[184] Kathañca bhikkhave bhikkhu ariyaṁ aṭṭhaṅgikaṁ maggaṁ bhāvento
ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu sammādiṭṭhiṁ bhāveti
vivekanissitaṁ virāganissitaṁ nirodhanissitaṁ vossaggapariṇāmiṁ .pe.
Sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
Evaṁ kho bhikkhave bhikkhu ariyaṁ aṭṭhaṅgikaṁ maggaṁ bhāvento
ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāroti.

[185] Sāvatthīnidānaṁ. Seyyathāpi bhikkhave yamunā nadī pācīnaninnā
pācīnapoṇā pācīnapabbhārā evameva kho bhikkhave .pe.

[186] Sāvatthīnidānaṁ. Seyyathāpi bhikkhave aciravatī nadī pācīnaninnā
pācīnapoṇā pācīnapabbhārā evameva kho bhikkhave .pe.

[187] Sāvatthīnidānaṁ. Seyyathāpi bhikkhave sarabhū nadī pācīnaninnā
pācīnapoṇā pācīnapabbhārā evameva kho bhikkhave .pe.
1 Ma. gaṅgāpeyyālavagga.

[188] Sāvatthīnidānaṁ. Seyyathāpi bhikkhave mahī nadī pācīnaninnā
pācīnapoṇā pācīnapabbhārā. Evameva kho bhikkhave .pe.

[189] Sāvatthīnidānaṁ. Seyyathāpi bhikkhave yā kācimā 1
mahānadiyo. Seyyathīdaṁ. Gaṅgā yamunā aciravatī sarabhū mahī sabbā
tā pācīnaninnā pācīnapoṇā pācīnapabbhārā. Evameva kho
bhikkhave bhikkhu ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ
maggaṁ bahulīkaronto nibbānaninno hoti nibbānapoṇo nibbānapabbhāro.

[190] Kathañca bhikkhave bhikkhu ariyaṁ aṭṭhaṅgikaṁ maggaṁ bhāvento
ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu sammādiṭṭhiṁ bhāveti
vivekanissitaṁ virāganissitaṁ .pe. Sammāsamādhiṁ bhāveti vivekanissitaṁ
virāganissitaṁ nirodhanissitaṁ vossaggapariṇāmiṁ. Evaṁ kho bhikkhave
bhikkhu ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ
bahulīkaronto nibbānaninno hoti nibbānapoṇo nibbānapabbhāroti.

[191] Sāvatthīnidānaṁ. Seyyathāpi bhikkhave gaṅgā nadī samuddaninnā
samuddapoṇā samuddapabbhārā. Evameva kho bhikkhave bhikkhu
ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ
bahulīkaronto nibbānaninno hoti nibbānapoṇo nibbānapabbhāro.

[192] Kathañca bhikkhave bhikkhu ariyaṁ aṭṭhaṅgikaṁ maggaṁ bhāvento
1 Yu. kāci. evamuparipi.
Ariyaṁ aṭṭhaṅgikaṁ maggaṁ bahulīkaronto nibbānaninno hoti nibbānapoṇo
nibbānapabbhāro. Idha bhikkhave bhikkhu sammādiṭṭhiṁ bhāveti
vivekanissitaṁ .pe. Sammāsamādhiṁ bhāveti vivekanissitaṁ virāganissitaṁ
nirodhanissitaṁ vossaggapariṇāmiṁ. Evaṁ kho bhikkhave bhikkhu ariyaṁ
aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto
nibbānaninno hoti nibbānapoṇo nibbānapabbhāroti.

[193] Sāvatthīnidānaṁ. Seyyathāpi bhikkhave yamunā nadī
samuddaninnā samuddapoṇā samuddapabbhārā. Evameva kho bhikkhave
bhikkhu .pe.