[857] Nahetuṁ bahiddhārammaṇaṁ dhammaṁ paṭicca nahetu
bahiddhārammaṇo dhammo uppajjati nahetupaccayā:.

[858] Nahetuyā dve nādhipatiyā nava napurejāte nava
napacchājāte nava nāasevane nava nakamme tīṇi navipāke
nava najhāne ekaṁ namagge ekaṁ navippayutte nava.

[859] Hetupaccayā nādhipatiyā nava.

[860] Nahetupaccayā ārammaṇe dve.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[861] Hetu bahiddhārammaṇo dhammo hetussa bahiddhārammaṇassa
dhammassa hetupaccayena paccayo: tīṇi.

[862] Hetu bahiddhārammaṇo dhammo hetussa bahiddhārammaṇassa
Dhammassa ārammaṇapaccayena paccayo: nava.

[863] Hetu bahiddhārammaṇo dhammo hetussa bahiddhārammaṇassa
dhammassa adhipatipaccayena paccayo: sahajātādhipati tīṇi. Nahetu
bahiddhārammaṇo dhammo nahetussa bahiddhārammaṇassa dhammassa
adhipatipaccayena paccayo: sahajātādhipati tīṇi.

[864] Hetuyā tīṇi ārammaṇe nava adhipatiyā cha
kamme tīṇi vipāke nava āhāre tīṇi avigate nava.

[865] Hetu bahiddhārammaṇo dhammo hetussa bahiddhārammaṇassa
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo:.

[866] Nahetuyā nava nāarammaṇe nava.