[287] Hetuṁ avitakkavicāramattaṁ dhammaṁ paṭicca hetu
avitakkavicāramatto dhammo uppajjati hetupaccayā: tīṇi. Nahetuṁ
avitakkavicāramattaṁ dhammaṁ paṭicca nahetu avitakkavicāramatto dhammo
uppajjati hetupaccayā: tīṇi. Hetuṁ avitakkavicāramattañca nahetuṁ
avitakkavicāramattañca dhammaṁ paṭicca hetu avitakkavicāramatto dhammo
uppajjati hetupaccayā: tīṇi.

[288] Hetuyā nava ārammaṇe nava adhipatiyā nava .pe.
Kamme nava vipāke nava .pe. Avigate nava.

[289] Hetuṁ avitakkavicāramattaṁ dhammaṁ paṭicca hetu
avitakkavicāramatto dhammo uppajjati nādhipatipaccayā:.

[290] Nādhipatiyā nava napurejāte nava napacchājāte nava
nāasevane nava nakamme tīṇi navipāke nava navippayutte nava.

[291] Hetupaccayā nādhipatiyā nava.

[292] Nādhipatipaccayā hetuyā nava.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[293] Hetu avitakkavicāramatto dhammo hetussa
avitakkavicāramattassa dhammassa hetupaccayena paccayo: tīṇi.

[294] Hetu avitakkavicāramatto dhammo nahetussa
avitakkavicāramattassa dhammassa ārammaṇapaccayena paccayo: tīṇi.

[295] Hetu avitakkavicāramatto dhammo hetussa
avitakkavicāramattassa dhammassa adhipatipaccayena paccayo: sahajātādhipati tīṇi.
Nahetu avitakkavicāramatto dhammo nahetussa avitakkavicāramattassa
dhammassa adhipatipaccayena paccayo: ārammaṇādhipati sahajātādhipati
tīṇi. Hetu avitakkavicāramatto ca nahetu avitakkavicāramatto ca
Dhammā nahetussa avitakkavicāramattassa dhammassa adhipatipaccayena
paccayo: ārammaṇadhipati.

[296] Hetuyā tīṇi ārammaṇe tīṇi adhipatiyā satta
anantare nava samanantare nava sahajāte nava aññamaññe nava
nissaye nava upanissaye nava āsevane nava kamme tīṇi vipāke
nava āhāre tīṇi indriye nava jhāne tīṇi magge nava
sampayutte nava atthiyā nava natthiyā nava vigate nava avigate nava.