พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake mahāvibhaṅgassa paṭhamo bhāgo (เล่ม 1)

[450] Puriso bhikkhuṁ pahiṇati gaccha bhante itthannāmaṁ māturakkhitañca
piturakkhitañca mātāpiturakkhitañca bhāturakkhitañca bhaginīrakkhitañca
ñātirakkhitañca gottarakkhitañca dhammarakkhitañca sārakkhañca
saparidaṇḍañca brūhi hotha kira itthannāmassa bhariyāyo muhuttikāti
paṭiggaṇhāti vīmaṁsati paccāharati āpatti saṅghādisesassa.
Muhuttikācakkaṁ niṭṭhitaṁ.

Vinayapiṭake mahāvibhaṅgassa paṭhamo bhāgo (เล่ม 1)

[451] Puriso bhikkhuṁ pahiṇati gaccha bhante itthannāmaṁ māturakkhitaṁ
brūhi hohi kira itthannāmassa bhariyā dhanakkītāti paṭiggaṇhāti
vīmaṁsati paccāharati āpatti saṅghādisesassa. Puriso bhikkhuṁ pahiṇati
gaccha bhante itthannāmaṁ māturakkhitaṁ brūhi hohi kira itthannāmassa
bhariyā chandavāsinī bhogavāsinī paṭavāsinī odapattakinī obhatacumbaṭā
dāsī ca bhariyā ca kammakārī ca bhariyā ca dhajāhaṭā muhuttikāti
paṭiggaṇhāti vīmaṁsati paccāharati āpatti saṅghādisesassa.
Nikkhepapadāni.

Vinayapiṭake mahāvibhaṅgassa paṭhamo bhāgo (เล่ม 1)

[452] Puriso bhikkhuṁ pahiṇati gaccha bhante itthannāmaṁ māturakkhitaṁ
brūhi hohi kira itthannāmassa bhariyā dhanakkītā ca chandavāsinī cāti
paṭiggaṇhāti vīmaṁsati paccāharati āpatti saṅghādisesassa. Puriso
bhikkhuṁ pahiṇati gaccha bhante itthannāmaṁ māturakkhitaṁ brūhi hohi
kira itthannāmassa bhariyā dhanakkītā ca bhogavāsinī ca. Dhanakkītā ca
paṭavāsinī ca. Dhanakkītā ca odapattakinī ca. Dhanakkītā ca obhatacumbaṭā
ca. Dhanakkītā ca dāsī ca bhariyā ca. Dhanakkītā ca kammakārī
ca bhariyā ca. Dhanakkītā ca dhajāhaṭā ca. Dhanakkītā ca muhuttikā
cāti paṭiggaṇhāti vīmaṁsati paccāharati āpatti saṅghādisesassa.
Khaṇḍacakkaṁ niṭṭhitaṁ.

Vinayapiṭake mahāvibhaṅgassa paṭhamo bhāgo (เล่ม 1)

[453] Puriso bhikkhuṁ pahiṇati gaccha bhante itthannāmaṁ māturakkhitaṁ
brūhi hohi kira itthannāmassa bhariyā chandavāsinī ca bhogavāsinī ca
.pe. Chandavāsinī ca muhuttikā ca. Chandavāsinī ca dhanakkītā cāti
paṭiggaṇhāti vīmaṁsati paccāharati āpatti saṅghādisesassa.
Baddhacakkaṁ.
Mūlaṁ saṅkhittaṁ.

Vinayapiṭake mahāvibhaṅgassa paṭhamo bhāgo (เล่ม 1)

[454] Puriso bhikkhuṁ pahiṇati gaccha bhante itthannāmaṁ māturakkhitaṁ
brūhi hohi kira itthannāmassa bhariyā muhuttikā ca dhanakkītā ca.
Muhuttikā ca chandavāsinī ca .pe. Muhuttikā ca dhajāhaṭā cāti
paṭiggaṇhāti vīmaṁsati paccāharati āpatti saṅghādisesassa.
Ekamūlakaṁ niṭṭhitaṁ.

Vinayapiṭake mahāvibhaṅgassa paṭhamo bhāgo (เล่ม 1)

[455] Dumūlakaṁ timūlakaṁ catumūlakaṁ pañcamūlakaṁ chamūlakaṁ sattamūlakaṁ
aṭṭhamūlakaṁ navamūlakaṁ evameva kātabbaṁ.
Idaṁ dasamūlakaṁ.

Vinayapiṭake mahāvibhaṅgassa paṭhamo bhāgo (เล่ม 1)

[456] Puriso bhikkhuṁ pahiṇati gaccha bhante itthannāmaṁ māturakkhitaṁ
brūhi hohi kira itthannāmassa bhariyā dhanakkītā ca
chandavāsinī ca bhogavāsinī ca paṭavāsinī ca odapattakinī ca
obhatacumbaṭā ca dāsī ca bhariyā ca kammakārī ca bhariyā ca
dhajāhaṭā ca muhuttikā cāti paṭiggaṇhāti vīmaṁsati paccāharati
āpatti saṅghādisesassa.

Vinayapiṭake mahāvibhaṅgassa paṭhamo bhāgo (เล่ม 1)

[457] Puriso bhikkhuṁ pahiṇati gaccha bhante itthannāmaṁ piturakkhitaṁ
brūhi. Mātāpiturakkhitaṁ brūhi. Bhāturakkhitaṁ brūhi.
Bhaginīrakkhitaṁ brūhi. Ñātirakkhitaṁ brūhi. Gottarakkhitaṁ brūhi.
Dhammarakkhitaṁ brūhi. Sārakkhaṁ brūhi. Saparidaṇḍaṁ brūhi hohi
kira itthannāmassa bhariyā dhanakkītāti paṭiggaṇhāti vīmaṁsati
paccāharati āpatti saṅghādisesassa. Puriso bhikkhuṁ pahiṇati
gaccha bhante itthannāmaṁ saparidaṇḍaṁ brūhi hohi kira itthannāmassa
bhariyā chandavāsinī bhogavāsinī paṭivāsinī odapattakinī obhatacumbaṭā
dāsī ca bhariyā ca kammakārī ca bhariyā ca dhajāhaṭā muhuttikāti
paṭiggaṇhāti vīmaṁsati paccāharati āpatti saṅghādisesassa.
Nikkhepapadāni.

Vinayapiṭake mahāvibhaṅgassa paṭhamo bhāgo (เล่ม 1)

[458] Puriso bhikkhuṁ pahiṇati gaccha bhante itthannāmaṁ
saparidaṇḍaṁ brūhi hohi kira itthannāmassa bhariyā dhanakkītā ca
chandavāsinī cāti paṭiggaṇhāti vīmaṁsati paccāharati āpatti
saṅghādisesassa. Puriso bhikkhuṁ pahiṇati gaccha bhante itthannāmaṁ
saparidaṇḍaṁ brūhi hohi kira itthannāmassa bhariyā dhanakkītā ca
bhogavāsinī ca dhanakkītā ca paṭavāsinī ca dhanakkītā ca odapattakinī
ca dhanakkītā ca obhatacumbaṭā ca dhanakkītā ca dāsī ca bhariyā
ca dhanakkītā ca kammakārī ca bhariyā ca dhanakkītā ca dhajāhaṭā ca
dhanakkītā ca muhuttikā cāti paṭiggaṇhāti vīmaṁsati paccāharati
āpatti saṅghādisesassa.
Khaṇḍacakkaṁ.

Vinayapiṭake mahāvibhaṅgassa paṭhamo bhāgo (เล่ม 1)

[459] Puriso bhikkhuṁ pahiṇati gaccha bhante itthannāmaṁ saparidaṇḍaṁ
brūhi hohi kira itthannāmassa bhariyā chandavāsinī ca bhogavāsinī ca
chandavāsinī ca paṭavāsinī ca .pe. Chandavāsinī ca muhuttikā ca
chandavāsinī ca dhanakkītā cāti paṭiggaṇhāti vīmaṁsati paccāharati
āpatti saṅghādisesassa.
Baddhacakkaṁ.
Mūlaṁ saṅkhittaṁ.