito kho
bhikkhave ānāpānassatisamādhi evaṁ bahulīkato saññojanānaṁ pahānāya
saṁvattatīti .pe.

[1408] Ānāpānassatisamādhi bhikkhave bhāvito bahulīkato
anusayasamugghātāya saṁvattati. (vitthāretabbaṁ). Evaṁ bhāvito kho
bhikkhave ānāpānassatisamādhi evaṁ bahulīkato anusayasamugghātāya
saṁvattatīti.

[1409] Ānāpānassatisamādhi bhikkhave bhāvito bahulīkato
addhānapariññāya saṁvattatīti. (vitthāro). Evaṁ bhāvito kho
bhikkhave ānāpānassatisamādhi evaṁ bahulīkato addhānapariññāya
saṁvattatīti.

[1410] Ānāpānassatisamādhi bhikkhave bhāvito bahulīkato
āsavānaṁ khayāya saṁvattatīti. (vitthāro). Evaṁ bhāvito kho
bhikkhave ānāpānassatisamādhi evaṁ bahulīkato āsavānaṁ khayāya
saṁvattatīti.
Vaggo dutiyo.
Tassuddānaṁ
icchānaṅgalaṁ sakaṁbhiyaṁ 1 ānande apare duve
bhikkhuhi 2 dve vuttā saññojanaṁ anusayaṁ
addhānaṁ āsavakkhayāti.
Ānāpānasaṁyuttaṁ niṭṭhitaṁ.
--------
1 Ma. Yu. ... kaṅkheyyaṁ, ānandā .... 2 Ma. bhikkhū saṁyojanānusayā, addhānaṁ
āsavakkhayanti. Yu. bhikkhave bhikkhu dve vuttā.
Sotāpattisaṁyuttaṁ
-----
veḷudvāravaggo paṭhamo

[1411] Sāvatthiyaṁ. Tatra kho bhagavā etadavoca kiñcāpi
bhikkhave rājā cakkavatti catunnaṁ dīpānaṁ issariyādhipaccaṁ rajjaṁ
kāretvā kāyassa bhedā paraṁ maraṇā sugatiṁ saggaṁ lokaṁ upapajjati
devānaṁ tāvatiṁsānaṁ sahabyataṁ. So tattha nandanavane accharāsaṅghaparivuto
dibbehi [1]- pañcahi kāmaguṇehi samappito samaṅgibhūto
paricāreti. So catūhi dhammehi samannāgato. Atha kho so
aparimutto ca 2 nirayā aparimutto ca 3 tiracchānayoniyā aparimutto
ca 4 pittivisayā aparimutto ca 5 apāyaduggativinipātā.

[1412] Kiñcāpi bhikkhave ariyasāvako piṇḍiyālopena yāpeti
nantakānipi 6 dhāreti. So catūhi dhammehi samannāgato. Atha kho
so parimutto ca 7 nirayā parimutto ca 8 tiracchānayoniyā parimutto ca 9
pittivisayā parimutto ca 10 apāyaduggativinipātā. Katamehi catūhi.
Idha bhikkhave ariyasāvako buddhe aveccappasādena samannāgato hoti
itipi so bhagavā arahaṁ sammāsambuddho vijjācaraṇasampanno sugato
lokavidū anuttaro purisadammasārathi satthā devamanussānaṁ buddho
1 Ma. Yu. ca. 2 Po. Ma. va. 3-4-5-7-8-9-10 Po. Ma. casaddo
natthi. 6 Ma. Yu. nantakāni ca.
Bhagavāti. Dhamme aveccappasādena samannāgato hoti svākkhāto
bhagavatā dhammo sandiṭṭhiko akāliko ehipassiko opanayiko paccattaṁ
veditabbo viññūhīti. Saṅghe aveccappasādena samannāgato hoti
supaṭipanno bhagavato sāvakasaṅgho ujupaṭipanno bhagavato sāvakasaṅgho
ñāyapaṭipanno bhagavato sāvakasaṅgho sāmīcipaṭipanno bhagavato sāvakasaṅgho.
Yadidaṁ cattāri purisayugāni aṭṭha purisapuggalā esa
bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo
anuttaraṁ puññakkhettaṁ lokassāti. Ariyakantehi sīlehi
samannāgato hoti akkhaṇḍehi acchiddehi asabalehi akammāsehi
bhujissehi viññūpasatthehi aparāmaṭṭhehi samādhisaṁvattanikehi. Imehi
catūhi dhammehi samannāgato hoti.

[1413] Yo ca bhikkhave catunnaṁ dīpānaṁ paṭilābho yo ca 1
catunnaṁ dhammānaṁ paṭilābho catunnaṁ dīpānaṁ paṭilābho catunnaṁ
dhammānaṁ paṭilābhassa kalaṁ nāgghati soḷasinti.