[194] Sāvatthīnidānaṁ. Seyyathāpi bhikkhave aciravatī nadī
samuddaninnā samuddapoṇā samuddapabbhārā. Evameva kho bhikkhave
bhikkhu .pe.

[195] Sāvatthīnidānaṁ. Seyyathāpi bhikkhave sarabhū nadī samuddaninnā
samuddapoṇā samuddapabbhārā. Evameva kho bhikkhave bhikkhu .pe.

[196] Sāvatthīnidānaṁ. Seyyathāpi bhikkhave mahī nadī samuddaninnā
samuddapoṇā samuddapabbhārā. Evameva kho bhikkhave bhikkhu .pe.

[197] Sāvatthīnidānaṁ. Seyyathāpi bhikkhave yā kācimā
mahānadiyo. Seyyathīdaṁ. Gaṅgā yamunā aciravatī sarabhū mahī sabbā
tā samuddaninnā samuddapoṇā samuddapabbhārā. Evameva kho
bhikkhave bhikkhu ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ
Maggaṁ bahulīkaronto nibbānaninno hoti nibbānapoṇo nibbānapabbhāro.

[198] Kathañca bhikkhave bhikkhu ariyaṁ aṭṭhaṅgikaṁ maggaṁ bhāvento
ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu sammādiṭṭhiṁ bhāveti
vivekanissitaṁ virāganissitaṁ nirodhanissitaṁ vossaggapariṇāmiṁ .pe.
Sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
Evaṁ kho bhikkhave bhikkhu ariyaṁ aṭṭhaṅgikaṁ maggaṁ
bhāvento ariyaṁ aṭṭhaṅgikaṁ maggaṁ bahulīkaronto nibbānaninno
hoti nibbānapoṇo nibbānapabbhāroti.
Gaṅgāpeyyālavāraṁ saṅkhepena likhitaṁ peyyāle vitthāretabbaṁ.
Tassuddānaṁ
cha pācīnato ninnā cha ninnā [1]- samuddato
dve 2 dhammā dasā honti vaggo 3 tena pavuccatīti.
Gaṅgāpeyyālī pācīnaninnavācanamaggī vivekanissitadvādasakī paṭhamakī.
---------------

[199] Sāvatthīnidānaṁ. Seyyathāpi bhikkhave gaṅgā nadī pācīnaninnā
pācīnapoṇā pācīnapabbhārā. Evameva kho bhikkhave bhikkhu
ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto
nibbānaninno hoti nibbānapoṇo nibbānapabbhāro.
1 Ma. Yu. ca. 2 Ma. Yu. ete dve cha dvādasa honti. 3 Yu. peyyālī tena
vuccatīti.

[200] Kathañca bhikkhave bhikkhu ariyaṁ aṭṭhaṅgikaṁ maggaṁ bhāvento
ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu sammādiṭṭhiṁ bhāveti
rāgavinayapariyosānaṁ dosavinayapariyosānaṁ mohavinayapariyosānaṁ .pe.
Sammāsamādhiṁ bhāveti rāgavinayapariyosānaṁ dosavinayapariyosānaṁ
mohavinayapariyosānaṁ. Evaṁ kho bhikkhave bhikkhu ariyaṁ aṭṭhaṅgikaṁ
maggaṁ bhāvento ariyaṁ aṭṭhaṅgikaṁ maggaṁ bahulīkaronto nibbānaninno
hoti nibbānapoṇo nibbānapabbhāroti.

[201] Sāvatthīnidānaṁ. Seyyathāpi bhikkhave yamunā nadī
pācīnaninnā pācīnapoṇā pācīnapabbhārā. Evameva kho bhikkhave
bhikkhu .pe.

[202] Sāvatthīnidānaṁ. Seyyathāpi bhikkhave aciravatī nadī
pācīnaninnā pācīnapoṇā pācīnapabbhārā. Evameva kho bhikkhave
bhikkhu .pe.

[203] Sāvatthīnidānaṁ. Seyyathāpi bhikkhave sarabhū nadī pācīnaninnā
pācīnapoṇā pācīnapabbhārā. Evameva kho bhikkhave bhikkhu .pe.