[217] Hetuṁ anupādinnānupādāniyaṁ dhammaṁ paṭicca hetu
anupādinnānupādāniyo dhammo uppajjati hetupaccayā: tīṇi.
Nahetuṁ anupādinnānupādāniyaṁ dhammaṁ paṭicca nahetu
anupādinnānupādāniyo dhammo uppajjati hetupaccayā: tīṇi. Hetuṁ
anupādinnānupādāniyañca nahetuṁ anupādinnānupādāniyañca dhammaṁ
paṭicca hetuṁ anupādinnānupādāniyo dhammo uppajjati hetupaccayā:
tīṇi.

[218] Hetuyā nava ārammaṇe nava adhipatiyā nava anantare
nava samanantare nava sahajāte nava aññamaññe nava
nissaye nava upanissaye nava purejāte nava āsevane nava
kamme nava vipāke nava āhāre nava indriye nava jhāne
nava magge nava sampayutte nava vippayutte nava atthiyā
nava natthiyā nava vigate nava avigate nava.

[219] Hetuṁ anupādinnānupādāniyaṁ dhammaṁ paṭicca hetu
anupādinnānupādāniyo dhammo uppajjati nādhipatipaccayā:.

[220] Nādhipatiyā cha napurejāte nava napacchājāte nava
nāasevane nava nakamme tīṇi navipāke nava navippayutte
nava.

[221] Hetupaccayā nādhipatiyā cha.

[222] Nādhipatipaccayā hetuyā cha.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[223] Hetu anupādinnānupādāniyo dhammo hetussa
anupādinnānupādāniyassa dhammassa hetupaccayena paccayo: tīṇi.

[224] Nahetu anupādinnānupādāniyo dhammo nahetussa
anupādinnānupādāniyassa dhammassa ārammaṇapaccayena paccayo: tīṇi.

[225] Hetuyā tīṇi ārammaṇe tīṇi adhipatiyā cha
anantare nava samanantare nava sahajāte nava aññamaññe
nava nissaye nava upanissaye nava kamme tīṇi vipāke
nava āhāre tīṇi indriye nava jhāne tīṇi magge nava
sampayutte nava vippayutte nava atthiyā nava natthiyā nava
vigate nava avigate nava.

[226] Hetu anupādinnānupādāniyo dhammo hetussa
anupādinnānupādāniyassa dhammassa sahajātapaccayena paccayo:
upanissayapaccayena paccayo:.