[734] Atha kho cundo samaṇuddeso āyasmato sārīputtassa
pattacīvaramādāya yena sāvatthījetavanaṁ anāthapiṇḍikassa ārāmo
yenāyasmā ānando tenupasaṅkami upasaṅkamitvā āyasmantaṁ
ānandaṁ abhivādetvā ekamantaṁ nisīdi. Ekamantaṁ nisinno kho
cundo samaṇuddeso āyasmantaṁ ānandaṁ etadavoca āyasmā
bhante sārīputto parinibbuto idamassa pattacīvaranti. Atthi
kho idaṁ āvuso cunda kathāpābhataṁ bhagavantaṁ dassanāya āyāmāvuso
cunda yena bhagavā tenupasaṅkamissāma upasaṅkamitvā bhagavato
etamatthaṁ ārocessāmāti. Evaṁ bhanteti kho cundo samaṇuddeso
āyasmato ānandassa paccassosi.

[735] Atha kho āyasmā ca ānando cundo ca samaṇuddeso
yena bhagavā tenupasaṅkamiṁsu upasaṅkamitvā bhagavantaṁ abhivādetvā
ekamantaṁ nisīdiṁsu. Ekamantaṁ nisinno kho āyasmā ānando
1 Ma. Yu. ca.
Bhagavantaṁ etadavoca ayaṁ bhante cundo samaṇuddeso evamāha
āyasmā bhante sārīputto parinibbuto idamassa pattacīvaranti.
Api ca me bhante madhurakajāto viya kāyo disāpi me na
pakkhāyanti dhammāpi maṁ nappaṭibhanti āyasmā sārīputto
parinibbutoti sutvā.

[736] Kiṁ nu kho [1]- ānanda sārīputto sīlakkhandhaṁ vā ādāya
parinibbuto samādhikkhandhaṁ vā ādāya parinibbuto paññākkhandhaṁ vā
ādāya parinibbuto vimuttikkhandhaṁ vā ādāya parinibbuto vimuttiñāṇadassanakkhandhaṁ
vā ādāya parinibbutoti. Na [2]- kho me [3]-
bhante āyasmā sārīputto sīlakkhandhaṁ vā ādāya parinibbuto .pe.
Vimuttiñāṇadassanakkhandhaṁ vā ādāya parinibbuto. Api ca me
bhante āyasmā sārīputto ovādako ahosi [4]- viññāpako
sandassako samādapako samuttejako sampahaṁsako akilāsu dhammadesanāya
anuggāhako sabrahmacārīnaṁ taṁ mayaṁ āyasmato sārīputtassa
dhammojaṁ dhammabhogaṁ dhammānuggahaṁ anussarāmāti.

[737] Nanu taṁ ānanda mayā paṭikacceva akkhātaṁ sabbehi
piyehi manāpehi nānābhāvo vinābhāvo aññathābhāvo taṁ kutettha
ānanda labbhā. Yantaṁ jātaṁ bhūtaṁ saṅkhataṁ palokadhammaṁ taṁ vata mā
palujjīti netaṁ ṭhānaṁ vijjati.

[738] Seyyathāpi ānanda mahato rukkhassa tiṭṭhato sāravato
1 Ma. Yu. te. 2 Ma. Yu. ca. 3 Yu. taṁ. 4 Ma. Yu. otiṇṇo.
Yo mahantataro khandho so palujjeyya. Evameva kho ānanda
mahato bhikkhusaṅghassa tiṭṭhato sāravato sārīputto parinibbuto
taṁ kutettha ānanda labbhā. Yantaṁ jātaṁ bhūtaṁ saṅkhataṁ palokadhammaṁ
taṁ vata mā palujjīti netaṁ ṭhānaṁ vijjati. Tasmā tiha ānanda
attadīpā viharatha attasaraṇā anaññasaraṇā dhammadīpā dhammasaraṇā
anaññasaraṇā.

[739] Kathañcānanda bhikkhu attadīpo viharati attasaraṇo
anaññasaraṇo dhammadīpo dhammasaraṇo anaññasaraṇo. Idhānanda
bhikkhu kāye kāyānupassī viharati ātāpī sampajāno satimā
vineyya loke abhijjhādomanassaṁ. Vedanāsu citte dhammesu
dhammānupassī viharati ātāpī sampajāno satimā vineyya loke
abhijjhādomanassaṁ. Evaṁ kho ānanda bhikkhu attadīpo viharati
attasaraṇo anaññasaraṇo dhammadīpo dhammasaraṇo anaññasaraṇo.

[740] Ye hi keci ānanda etarahi vā mamaccaye vā attadīpā
viharissanti attasaraṇā anaññasaraṇā dhammadīpā dhammasaraṇā
anaññasaraṇā. Tamataggemete 1 ānanda bhikkhū bhavissanti ye
keci sikkhākāmāti.

[741] Ekaṁ samayaṁ bhagavā vajjīsu viharati ukkacelāyaṁ gaṅgāya
nadiyā tīre mahatā bhikkhusaṅghena saddhiṁ aciraparinibbutesu
sārīputtamoggallānesu. Tena kho pana samayena bhagavā bhikkhusaṅghaparivuto
1 Yu. tamataggepete. evamupari.
Ajjhokāse nisinno hoti. Atha kho bhagavā tuṇhībhūtaṁ bhikkhusaṅghaṁ
anuviloketvā bhikkhū āmantesi api kho 1 myāyaṁ bhikkhave parisā
suññā viya khāyati aparinibbutesu 2 sārīputtamoggallānesu. Asuññā 3
me sā 4 bhikkhave disā 5 hoti anapekkhā tassaṁ disāyaṁ hoti yassaṁ
disāyaṁ sārīputtamoggallānā viharanti.

[742] Yepi te bhikkhave ahesuṁ atītamaddhānaṁ arahanto sammāsambuddhā
tesampi bhagavantānaṁ etaparamaṁyeva sāvakayugaṁ ahosi
seyyathāpi mayhaṁ sārīputtamoggallānā. Yepi te bhikkhave bhavissanti
anāgatamaddhānaṁ arahanto sammāsambuddhā tesampi bhagavantānaṁ
etaparamaṁyeva sāvakayugaṁ bhavissati seyyathāpi mayhaṁ sārīputtamoggallānā.

[743] Acchariyaṁ bhikkhave sāvakānaṁ abbhutaṁ bhikkhave sāvakānaṁ
satthu ca nāma sāsanakarā bhavissanti ovādapaṭikarā ca catunnañca
parisānaṁ piyā bhavissanti manāpā garubhāvanīyā 6 ca. Acchariyaṁ bhikkhave
tathāgatassa abbhutaṁ bhikkhave tathāgatassa evarūpepi nāma sāvakānaṁ
yuge parinibbute natthi tathāgatassa soko vā paridevo vā taṁ
kutettha bhikkhave labbhā. Yantaṁ jātaṁ bhūtaṁ saṅkhataṁ palokadhammaṁ
taṁ vata mā palujjīti netaṁ ṭhānaṁ vijjati.