[1587] Hetuyā nava ārammaṇe nava adhipatiyā nava
avigate nava.
Imaṁ gamanaṁ upādānadukākusalasadisaṁ.
Sahajātavārepi pañhāvārepi sabbattha nava.
Upādānaupādānasampayuttadukakusalattikaṁ niṭṭhitaṁ.
---------
Upādānavippayuttaupādāniyadukakusalattikaṁ
paṭiccavāro

[1588] Upādānavippayuttaṁ upādāniyaṁ kusalaṁ dhammaṁ paṭicca
upādānavippayutto upādāniyo kusalo dhammo uppajjati hetupaccayā:.
Upādānavippayuttaṁ anupādāniyaṁ kusalaṁ dhammaṁ paṭicca upādānavippayutto
anupādāniyo kusalo dhammo uppajjati hetupaccayā:.

[1589] Hetuyā dve ārammaṇe dve avigate dve.
Lokiyalokuttaradukakusalasadisaṁ.
Sahajātavāropi pañhāvāropi vitthāretabbā.
-----------
Paṭiccavāro

[1590] Upādānavippayuttaṁ upādāniyaṁ akusalaṁ dhammaṁ paṭicca
upādānavippayutto upādāniyo akusalo dhammo uppajjati hetupaccayā:.
Sabbattha ekaṁ
----------
paṭiccavāro

[1591] Upādānavippayuttaṁ upādāniyaṁ abyākataṁ dhammaṁ paṭicca
upādānavippayutto upādāniyo abyākato dhammo uppajjati
hetupaccayā:. Upādānavippayuttaṁ anupādāniyaṁ abyākataṁ dhammaṁ paṭicca
upādānavippayutto anupādāniyo abyākato dhammo uppajjati
hetupaccayā: tīṇi. Upādānavippayuttaṁ upādāniyaṁ abyākatañca
upādānavippayuttaṁ anupādāniyaṁ abyākatañca dhammaṁ paṭicca
upādānavippayutto upādāniyo abyākato dhammo uppajjati
hetupaccayā:.

[1592] Hetuyā pañca ārammaṇe dve avigate pañca.
Lokiyalokuttaradukābyākatasadisaṁ.
Sahajātavāropi pañhāvāropi sabbattha vitthāretabbā.
Upādānavippayuttaupādāniyadukakusalattikaṁ niṭṭhitaṁ.
Upādānagocchakadukakusalattikaṁ niṭṭhitaṁ.
----------
Kilesadukakusalattikaṁ
paṭiccavāro

[1593] Nokilesaṁ kusalaṁ dhammaṁ paṭicca nokileso kusalo
dhammo uppajjati hetupaccayā:.

[1594] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
--------
Paṭiccavāro

[1595] Kilesaṁ akusalaṁ dhammaṁ paṭicca kileso akusalo dhammo
uppajjati hetupaccayā: tīṇi. Nokilesaṁ akusalaṁ dhammaṁ paṭicca
nokileso akusalo dhammo uppajjati hetupaccayā: tīṇi. Kilesaṁ
akusalañca nokilesaṁ akusalañca dhammaṁ paṭicca kileso akusalo
dhammo uppajjati hetupaccayā: tīṇi.

[1596] Hetuyā nava ārammaṇe nava sabbattha nava
avigate nava.