[1047] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
Hetuhetusampayuttadukakusalattikaṁ niṭṭhitaṁ.
----------
Nahetusahetukadukakusalattikaṁ
paṭiccavāro

[1048] Nahetuṁ sahetukaṁ kusalaṁ dhammaṁ paṭicca nahetu sahetuko
kusalo dhammo uppajjati hetupaccayā:.

[1049] Hetuyā ekaṁ ārammaṇe ekaṁ sabbattha ekaṁ
avigate ekaṁ.

[1050] Nādhipatiyā ekaṁ napurejāte ekaṁ navipāke ekaṁ
Navippayutte ekaṁ.
Pañhāvārepi sabbattha ekaṁ.
--------
Paṭiccavāro

[1051] Nahetuṁ sahetukaṁ akusalaṁ dhammaṁ paṭicca nahetu sahetuko
akusalo dhammo uppajjati hetupaccayā:.

[1052] Hetuyā ekaṁ ārammaṇe ekaṁ sabbattha ekaṁ
avigate ekaṁ.
Hetupaccayo natthi. Pañhāvārepi sabbattha ekaṁ.
Pañhāvārepi imesaṁ tiṇṇaṁ hetupaccayo natthi.
---------
Paṭiccavāro

[1053] Nahetuṁ sahetukaṁ abyākataṁ dhammaṁ paṭicca nahetu sahetuko
abyākato dhammo uppajjati hetupaccayā: nahetuṁ sahetukaṁ abyākataṁ
dhammaṁ paṭicca nahetu ahetuko abyākato dhammo uppajjati hetupaccayā:
nahetuṁ sahetukaṁ abyākataṁ dhammaṁ paṭicca nahetu sahetuko
abyākato ca nahetu ahetuko abyākato ca dhammā uppajjanti
hetupaccayā:. Nahetuṁ ahetukaṁ abyākataṁ dhammaṁ paṭicca nahetu ahetuko
abyākato dhammo uppajjati hetupaccayā: tīṇi. Nahetuṁ sahetukaṁ
abyākatañca nahetuṁ ahetukaṁ abyākatañca dhammaṁ paṭicca
Nahetu sahetuko abyākato dhammo uppajjati hetupaccayā: tīṇi.

[1054] Hetuyā nava ārammaṇe cattāri adhipatiyā pañca
kamme nava vipāke nava avigate nava.

[1055] Nahetuṁ ahetukaṁ abyākataṁ dhammaṁ paṭicca nahetu ahetuko
abyākato dhammo uppajjati nahetupaccayā:.

[1056] Nahetuyā ekaṁ nāarammaṇe tīṇi nādhipatiyā
nava nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme dve navipāke pañca nāahāre ekaṁ
naindriye ekaṁ najhāne ekaṁ namagge ekaṁ nasampayutte
tīṇi navippayutte dve nonatthiyā tīṇi novigate tīṇi.