[457] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
---------
Paṭiccavāro

[458] Hetuṁ apacayagāmiṁ dhammaṁ paṭicca hetu apacayagāmī dhammo
uppajjati hetupaccayā: tīṇi. Nahetuṁ apacayagāmiṁ dhammaṁ paṭicca
nahetu apacayagāmī dhammo uppajjati hetupaccayā: tīṇi. Hetuṁ
apacayagāmiñca nahetuṁ apacayagāmiñca dhammaṁ paṭicca hetu apacayagāmī
dhammo uppajjati hetupaccayā: tīṇi.

[459] Hetuyā nava ārammaṇe nava kamme nava āhāre
nava avigate nava.

[460] Hetuṁ apacayagāmiṁ dhammaṁ paṭicca hetu apacayagāmī dhammo
uppajjati nādhipatipaccayā:.

[461] Nādhipatiyā cha napurejāte nava napacchājāte nava
nakamme tīṇi navipāke nava navippayutte nava.

[462] Hetupaccayā nādhipatiyā cha.

[463] Nādhipatipaccayā hetuyā cha.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[464] Hetu apacayagāmī dhammo hetussa apacayagāmissa dhammassa
hetupaccayena paccayo: tīṇi.

[465] Hetu apacayagāmī dhammo hetussa apacayagāmissa dhammassa
adhipatipaccayena paccayo: sahajātādhipati tīṇi. Nahetu apacayagāmī
dhammo nahetussa apacayagāmissa dhammassa adhipatipaccayena paccayo:
sahajātādhipati tīṇi.

[466] Hetuyā tīṇi adhipatiyā cha sahajāte nava āhāre
tīṇi indriye nava jhāne tīṇi magge nava sampayutte
nava atthiyā nava avigate nava.