[487] Hetupaccayā nāarammaṇe tīṇi.

[488] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
Hetudukāacayagāmittikaṁ niṭṭhitaṁ.
---------
Hetudukasekkhattikaṁ
paṭiccavāro

[489] Hetuṁ sekkhaṁ dhammaṁ paṭicca hetu sekkho dhammo uppajjati
hetupaccayā: tīṇi. Nahetuṁ sekkhaṁ dhammaṁ paṭicca nahetu sekkho
dhammo uppajjati hetupaccayā: tīṇi. Hetuṁ sekkhañca nahetuṁ
sekkhañca dhammaṁ paṭicca hetu sekkho dhammo uppajjati hetupaccayā:
tīṇi.

[490] Hetuyā nava ārammaṇe nava adhipatiyā nava anantare
nava samanantare nava sahajāte nava aññamaññe nava nissaye
nava upanissaye nava purejāte nava āsevane nava kamme
nava vipāke nava āhāre nava avigate nava.

[491] Hetuṁ sekkhaṁ dhammaṁ paṭicca hetu sekkho dhammo uppajjati
nādhipatipaccayā:.

[492] Nādhipatiyā cha napurejāte nava napacchājāte nava
nāasevane nava nakamme tīṇi navipāke nava navippayutte nava.

[493] Hetupaccayā nādhipatiyā cha.

[494] Nādhipatipaccayā hetuyā cha.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[495] Hetu sekkho dhammo hetussa sekkhassa dhammassa hetupaccayena
paccayo: tīṇi.

[496] Hetu sekkho dhammo hetussa sekkhassa dhammassa adhipatipaccayena
paccayo: sahajātādhipati tīṇi. Nahetu sekkho dhammo
nahetussa sekkhassa dhammassa adhipatipaccayena paccayo: sahajātādhipati
tīṇi.