[567] Hetuṁ appamāṇaṁ dhammaṁ paṭicca hetu appamāṇo
dhammo uppajjati nādhipatipaccayā:.

[568] Nādhipatiyā cha napurejāte nava napacchājāte nava
nāasevane nava nakamme tīṇi navipāke nava navippayutte nava.

[569] Hetupaccayā nādhipatiyā cha.

[570] Nādhipatipaccayā hetuyā cha.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[571] Hetu appamāṇo dhammo hetussa appamāṇassa dhammassa
hetupaccayena paccayo: tīṇi.

[572] Nahetu appamāṇo dhammo nahetussa appamāṇassa
dhammassa ārammaṇapaccayena paccayo: tīṇi.

[573] Hetu appamāṇo dhammo hetussa appamāṇassa dhammassa
Adhipatipaccayena paccayo: sahajātādhipati tīṇi. Nahetu appamāṇo
dhammo nahetussa appamāṇassa dhammassa adhipatipaccayena paccayo:
ārammaṇādhipati sahajātādhipati tīṇi.

[574] Hetu appamāṇo dhammo hetussa appamāṇassa
dhammassa anantarapaccayena paccayo: nava.

[575] Hetu appamāṇo dhammo hetussa appamāṇassa dhammassa
upanissayapaccayena paccayo: anantarūpanissayo pakatūpanissayo nava.

[576] Hetuyā tīṇi ārammaṇe tīṇi adhipatiyā cha anantare
nava samanantare nava sahajāte nava aññamaññe nava nissaye
nava upanissaye nava kamme tīṇi vipāke nava āhāre tīṇi
indriye nava jhāne tīṇi magge nava sampayutte nava atthiyā
nava natthiyā nava vigate nava avigate nava.