[1210] Anatthakusalo ceva kodhano kuppatī ca yo
pasāretā chandāgati 2 na kusalo tatheva ca
suttaṁ dhammañca vatthuñca āpatti 3 adhikaraṇaṁ 4
dve dve pakāsitā sabbe kaṇhasukkaṁ vijānathāti.

[1211] Katīhi nu kho bhante aṅgehi samannāgato bhikkhu
nālaṁ adhikaraṇaṁ vūpasametunti. Pañcahupāli aṅgehi samannāgato
bhikkhu nālaṁ adhikaraṇaṁ vūpasametuṁ. Katamehi pañcahi. Āpattiṁ
na jānāti āpattisamuṭṭhānaṁ na jānāti āpattiyā payogaṁ
na jānāti āpattiyā vūpasamaṁ na jānāti na āpattiyā
vinicchayakusalo hoti. Imehi kho upāli pañcahaṅgehi samannāgato
bhikkhu nālaṁ adhikaraṇaṁ vūpasametuṁ. Pañcahupāli aṅgehi samannāgato
bhikkhu alaṁ adhikaraṇaṁ vūpasametuṁ. Katamehi pañcahi. Āpattiṁ
jānāti āpattisamuṭṭhānaṁ jānāti āpattiyā payogaṁ jānāti
āpattiyā vūpasamaṁ jānāti āpattiyā vinicchayakusalo hoti.
Imehi kho upāli pañcahaṅgehi samannāgato bhikkhu alaṁ adhikaraṇaṁ
vūpasametuṁ. Aparehipi upāli pañcahaṅgehi samannāgato bhikkhu
1 sabbattha ubbāhikavaggo niṭṭhito navamoti dissati. ito paraṁpi taṁtaṁvaggāvasāne
niṭṭhitoti vemajjhe likhiyati. 2 Ma. chandāgatiṁ. 3 Ma. āpattiṁ. 4 Po.
adhikaraṇā.
Nālaṁ adhikaraṇaṁ vūpasametuṁ. Katamehi pañcahi. Adhikaraṇaṁ na
jānāti adhikaraṇasamuṭṭhānaṁ na jānāti adhikaraṇassa payogaṁ na
jānāti adhikaraṇassa vūpasamaṁ na jānāti na adhikaraṇassa
vinicchayakusalo hoti 1 . Imehi kho upāli pañcahaṅgehi samannāgato
bhikkhu nālaṁ adhikaraṇaṁ vūpasametuṁ. Pañcahupāli aṅgehi samannāgato
bhikkhu alaṁ adhikaraṇaṁ vūpasametuṁ. Katamehi pañcahi. Adhikaraṇaṁ
jānāti adhikaraṇasamuṭṭhānaṁ jānāti adhikaraṇassa payogaṁ jānāti
adhikaraṇassa vūpasamaṁ jānāti adhikaraṇassa vinicchayakusalo hoti.
Imehi kho upāli pañcahaṅgehi samannāgato bhikkhu alaṁ adhikaraṇaṁ
vūpasametuṁ. Aparehipi upāli pañcahaṅgehi samannāgato bhikkhu nālaṁ
adhikaraṇaṁ vūpasametuṁ. Katamehi pañcahi. Chandāgatiṁ gacchati dosāgatiṁ
gacchati mohāgatiṁ gacchati bhayāgatiṁ gacchati alajjī ca hoti.
Imehi kho upāli pañcahaṅgehi samannāgato bhikkhu nālaṁ adhikaraṇaṁ
vūpasametuṁ. Pañcahupāli aṅgehi samannāgato bhikkhu alaṁ adhikaraṇaṁ
vūpasametuṁ. Katamehi pañcahi. Na chandāgatiṁ gacchati na
dosāgatiṁ gacchati na mohāgatiṁ gacchati na bhayāgatiṁ gacchati
lajjī ca hoti. Imehi kho upāli pañcahaṅgehi samannāgato
bhikkhu alaṁ adhikaraṇaṁ vūpasametuṁ. Aparehipi upāli pañcahaṅgehi
samannāgato bhikkhu nālaṁ adhikaraṇaṁ vūpasametuṁ. Katamehi pañcahi.
Chandāgatiṁ gacchati dosāgatiṁ gacchati mohāgatiṁ gacchati bhayāgatiṁ
1 Ma. adhikaraṇassa na vinicchayakusalo hoti.
Gacchati appassuto ca hoti. Imehi kho upāli pañcahaṅgehi
samannāgato bhikkhu nālaṁ adhikaraṇaṁ vūpasametuṁ. Pañcahupāli
aṅgehi samannāgato bhikkhu alaṁ adhikaraṇaṁ vūpasametuṁ. Katamehi
pañcahi. Na chandāgatiṁ gacchati na dosāgatiṁ gacchati na
mohāgatiṁ gacchati na bhayāgatiṁ gacchati bahussuto ca hoti.
Imehi kho upāli pañcahaṅgehi samannāgato bhikkhu alaṁ adhikaraṇaṁ
vūpasametuṁ. Aparehipi upāli pañcahaṅgehi samannāgato bhikkhu nālaṁ
adhikaraṇaṁ vūpasametuṁ. Katamehi pañcahi. Vatthuṁ na jānāti nidānaṁ na
jānāti paññattiṁ na jānāti padapacchābhaṭṭhaṁ na jānāti anusandhivacanapathaṁ
na jānāti. Imehi kho upāli pañcahaṅgehi samannāgato
bhikkhu nālaṁ adhikaraṇaṁ vūpasametuṁ. Pañcahupāli aṅgehi samannāgato
bhikkhu alaṁ adhikaraṇaṁ vūpasametuṁ. Katamehi pañcahi. Vatthuṁ
jānāti nidānaṁ jānāti paññattiṁ jānāti padapacchābhaṭṭhaṁ
jānāti anusandhivacanapathaṁ jānāti. Imehi kho upāli pañcahaṅgehi
samannāgato bhikkhu alaṁ adhikaraṇaṁ vūpasametuṁ. Aparehipi upāli
pañcahaṅgehi samannāgato bhikkhu nālaṁ adhikaraṇaṁ vūpasametuṁ.
Katamehi pañcahi. Chandāgatiṁ gacchati dosāgatiṁ gacchati mohāgatiṁ
gacchati bhayāgatiṁ gacchati akusalo ca hoti vinaye. Imehi
kho upāli pañcahaṅgehi samannāgato bhikkhu nālaṁ adhikaraṇaṁ
vūpasametuṁ. Pañcahupāli aṅgehi samannāgato bhikkhu alaṁ adhikaraṇaṁ
Vūpasametuṁ. Katamehi pañcahi. Na chandāgatiṁ gacchati na
dosāgatiṁ gacchati na mohāgatiṁ gacchati na bhayāgatiṁ gacchati
kusalo ca hoti vinaye. Imehi kho upāli pañcahaṅgehi
samannāgato bhikkhu alaṁ adhikaraṇaṁ vūpasametuṁ. Aparehipi upāli
pañcahaṅgehi samannāgato bhikkhu nālaṁ adhikaraṇaṁ vūpasametuṁ.
Katamehi pañcahi. Chandāgatiṁ gacchati dosāgatiṁ gacchati mohāgatiṁ
gacchati bhayāgatiṁ gacchati puggalagaru hoti no saṅghagaru.
Imehi kho upāli pañcahaṅgehi samannāgato bhikkhu nālaṁ adhikaraṇaṁ
vūpasametuṁ. Pañcahupāli aṅgehi samannāgato bhikkhu alaṁ adhikaraṇaṁ
vūpasametuṁ. Katamehi pañcahi. Na chandāgatiṁ gacchati na dosāgatiṁ
gacchati na mohāgatiṁ gacchati na bhayāgatiṁ gacchati saṅghagaru
hoti no puggalagaru. Imehi kho upāli pañcahaṅgehi samannāgato
bhikkhu alaṁ adhikaraṇaṁ vūpasametuṁ. Aparehipi upāli pañcahaṅgehi
samannāgato bhikkhu nālaṁ adhikaraṇaṁ vūpasametuṁ. Katamehi pañcahi.
Chandāgatiṁ gacchati dosāgatiṁ gacchati mohāgatiṁ gacchati bhayāgatiṁ
gacchati āmisagaru hoti no saddhammagaru. Imehi kho upāli
pañcahaṅgehi samannāgato bhikkhu nālaṁ adhikaraṇaṁ vūpasametuṁ.
Pañcahupāli aṅgehi samannāgato bhikkhu alaṁ adhikaraṇaṁ vūpasametuṁ.
Katamehi pañcahi. Na chandāgatiṁ gacchati na dosāgatiṁ gacchati
na mohāgatiṁ gacchati na bhayāgatiṁ gacchati saddhammagaru hoti
No āmisagaru. Imehi kho upāli pañcahaṅgehi samannāgato
bhikkhu alaṁ adhikaraṇaṁ vūpasametuṁ.

[1212] Katīhi nu kho bhante ākārehi saṅgho bhijjatīti.
Pañcahupāli ākārehi saṅgho bhijjati. Katamehi pañcahi.
Kammena uddesena voharanto anussāvanena salākagāhena.
Imehi kho upāli pañcahākārehi saṅgho bhijjatīti.

[1213] Saṅgharājīti 1 bhante vuccati kittāvatā nu kho bhante
saṅgharāji hoti no ca saṅghabhedo kittāvatā ca pana saṅgharāji
ceva hoti saṅghabhedo cāti. Paññattetaṁ upāli mayā āgantukānaṁ
bhikkhūnaṁ āgantukavattaṁ evaṁ suppaññatte kho upāli mayā
sikkhāpade āgantukā bhikkhū āgantukavatte na vattanti evampi
kho upāli saṅgharāji hoti no ca saṅghabhedo. Paññattetaṁ
upāli mayā āvāsikānaṁ bhikkhūnaṁ āvāsikavattaṁ evaṁ suppaññatte
kho upāli mayā sikkhāpade āvāsikā bhikkhū āvāsikavatte na
vattanti evampi kho upāli saṅgharāji hoti no ca saṅghabhedo.
Paññattetaṁ upāli mayā bhikkhūnaṁ bhattagge bhattaggavattaṁ yathāvuḍḍhaṁ
yathārattaṁ yathāpaṭirūpaṁ aggāsanaṁ aggodakaṁ aggapiṇḍaṁ evaṁ
suppaññatte kho upāli mayā sikkhāpade navā bhikkhū bhattagge
therānaṁ bhikkhūnaṁ āsanaṁ paṭibāhanti evampi kho upāli saṅgharāji
hoti no ca saṅghabhedo. Paññattetaṁ upāli mayā bhikkhūnaṁ
1 Ma. Yu. saṅgharāji saṅgharājīti.
Senāsane senāsanavatataṁ yathāvuḍḍhaṁ yathārattaṁ yathāpaṭirūpaṁ evaṁ
suppaññatte kho upāli mayā sikkhāpade navā bhikkhū therānaṁ
bhikkhūnaṁ senāsanaṁ paṭibāhanti evampi kho upāli saṅgharāji
hoti no ca saṅghabhedo. Paññattetaṁ upāli mayā bhikkhūnaṁ
antosīmāya ekaṁ uposathaṁ ekaṁ pavāraṇaṁ ekaṁ saṅghakammaṁ ekaṁ
kammākammaṁ evaṁ suppaññatte kho upāli mayā sikkhāpade
tattheva antosīmāya āveṇibhāvaṁ 1 karitvā gaṇaṁ bandhitvā āveṇi
uposathaṁ karonti āveṇi pavāraṇaṁ karonti āveṇi saṅghakammaṁ
karonti āveṇi kammākammāni karonti evampi kho upāli
saṅgharāji ceva hoti saṅghabhedo cāti.
Adhikaraṇavūpasamavaggo dasamo.
Tassuddānaṁ

[1214] Āpatti 2 adhikaraṇaṁ chandā appassutena ca
vatthuñca akusalo ca puggalo āmisena ca
bhijjati saṅgharāji ca saṅghabhedo tatheva cāti.

[1215] Katīhi nu kho bhante aṅgehi samannāgato saṅghabhedako
āpāyiko nerayiko kappaṭṭho atekicchoti. Pañcahupāli aṅgehi
samannāgato saṅghabhedako āpāyiko nerayiko kappaṭṭho atekiccho.
Katamehi pañcahi. Idhupāli bhikkhu adhammaṁ dhammoti dīpeti
dhammaṁ adhammoti dīpeti avinayaṁ vinayoti dīpeti vinayaṁ
1 Ma. āveni.... sabbattha īdiso. 2 Ma. āpattiṁ.
Avinayoti dīpeti vinidhāya diṭṭhiṁ kammena. Imehi kho upāli
pañcahaṅgehi samannāgato saṅghabhedako āpāyiko nerayiko kappaṭṭho
atekiccho. Aparehipi upāli pañcahaṅgehi samannāgato saṅghabhedako
āpāyiko nerayiko kappaṭṭho atekiccho. Katamehi pañcahi.
Idhupāli bhikkhu adhammaṁ dhammoti dīpeti dhammaṁ adhammoti
dīpeti avinayaṁ vinayoti dīpeti vinayaṁ avinayoti dīpeti
vinidhāya diṭṭhiṁ uddesena. Imehi kho upāli pañcahaṅgehi
samannāgato saṅghabhedako āpāyiko nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. Katamehi pañcahi. Idhupāli
bhikkhu adhammaṁ dhammoti dīpeti dhammaṁ adhammoti dīpeti
avinayaṁ vinayoti dīpeti vinayaṁ avinayoti dīpeti vinidhāya
diṭṭhiṁ voharanto. Imehi kho upāli pañcahaṅgehi samannāgato
saṅghabhedako āpāyiko nerayiko kappaṭṭho atekiccho. Aparehipi
upāli pañcahaṅgehi samannāgato saṅghabhedako āpāyiko nerayiko
kappaṭṭho atekiccho. Katamehi pañcahi. Idhupāli bhikkhu
adhammaṁ dhammoti dīpeti dhammaṁ adhammoti dīpeti avinayaṁ
vinayoti dīpeti vinayaṁ avinayoti dīpeti vinidhāya diṭṭhiṁ
anussāvanena. Imehi kho upāli pañcahaṅgehi samannāgato
saṅghabhedako āpāyiko nerayiko kappaṭṭho atekiccho. Aparehipi
Upāli pañcahaṅgehi samannāgato saṅghabhedako āpāyiko nerayiko
kappaṭṭho atekiccho. Katamehi pañcahi. Idhupāli bhikkhu
adhammaṁ dhammoti dīpeti dhammaṁ adhammoti dīpeti avinayaṁ
vinayoti dīpeti vinayaṁ avinayoti dīpeti vinidhāya diṭṭhiṁ
salākagāhena. Imehi kho upāli pañcahaṅgehi samannāgato
saṅghabhedako āpāyiko nerayiko kappaṭṭho atekiccho. Aparehipi
upāli pañcahaṅgehi samannāgato saṅghabhedako āpāyiko nerayiko
kappaṭṭho atekiccho. Katamehi pañcahi. Idhupāli bhikkhu
adhammaṁ dhammoti dīpeti dhammaṁ adhammoti dīpeti avinayaṁ
vinayoti dīpeti vinayaṁ avinayoti dīpeti vinidhāya khantiṁ
kammena .pe. Vinidhāya khantiṁ uddesena. Vinidhāya khantiṁ
voharanto. Vinidhāya khantiṁ anussāvanena. Vinidhāya khantiṁ
salākagāhena. Imehi kho upāli pañcahaṅgehi samannāgato
saṅghabhedako āpāyiko nerayiko kappaṭṭho atekiccho. Aparehipi
upāli pañcahaṅgehi samannāgato saṅghabhedako āpāyiko nerayiko
kappaṭṭho atekiccho. Katamehi pañcahi. Idhupāli bhikkhu
adhammaṁ dhammoti dīpeti dhammaṁ adhammoti dīpeti avinayaṁ
vinayoti dīpeti vinayaṁ avinayoti dīpeti vinidhāya ruciṁ kammena
.pe. Vinidhāya ruciṁ uddesena. Vinidhāya ruciṁ voharanto.
Vinidhāya ruciṁ anussāvanena. Vinidhāya ruciṁ salākagāhena. Imehi
Kho upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. Aparehipi upāli pañcahaṅgehi
samannāgato saṅghabhedako āpāyiko nerayiko kappaṭṭho atekiccho.
Katamehi pañcahi. Idhupāli bhikkhu adhammaṁ dhammoti dīpeti
dhammaṁ adhammoti dīpeti avinayaṁ vinayoti dīpeti vinayaṁ
avinayoti dīpeti vinidhāya saññaṁ kammena .pe. Vinidhāya
saññaṁ uddesena. Vinidhāya saññaṁ voharanto. Vinidhāya
saññaṁ anussāvanena. Vinidhāya saññaṁ salākagāhena. Imehi
kho upāli pañcahaṅgehi samannāgato saṅghabhedako āpāyiko
nerayiko kappaṭṭho atekicchoti.
Saṅghabhedavaggo ekādasamo.
Tassuddānaṁ

[1216] Vinidhāya diṭṭhiṁ kammena uddesena voharena ca.
Anussāvane salākena pañcete diṭṭhinissitā.
Khanti ruci ca saññā ca 1 tayo te pañcadhā nayāti.

[1217] Katīhi nu kho bhante aṅgehi samannāgato saṅghabhedako
na āpāyiko na nerayiko na kappaṭṭho na atekicchoti.
Pañcahupāli aṅgehi samannāgato saṅghabhedako na āpāyiko na
nerayiko na kappaṭṭho na atekiccho. Katamehi pañcahi.
Idhupāli bhikkhu adhammaṁ dhammoti dīpeti dhammaṁ adhammoti
1 Ma. khantiṁ ruciṁ ca saññañca.
Dīpeti avinayaṁ vinayoti dīpeti vinayaṁ avinayoti dīpeti
avinidhāya diṭṭhiṁ kammena. Imehi kho upāli pañcahaṅgehi
samannāgato saṅghabhedako na āpāyiko na nerayiko na kappaṭṭho
na atekiccho. Aparehipi upāli pañcahaṅgehi samannāgato
saṅghabhedako na āpāyiko na nerayiko na kappaṭṭho na atekiccho.
Katamehi pañcahi. Idhupāli bhikkhu adhammaṁ dhammoti dīpeti
dhammaṁ adhammoti dīpeti avinayaṁ vinayoti dīpeti vinayaṁ
avinayoti dīpeti avinidhāya diṭṭhiṁ uddesena. Imehi kho
upāli pañcahaṅgehi samannāgato saṅghabhedako na āpāyiko na
nerayiko na kappaṭṭho na atekiccho. Aparehipi upāli pañcahaṅgehi
samannāgato saṅghabhedako na āpāyiko na nerayiko na kappaṭṭho
na atekiccho. Katamehi pañcahi. Idhupāli bhikkhu adhammaṁ
dhammoti dīpeti dhammaṁ adhammoti dīpeti avinayaṁ vinayoti
dīpeti vinayaṁ avinayoti dīpeti avinidhāya diṭṭhiṁ voharanto.
Imehi kho upāli pañcahaṅgehi samannāgato saṅghabhedako na
āpāyiko na nerayiko na kappaṭṭho na atekiccho. Aparehipi
upāli pañcahaṅgehi samannāgato saṅghabhedako na āpāyiko na
nerayiko na kappaṭṭho na atekiccho. Katamehi pañcahi.
Idhupāli bhikkhu adhammaṁ dhammoti dīpeti dhammaṁ adhammoti
dīpeti avinayaṁ vinayoti dīpeti vinayaṁ avinayoti dīpeti
Avinidhāya diṭṭhiṁ anussāvanena. Imehi kho upāli pañcahaṅgehi
samannāgato saṅghabhedako na āpāyiko na nerayiko na kappaṭṭho
na atekiccho. Aparehipi upāli pañcahaṅgehi samannāgato
saṅghabhedako na āpāyiko na nerayiko na kappaṭṭho na atekiccho.
Katamehi pañcahi. Idhupāli bhikkhu adhammaṁ dhammoti dīpeti
dhammaṁ adhammoti dīpeti avinayaṁ vinayoti dīpeti vinayaṁ
avinayoti dīpeti avinidhāya diṭṭhiṁ salākagāhena. Imehi kho
upāli pañcahaṅgehi samannāgato saṅghabhedako na āpāyiko na
nerayiko na kappaṭṭho na atekiccho. Aparehipi upāli pañcahaṅgehi
samannāgato saṅghabhedako na āpāyiko na nerayiko na kappaṭṭho
na atekiccho. Katamehi pañcahi. Idhupāli bhikkhu adhammaṁ
dhammoti dīpeti dhammaṁ adhammoti dīpeti avinayaṁ vinayoti
dīpeti vinayaṁ avinayoti dīpeti avinidhāya khantiṁ kammena
.pe. Avinidhāya khandhiṁ uddesena. Avinidhāya khantiṁ voharanto.
Avinidhāya khantiṁ anussāvanena. Avinidhāya khantiṁ salākagāhena.
Imehi kho upāli pañcahaṅgehi samannāgato saṅghabhedako na
āpāyiko na nerayiko na kappaṭṭho na atekiccho. Aparehipi
upāli pañcahaṅgehi samannāgato saṅghabhedako na āpāyiko na
nerayiko na kappaṭṭho na atekiccho. Katamehi pañcahi.
Idhupāli bhikkhu adhammaṁ dhammoti dīpeti dhammaṁ adhammoti dīpeti.
Avinayaṁ vinayoti dīpeti vinayaṁ avinayoti dīpeti avinidhāya
ruciṁ kammena .pe. Avinidhāya ruciṁ uddesena. Avinidhāya ruciṁ
voharanto. Avinidhāya ruciṁ anussāvanena. Avinidhāya ruciṁ salākagāhena.
Imehi kho upāli pañcahaṅgehi samannāgato saṅghabhedako
na āpāyiko na nerayiko na kappaṭṭho na atekiccho. Aparehipi
upāli pañcahaṅgehi samannāgato saṅghabhedako na āpāyiko na
nerayiko na kappaṭṭho na atekiccho. Katamehi pañcahi. Idhupāli
bhikkhu adhammaṁ dhammoti dīpeti dhammaṁ adhammoti dīpeti avinayaṁ
vinayoti dīpeti vinayaṁ avinayoti dīpeti avinidhāya saññaṁ
kammena .pe. Avinidhāya saññaṁ uddesena. Avinidhāya saññaṁ voharanto.
Avinidhāya saññaṁ anussāvanena. Avinidhāya saññaṁ salākagāhena.
Imehi kho upāli pañcahaṅgehi samannāgato saṅghabhedako na
āpāyiko na nerayiko na kappaṭṭho na atekicchoti.
Dutiyasaṅghabhedavaggo dvādasamo.
Tassuddānaṁ

[1218] Avinidhāya diṭṭhiṁ kammena uddesena 1 voharena ca
anussāvane salākena pañcete diṭṭhinissitā.
Khanti ruci ca saññā ca 2 tayo te pañcadhā nayāti 3 .
Heṭṭhime kaṇhapakkhamhi samavīsati vidhī yathā
tatheva sukkapakkhamhi samavīsati jānathāti.
1 Ma. uddese. 2 khantiṁ suciṁ ca saññañca. 3 itisaddo natthi.

[1219] Katīhi nu kho bhante aṅgehi samannāgato āvāsiko
bhikkhu yathābhataṁ nikkhitto evaṁ nirayeti. Pañcahupāli aṅgehi
samannāgato āvāsiko bhikkhu yathābhataṁ nikkhitto evaṁ niraye.
Katamehi pañcahi. Chandāgatiṁ gacchati dosāgatiṁ gacchati mohāgatiṁ
gacchati bhayāgatiṁ gacchati saṅghikaṁ puggalikaparibhogena paribhuñjati.
Imehi kho upāli pañcahaṅgehi samannāgato āvāsiko bhikkhu
yathābhataṁ nikkhitto evaṁ niraye. Pañcahupāli aṅgehi samannāgato
āvāsiko bhikkhu yathābhataṁ nikkhitto evaṁ sagge. Katamehi
pañcahi. Na chandāgatiṁ gacchati na dosāgatiṁ gacchati na
mohāgatiṁ gacchati na bhayāgatiṁ gacchati saṅghikaṁ na puggalikaparibhogena
paribhuñjati. Imehi kho upāli pañcahaṅgehi samannāgato
āvāsiko bhikkhu yathābhataṁ nikkhitto evaṁ saggeti.