[790] Vajjapaṭicchādanapaccayā pārājikaṁ kattha paññattanti.
Sāvatthiyā paññattaṁ. Kaṁ ārabbhāti. Thullanandaṁ bhikkhuniṁ
ārabbha. Kismiṁ vatthusminti. Thullanandā bhikkhunī jānaṁ pārājikaṁ
dhammaṁ ajjhāpannaṁ bhikkhuniṁ neva attanā paṭicodesi na gaṇassa
ārocesi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
ekena samuṭṭhānena samuṭṭhāti (dhuranikkhepe).

[791] Yāvatatiyaṁ samanubhāsanāya nappaṭinissajjanapaccayā pārājikaṁ
kattha paññattanti. Sāvatthiyā paññattaṁ. Kaṁ ārabbhāti.
Thullanandaṁ bhikkhuniṁ ārabbha. Kismiṁ vatthusminti. Thullanandā
bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ
anuvatti tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
ekena samuṭṭhānena samuṭṭhāti (dhuranikkhepe).

[792] Aṭṭhamaṁ vatthuṁ paripūraṇapaccayā pārājikaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo aṭṭhamaṁ
vatthuṁ paripūresuṁ tasmiṁ vatthusmiṁ. Ekā paññatti. Channaṁ
1 ayaṁ peyyālo ettha tatiye aṅke oloketabbo.
Āpattisamuṭṭhānānaṁ ekena samuṭṭhānena samuṭṭhāti (dhuranikkhepe).
Pārājikā niṭṭhitā.

[793] [1]- Yantena bhagavatā jānatā passatā arahatā
sammāsambuddhena usūyavādikāya 2 bhikkhuniyā aṭṭakaraṇapaccayā
saṅghādiseso kattha paññattoti. Sāvatthiyā paññatto. Kaṁ ārabbhāti.
Thullanandaṁ bhikkhuniṁ ārabbha. Kismiṁ vatthusminti. Thullanandā bhikkhunī
usūyavādikā 2 vihari tasmiṁ vatthusmiṁ. Atthi tattha paññatti
anuppaññatti anuppannapaññattīti. Ekā paññatti anuppaññatti
anuppannapaññatti tasmiṁ natthi. Sabbatthapaññatti padesapaññattīti.
Sabbatthapaññatti. Sādhāraṇapaññatti asādhāraṇapaññattīti.
Asādhāraṇapaññatti. Ekatopaññatti ubhatopaññattīti.
Ekatopaññatti. Catunnaṁ pātimokkhuddesānaṁ katthogadhaṁ kattha
pariyāpannanti. Nidānogadhaṁ nidānapariyāpannaṁ. Katamena uddesena
uddesaṁ āgacchatīti. Tatiyena uddesena uddesaṁ āgacchati.
Catunnaṁ vipattīnaṁ katamā vipattīti. Sīlavipatti. Sattannaṁ
āpattikkhandhānaṁ katamo āpattikkhandhoti. Saṅghādisesāpattikkhandho.
Channaṁ āpattisamuṭṭhānānaṁ katīhi samuṭṭhānehi samuṭṭhātīti.
Dvīhi samuṭṭhānehi samuṭṭhāti siyā kāyato ca vācato ca
samuṭṭhāti na cittato siyā kāyato ca vācato ca cittato
ca samuṭṭhāti .pe. Kenābhaṭanti. Paramparābhaṭaṁ. [3]-
1 Ma. Yu. ito purato kattha paññattivāro dissati. 2 Ma. Yu. ussaya .....
3 Ma. Yu. upāli dāsako ceva..... piṭakaṁ tambapaṇṇiyāti.

[794] Yantena bhagavatā jānatā passatā arahatā sammāsambuddhena 1
coriṁ vuṭṭhāpanapaccayā saṅghādiseso kattha paññattoti.
Sāvatthiyā paññatto. Kaṁ ārabbhāti. Thullanandaṁ bhikkhuniṁ
ārabbha. Kismiṁ vatthusminti. Thullanandā bhikkhunī coriṁ vuṭṭhāpesi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti siyā vācato ca cittato ca
samuṭṭhāti na kāyato siyā kāyato ca vācato ca cittato
ca samuṭṭhāti.

[795] Ekā gāmantaraṁ gamanapaccayā saṅghādiseso kattha
paññattoti. Sāvatthiyā paññatto. Kaṁ ārabbhāti. Aññataraṁ
bhikkhuniṁ ārabbha. Kismiṁ vatthusminti. Aññatarā bhikkhunī ekā
gāmantaraṁ gacchi tasmiṁ vatthusmiṁ. Ekā paññatti tisso
anuppaññattiyo. Channaṁ āpattisamuṭṭhānānaṁ ekena samuṭṭhānena
samuṭṭhāti (paṭhamapārājike).

[796] Samaggena saṅghena ukkhittaṁ bhikkhuniṁ dhammena vinayena
satthusāsanena anapaloketvā kārakasaṅghaṁ anaññāya gaṇassa chandaṁ
osāraṇapaccayā saṅghādiseso kattha paññattoti. Sāvatthiyā
paññatto. Kaṁ ārabbhāti. Thullanandaṁ bhikkhuniṁ ārabbha.
Kismiṁ vatthusminti. Thullanandā bhikkhunī samaggena saṅghena ukkhittaṁ
bhikkhuniṁ dhammena vinayena satthusāsanena anapaloketvā kārakasaṅghaṁ
1 Ma. Yu. yantena.... sammāsambuddhenāti ime pāṭhā natthi.
Anaññāya gaṇassa chandaṁ osāresi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (dhuranikkhepe).

[797] Avassutāya bhikkhuniyā avassutassa purisapuggalassa hatthato
khādanīyaṁ vā bhojanīyaṁ vā sahatthā paṭiggahetvā bhuñjanapaccayā
saṅghādiseso kattha paññattoti. Sāvatthiyā paññatto. Kaṁ
ārabbhāti. Sundarīnandaṁ bhikkhuniṁ ārabbha. Kismiṁ vatthusminti.
Sundarīnandā bhikkhunī avassutā avassutassa purisapuggalassa hatthato
āmisaṁ paṭiggahesi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti (paṭhamapārājike).

[798] Kinte ayye eso purisapuggalo karissati avassuto
vā anavassuto vā yato tvaṁ anavassutā iṅghayye yante
eso purisapuggalo deti khādanīyaṁ vā bhojanīyaṁ vā taṁ tvaṁ
sahatthā paṭiggahetvā khāda vā bhuñja vāti uyyojanapaccayā
saṅghādiseso kattha paññattoti. Sāvatthiyā paññatto. Kaṁ
ārabbhāti. Aññataraṁ bhikkhuniṁ ārabbha. Kismiṁ vatthusminti.
Aññatarā bhikkhunī kinte ayye eso purisapuggalo karissati
avassuto vā anavassuto vā yato tvaṁ anavassutā iṅghayye
yante eso purisapuggalo deti khādanīyaṁ vā bhojanīyaṁ vā taṁ
tvaṁ sahatthā paṭiggahetvā khāda vā bhuñja vāti uyyojesi
Tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti.

[799] Kupitāya bhikkhuniyā yāvatatiyaṁ samanubhāsanāya
nappaṭinissajjanapaccayā saṅghādiseso kattha paññattoti. Sāvatthiyā
paññatto. Kaṁ ārabbhāti. Caṇḍakāliṁ bhikkhuniṁ ārabbha.
Kismiṁ vatthusminti. Caṇḍakālī bhikkhunī kupitā anattamanā evaṁ avaca
buddhaṁ paccācikkhāmi dhammaṁ paccācikkhāmi saṅghaṁ paccācikkhāmi
sikkhaṁ paccācikkhāmīti tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ ekena samuṭṭhānena samuṭṭhāti.
(dhuranikkhepe).