[625]-2 Anidassanāppaṭighaṁ cittasaṁsaṭṭhasamuṭṭhānānuparivattiṁ dhammaṁ
paṭicca nānidassanāppaṭigho nocittasaṁsaṭṭhasamuṭṭhānānuparivattī
dhammo uppajjati hetupaccayā:.

[626]-2 Hetuyā cha.
Sanidassanattikājjhattikaduke
nasanidassanattikanājjhattikadukaṁ

[627]-2 Anidassanāppaṭighaṁ ajjhattikaṁ dhammaṁ paṭicca nānidassanāppaṭigho
nājjhattiko dhammo uppajjati hetupaccayā: anidassanāppaṭighaṁ
ajjhattikaṁ dhammaṁ paṭicca nasanidassanasappaṭigho nājjhattiko
dhammo uppajjati hetupaccayā: .pe. Anidassanāppaṭighaṁ
ajjhattikaṁ dhammaṁ paṭicca nasanidassanasappaṭigho nājjhattiko ca
nānidassanasappaṭigho nājjhattiko ca dhammā uppajjanti
hetupaccayā:.

[628]-2 Hetuyā cha.

[629]-2 Anidassanāppaṭighaṁ bāhiraṁ dhammaṁ paṭicca nānidassanāppaṭigho
nabāhiro dhammo uppajjati hetupaccayā:.

[630]-2 Hetuyā ekādasa.
Sanidassanattikaupādāduke
nasanidassanattikanaupādādukaṁ

[631]-2 Anidassanāppaṭighaṁ upādā dhammaṁ paṭicca nasanidassanasappaṭigho
naupādā dhammo uppajjati hetupaccayā:.

[632]-2 Hetuyā tīṇi.

[633]-2 Anidassanasappaṭighaṁ noupādā dhammaṁ paṭicca
nānidassanasappaṭigho nanoupādā dhammo uppajjati hetupaccayā: .pe.
Anidassanāppaṭighaṁ noupādā dhammaṁ paṭicca nānidassanāppaṭigho
nanoupādā dhammo uppajjati hetupaccayā: cha. Anidassanasappaṭighaṁ
noupādā ca anidassanāppaṭighaṁ noupādā ca dhammaṁ
paṭicca nasanidassanasappaṭigho nanoupādā dhammo uppajjati
hetupaccayā: cha.

[634]-2 Hetuyā aṭṭhārasa.
Sanidassanattikaupādinnaduke
nasanidassanattikanaupādinnadukaṁ