[1167] Nahetuyā ekaṁ nāarammaṇe tīṇi nādhipatiyā dve.
Sahajātavāropi .pe. Sampayuttavāropi sabbattha vitthāretabbā.
Pañhāvāro

[1168] Sāsavo abyākato dhammo sāsavassa abyākatassa
dhammassa hetupaccayena paccayo:. Anāsavo abyākato dhammo
anāsavassa abyākatassa dhammassa hetupaccayena paccayo:.

[1169] Hetuyā cattāri ārammaṇe tīṇi avigate
satta.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
Sāsavadukakusalattikaṁ niṭṭhitaṁ.
---------
Āsavasampayuttadukakusalattikaṁ
paṭiccavāro

[1170] Āsavavippayuttaṁ kusalaṁ dhammaṁ paṭicca āsavavippayutto
kusalo dhammo uppajjati hetupaccayā:.

[1171] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Kusaladukacchedo akusaladukaṁ pana kiṁ.

[1172] Āsavasampayuttaṁ akusalaṁ dhammaṁ paṭicca āsavasampayutto
akusalo dhammo uppajjati hetupaccayā: tīṇi. Āsavavippayuttaṁ
akusalaṁ dhammaṁ paṭicca āsavasampayutto akusalo dhammo uppajjati
hetupaccayā:.

[1173] Hetuyā pañca ārammaṇe pañca avigate pañca.
Sahajātavārepi sampayuttavārepi sabbattha pañca.

[1174] Nahetuyā ekaṁ nādhipatiyā pañca napurejāte
pañca .pe. Nakamme tīṇi navipāke pañca navippayutte
pañca .pe.
Pañhāvāro

[1175] Āsavasampayutto akusalo dhammo āsavasampayuttassa
akusalassa dhammassa hetupaccayena paccayo: tīṇi. Āsavavippayutto
Akusalo dhammo āsavasampayuttassa akusalassa dhammassa
hetupaccayena paccayo:.

[1176] Hetuyā pañca ārammaṇe nava avigate pañca.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
---------
Paṭiccavāro