[1165]-2 Araṇaṁ nahetuṁ ahetukaṁ dhammaṁ paṭicca nasaraṇo nahetu
nāhetuko dhammo uppajjati hetupaccayā:.

[1166]-2 Hetuyā ekaṁ.
Saraṇadukacūḷantaraduke nasaraṇadukacūḷantaradukaṁ

[1167]-2 Araṇo appaccayo dhammo nasaraṇassa nāppaccayassa
dhammassa ārammaṇapaccayena paccayo:. Araṇo asaṅkhato dhammo
nasaraṇassa nāsaṅkhatassa dhammassa ārammaṇapaccayena paccayo:.
Araṇo sanidassano dhammo nāraṇassa nasanidassanassa dhammassa
ārammaṇapaccayena paccayo: ... Nasaraṇassa nasanidassanassa dhammassa
ārammaṇa .pe.
Saraṇadukāasavaduke nasaraṇadukanoāsavadukaṁ

[1168]-2 Saraṇaṁ āsavaṁ dhammaṁ paṭicca nasaraṇo noāsavo
dhammo ... Nāraṇo noāsavo dhammo ... Nasaraṇo noāsavo ca
nāraṇo noāsavo ca dhammā uppajjanti hetupaccayā:. Saraṇaṁ
noāsavaṁ dhammaṁ paṭicca nāraṇo nanoāsavo dhammo ... Ekaṁ.
Saraṇadukasāsavaduke nasaraṇadukanasāsavadukaṁ

[1169]-2 Araṇaṁ sāsavaṁ dhammaṁ paṭicca nasaraṇo nasāsavo
dhammo .... Araṇaṁ anāsavaṁ dhammaṁ paṭicca nasaraṇo nānāsavo
dhammo uppajjati hetupaccayā: ekaṁ.
Etena upāyena sabbattha vitthāretabbaṁ.
Saṅkhittaṁ
saraṇadukasārammaṇaduke nasaraṇadukanasārammaṇadukaṁ

[1170]-2 Saraṇaṁ sārammaṇaṁ dhammaṁ paṭicca nasaraṇo nasārammaṇo
dhammo ... Araṇaṁ sārammaṇaṁ dhammaṁ paṭicca nasaraṇo nasārammaṇo
dhammo ....
Saṅkhittaṁ
saraṇadukadassanenapahātabbaduke
nasaraṇadukanadassanenapahātabbadukaṁ

[1171]-2 Saraṇaṁ dassanenapahātabbaṁ dhammaṁ paṭicca nasaraṇo
nadassanenapahātabbo dhammo ... Ekaṁ. Araṇaṁ nadassanenapahātabbaṁ
dhammaṁ paṭicca nāraṇo nanadassanenapahātabbo
dhammo ....
Saṅkhittaṁ
saraṇadukasauttaraduke nasaraṇadukanasauttaradukaṁ

[1172]-2 Araṇaṁ sauttaraṁ dhammaṁ paṭicca nasaraṇo nasauttaro
dhammo uppajjati hetupaccayā:. Araṇaṁ anuttaraṁ dhammaṁ paṭicca
nasaraṇo nānuttaro dhammo uppajjati hetupaccayā:.
Sahajātavārampi pañhāvārampi vitthāretabbaṁ.
Anulomapaccanīya dukadukapaṭṭhānaṁ niṭṭhitaṁ.
--------
Abhidhammapiṭake paṭṭhānaṁ
paccanīyānulomapaṭṭhānaṁ
-------
namo tassa bhagavato arahato sammāsambuddhassa
paccanīyānulomatikapaṭṭhānaṁ
nakusalattikekusalattikaṁ

[1]-3 Nakusalaṁ dhammaṁ paṭicca akusalo dhammo uppajjati
hetupaccayā: akusalaṁ ekaṁ khandhaṁ paṭicca tayo khandhā dve khandhe
paṭicca dve khandhā. Nakusalaṁ dhammaṁ paṭicca abyākato dhammo
uppajjati hetupaccayā: vipākābyākataṁ kiriyābyākataṁ ekaṁ khandhaṁ
paṭicca tayo khandhā cittasamuṭṭhānañca rūpaṁ. Nakusalaṁ dhammaṁ paṭicca
akusalo ca abyākato ca dhammā uppajjanti hetupaccayā:. Tīṇi.

[2]-3 Nākusalaṁ dhammaṁ paṭicca kusalo dhammo uppajjati hetupaccayā:
nākusalaṁ dhammaṁ paṭicca abyākato dhammo uppajjati
hetupaccayā: nākusalaṁ dhammaṁ paṭicca kusalo ca abyākato ca
dhammā uppajjanti hetupaccayā: tīṇi.