[453]-3 Nārūpiṁ nānidassanāppaṭighaṁ dhammaṁ paṭicca rūpī anidassanāppaṭigho
dhammo uppajjati hetupaccayā:.

[454]-3 Hetuyā ekaṁ.
Nalokiyadukanasanidassanattike lokiyadukasanidassanattikaṁ

[455]-3 Nalokiyaṁ nasanidassanasappaṭighaṁ dhammaṁ paṭicca lokiyo
sanidassanasappaṭigho dhammo uppajjati hetupaccayā: ekaṁ.
Nanalokuttaraṁ nasanidassanasappaṭighaṁ dhammaṁ paṭicca lokiyo sanidassanasappaṭigho
dhammo uppajjati hetupaccayā: ekaṁ. Gaṇitakena
gaṇetabbā tīṇi pañhā.

[456]-3 Nalokiyaṁ nānidassanasappaṭighaṁ dhammaṁ paṭicca lokiyo
anidassanasappaṭigho .... Tīṇiyeva pañhā kātabbā.

[457]-3 Nalokuttaraṁ nānidassanāppaṭighaṁ dhammaṁ paṭicca lokiyo
anidassanāppaṭigho dhammo uppajjati hetupaccayā:.

[458]-3 Hetuyā ekaṁ.
Nakenaciviññeyyadukanasanidassanattike
kenaciviññeyyadukasanidassanattikaṁ

[459]-3 Nakenaciviññeyyaṁ nasanidassanasappaṭighaṁ dhammaṁ paṭicca
kenaciviññeyyo sanidassanasappaṭigho dhammo uppajjati hetupaccayā:
... Kenacinaviññeyyo sanidassanasappaṭigho dhammo uppajjati
hetupaccayā: ... Kenaciviññeyyo sanidassanasappaṭigho ca kenacinaviññeyyo
sanidassanasappaṭigho ca dhammā uppajjanti hetupaccayā:
tīṇi. Nakenacinaviññeyyaṁ nasanidassanasappaṭighaṁ dhammaṁ paṭicca ...
Tīṇiyeva. Nakenaciviññeyyaṁ nasanidassanasappaṭighañca nakenacinaviññeyyaṁ
nasanidassanasappaṭighañca dhammaṁ paṭicca ... Tīṇiyeva.
Sabbattha nava. Nakenaciviññeyya nānidassanasappaṭighassa purimasadisaṁ
navapañhaṁ 1 kātabbā. Nakenaciviññeyyanānidassanāppaṭighamūlassa
navapañhameva 2 .
Noāsavadukanasanidassanattike āsavadukasanidassanattikaṁ

[460]-3 Noāsavaṁ nasanidassanasappaṭighaṁ dhammaṁ paṭicca noāsavo
sanidassanasappaṭigho dhammo uppajjati hetupaccayā: ekaṁ.
Nanoāsavaṁ nasanidassanasappaṭighaṁ dhammaṁ paṭicca noāsavo sanidassanasappaṭigho
dhammo uppajjati hetupaccayā: ekaṁ. Gaṇitakena tīṇi.

[461]-3 Noāsavaṁ nānidassanasappaṭighaṁ dhammaṁ paṭicca ....
Purimanayena tīṇi pañhā.
1 Ma. nava pañhā. 2 Ma. nava pañhāyeva.

[462]-3 Noāsavaṁ nānidassanāppaṭighaṁ dhammaṁ paṭicca noāsavo
anidassanāppaṭigho dhammo uppajjati hetupaccayā:.