[607] Hetu mahaggatārammaṇo dhammo hetussa mahaggatārammaṇassa
dhammassa ārammaṇapaccayena paccayo: sahajātapaccayena
paccayo: upanissayapaccayena paccayo:.

[608] Nahetuyā nava nāarammaṇe nava.

[609] Hetupaccayā nāarammaṇe tīṇi.

[610] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
-------
Paṭiccavāro

[611] Hetuṁ appamāṇārammaṇaṁ dhammaṁ paṭicca hetu
appamāṇārammaṇo dhammo uppajjati hetupaccayā: tīṇi. Nahetuṁ
appamāṇārammaṇaṁ dhammaṁ paṭicca nahetu appamāṇārammaṇo dhammo
uppajjati hetupaccayā: tīṇi. Hetuṁ appamāṇārammaṇañca nahetuṁ
appamāṇārammaṇañca dhammaṁ paṭicca hetu appamāṇārammaṇo
dhammo uppajjati hetupaccayā: tīṇi.

[612] Hetuyā nava ārammaṇe nava adhipatiyā nava
anantare nava samanantare nava sahajāte nava aññamaññe
nava nissaye nava upanissaye nava purejāte nava āsevane nava
kamme nava vipāke nava avigate nava.

[613] Nahetuṁ appamāṇārammaṇaṁ dhammaṁ paṭicca nahetu
appamāṇārammaṇo dhammo uppajjati nahetupaccayā:.

[614] Nahetuyā ekaṁ nādhipatiyā nava napurejāte nava
napacchājāte nava nāasevane nava nakamme tīṇi navipāke
nava namagge ekaṁ navippayutte nava.

[615] Hetupaccayā nādhipatiyā nava.

[616] Nahetupaccayā ārammaṇe ekaṁ.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro