[907] Sahetukaṁ akusalaṁ dhammaṁ paṭicca ahetuko akusalo
dhammo uppajjati nahetupaccayā:.

[908] Sahetukaṁ akusalaṁ dhammaṁ paṭicca sahetuko akusalo dhammo
Uppajjati nādhipatipaccayā:.

[909] Nahetuyā ekaṁ nādhipatiyā pañca napurejāte pañca
napacchājāte pañca nāasevane pañca nakamme tīṇi navipāke
pañca navippayutte pañca.

[910] Hetupaccayā nādhipatiyā tīṇi.

[911] Nahetupaccayā ārammaṇe ekaṁ.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[912] Sahetuko akusalo dhammo sahetukassa akusalassa dhammassa
hetupaccayena paccayo: dve.

[913] Sahetuko akusalo dhammo sahetukassa akusalassa dhammassa
ārammaṇapaccayena paccayo: tīṇi. Ahetuko akusalo dhammo
ahetukassa akusalassa dhammassa ārammaṇapaccayena paccayo: tīṇi.
Sahetuko akusalo ca ahetuko akusalo ca dhammā sahetukassa
akusalassa dhammassa ārammaṇapaccayena paccayo: tīṇi.

[914] Sahetuko akusalo dhammo sahetukassa akusalassa dhammassa
adhipatipaccayena paccayo: ārammaṇādhipati sahajātādhipati.

[915] Hetuyā dve ārammaṇe nava adhipatiyā ekaṁ
anantare nava samanantare nava sahajāte pañca aññamaññe
Pañca nissaye pañca upanissaye nava āsevane nava kamme
tīṇi āhāre tīṇi indriye tīṇi jhāne tīṇi magge tīṇi
sampayutte pañca atthiyā pañca natthiyā nava vigate nava
avigate pañca.

[916] Sahetuko akusalo dhammo sahetukassa akusalassa dhammassa
ārammaṇapaccayena paccayo: sahajātapaccayena paccayo: upanissayapaccayena
paccayo:.