[827] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
---------
Paṭiccavāro

[828] Hetuṁ bahiddhā dhammaṁ paṭicca hetu bahiddhā dhammo
uppajjati hetupaccayā:.

[829] Hetuyā nava ārammaṇe nava kamme nava vipāke
nava avigate nava.

[830] Nahetuṁ bahiddhā dhammaṁ paṭicca nahetu bahiddhā dhammo
uppajjati nahetupaccayā: nahetuṁ bahiddhā dhammaṁ paṭicca hetu
bahiddhā dhammo uppajjati nahetupaccayā:.

[831] Nahetuyā dve nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme tīṇi navipāke nava nāahāre ekaṁ naindriye
ekaṁ najhāne ekaṁ namagge ekaṁ nasampayutte tīṇi navippayutte
nava nonatthiyā tīṇi novigate tīṇi.

[832] Hetupaccayā nāarammaṇe tīṇi.

[833] Nahetupaccayā ārammaṇe dve.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[834] Hetu bahiddhā dhammo hetussa bahiddhā dhammassa
hetupaccayena paccayo: tīṇi.

[835] Hetu bahiddhā dhammo hetussa bahiddhā dhammassa
ārammaṇapaccayena paccayo: nava.

[836] Hetu bahiddhā dhammo hetussa bahiddhā dhammassa
adhipatipaccayena paccayo: ārammaṇādhipati sahajātādhipati tīṇi.
Nahetu bahiddhā dhammo nahetussa bahiddhā dhammassa adhipatipaccayena
paccayo: ārammaṇādhipati sahajātādhipati tīṇi. Hetu bahiddhā ca nahetu
bahiddhā ca dhammā hetussa bahiddhā dhammassa adhipatipaccayena
paccayo: ārammaṇādhipati tīṇi.