[200] Anādariyaṁ paṭicca sūpaññeva bahuṁ bhuñjantassa dukkaṭaṁ
.pe. Ekā paññatti .pe. Ekena samuṭṭhānena sasuṭṭhāti
(paṭhamapārājike).

[201] Anādariyaṁ paṭicca thūpato omadditvā piṇḍapātaṁ
bhuñjantassa dukkaṭaṁ .pe. Ekā paññatti .pe. Ekena
samuṭṭhānena samuṭṭhāti (paṭhamapārājike).

[202] Anādariyaṁ paṭicca sūpaṁ vā byañjanaṁ vā odanena
paṭicchādentassa dukkaṭaṁ .pe. Ekā paññatti .pe. Ekena
samuṭṭhānena samuṭṭhāti (paṭhamapārājike).

[203] Anādariyaṁ paṭicca sūpaṁ vā odanaṁ vā [2]- attano atthāya
viññāpetvā bhuñjantassa dukkaṭaṁ kattha paññattanti. Sāvatthiyā
paññattaṁ. Kaṁ ārabbhāti. Chabbaggiye bhikkhū ārabbha. Kismiṁ
vatthusminti. Chabbaggiyā bhikkhū sūpampi odanampi attano
atthāya viññāpetvā bhuñjiṁsu tasmiṁ vatthusmiṁ. Ekā paññatti
ekā anuppaññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti siyā kāyato ca cittato ca samuṭṭhāti na vācato
siyā kāyato ca vācato ca cittato ca samuṭṭhāti.
1 Ma. omasitvā. 2 Ma. Yu. agilāno.

[204] Anādariyaṁ paṭicca ujjhānasaññinā paresaṁ pattaṁ
olokentassa dukkaṭaṁ .pe. Ekā paññatti .pe. Ekena
samuṭṭhānena samuṭṭhāti (paṭhamapārājike).

[205] Anādariyaṁ paṭicca mahantaṁ kabaḷaṁ karontassa dukkaṭaṁ
.pe. Ekā paññatti .pe. Ekena samuṭṭhānena samuṭṭhāti
(paṭhamapārājike).

[206] Anādariyaṁ paṭicca dīghaṁ ālopaṁ karontassa dukkaṭaṁ
.pe. Ekā paññatti .pe. Ekena samuṭṭhānena samuṭṭhāti
(paṭhamapārājike).
Piṇḍapātavaggo catuttho.

[207] Anādariyaṁ paṭicca anāhaṭe kabaḷe mukhadvāraṁ vivarantassa
dukkaṭaṁ .pe. Ekā paññatti .pe. Ekena samuṭṭhānena
samuṭṭhāti (paṭhamapārājike).

[208] Anādariyaṁ paṭicca bhuñjamānena sabbaṁ hatthaṁ mukhe
pakkhipantassa dukkaṭaṁ .pe. Ekā paññatti .pe. Ekena
samuṭṭhānena samuṭṭhāti (paṭhamapārājike).

[209] Anādariyaṁ paṭicca sakabaḷena mukhena byāharantassa
dukkaṭaṁ .pe. Ekā paññatti .pe. Ekena samuṭṭhānena
samuṭṭhāti kāyato ca vācato ca cittato ca samuṭṭhāti.