[1183]-3 Hetuyā tīṇi.
Nasanidassanattikanahīnattike sanidassanattikahīnattikaṁ

[1184]-3 Nasanidassanasappaṭighaṁ nahīnaṁ dhammaṁ paccayā anidassanāppaṭigho
hīno dhammo uppajjati hetupaccayā:.

[1185]-3 Hetuyā tīṇi.

[1186]-3 Nasanidassanasappaṭighaṁ namajjhimaṁ dhammaṁ paṭicca
sanidassanasappaṭigho majjhimo dhammo uppajjati hetupaccayā:.

[1187]-3 Hetuyā ekavīsa.

[1188]-3 Nasanidassanasappaṭighaṁ napaṇītaṁ dhammaṁ paccayā anidassanāppaṭigho
paṇīto dhammo uppajjati hetupaccayā:.

[1189]-3 Hetuyā tīṇi.
Nasanidassanattikanamicchattattike sanidassanattikamicchattattikaṁ

[1190]-3 Nasanidassanasappaṭighaṁ namicchattaniyataṁ dhammaṁ paccayā
anidassanāppaṭigho micchattaniyato dhammo uppajjati hetupaccayā:.

[1191]-3 Hetuyā tīṇi.

[1192]-3 Nasanidassanasappaṭighaṁ nasammattaniyataṁ dhammaṁ paccayā
anidassanāppaṭigho sammattaniyato dhammo uppajjati hetupaccayā:.