[1697] Hetuyā nava ārammaṇe nava vipāke nava
avigate nava.
Savitakkadukābyākatasadisaṁ.
Sahajātavāropi sampayuttavāropi vitthāretabbā.

[1698] Savicāro abyākato dhammo savicārassa abyākatassa
dhammassa hetupaccayena paccayo:.

[1699] Hetuyā cattāri ārammaṇe nava .pe. Magge
Cattāri avigate nava.

[1700] Nahetuyā nava nāarammaṇe nava.

[1701] Hetupaccayā nāarammaṇe cattāri.

[1702] Nahetupaccayā ārammaṇe nava.
Yathā kusalattike pañhāvārampi evaṁ vitthāretabbaṁ.
Savicāradukakusalattikaṁ niṭṭhitaṁ.
--------
Sappītikadukakusalattikaṁ

[1703] Sappītikaṁ kusalaṁ dhammaṁ paṭicca sappītiko kusalo
dhammo uppajjati hetupaccayā: sappītikaṁ kusalaṁ dhammaṁ paṭicca
appītiko kusalo dhammo uppajjati hetupaccayā: sappītikaṁ kusalaṁ
dhammaṁ paṭicca sappītiko kusalo ca appītiko kusalo ca dhammā
uppajjanti hetupaccayā:. Appītikaṁ kusalaṁ dhammaṁ paṭicca appītiko
kusalo dhammo uppajjati hetupaccayā: appītikaṁ kusalaṁ
dhammaṁ paṭicca sappītiko kusalo dhammo uppajjati hetupaccayā:.
Sappītikaṁ kusalañca appītikaṁ kusalañca dhammaṁ paṭicca sappītiko
kusalo dhammo uppajjati hetupaccayā:.

[1704] Hetuyā cha sabbattha cha avigate cha.

[1705] Nādhipatiyā cha napurejāte cha nakamme cattāri
navippayutte cha.
Sahajātavāropi sampayuttavāropi vitthāretabbā.

[1706] Sappītiko kusalo dhammo sappītikassa kusalassa dhammassa
hetupaccayena paccayo: tīṇi. Appītiko kusalo dhammo appītikassa
kusalassa dhammassa hetupaccayena paccayo:.