[97] Nahetupaccayā ārammaṇe ekaṁ.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadisā vitthāretabbā.
Pañhāvāro

[98] Hetu dukkhāyavedanāyasampayutto dhammo hetussa
dukkhāyavedanāyasampayuttassa dhammassa hetupaccayena paccayo: hetu
dukkhāyavedanāyasampayutto dhammo nahetussa dukkhāyavedanāyasampayuttassa
dhammassa hetupaccayena paccayo: hetu dukkhāyavedanāyasampayutto
Dhammo hetussa dukkhāyavedanāyasampayuttassa ca nahetussa
dukkhāyavedanāyasampayuttassa ca dhammassa hetupaccayena paccayo:.

[99] Hetu dukkhāyavedanāyasampayutto dhammo hetussa
dukkhāyavedanāyasampayuttassa dhammassa ārammaṇapaccayena paccayo: tīṇi.
Nahetu dukkhāyavedanāyasampayutto dhammo nahetussa dukkhāyavedanāya-
sampayuttassa dhammassa ārammaṇapaccayena paccayo: tīṇi. Hetu
dukkhāyavedanāyasampayutto ca nahetu dukkhāyavedanāyasampayutto ca
dhammā hetussa dukkhāyavedanāyasampayuttassa dhammassa ārammaṇapaccayena
paccayo: tīṇi.

[100] Nahetu dukkhāyavedanāyasampayutto dhammo nahetussa
dukkhāyavedanāyasampayuttassa dhammassa kammapaccayena paccayo: tīṇi.

[101] Hetuyā tīṇi ārammaṇe nava adhipatiyā tīṇi anantare
nava samanantare nava sahajāte nava aññamaññe nava nissaye
nava upanissaye nava āsevane nava kamme tīṇi vipāke ekaṁ
āhāre tīṇi indriye tīṇi jhāne tīṇi magge tīṇi
sampayutte nava atthiyā nava natthiyā nava vigate nava avigate nava.

[102] Hetu dukkhāyavedanāyasampayutto dhammo hetussa
dukkhāyavedanāyasampayuttassa dhammassa ārammaṇapaccayena paccayo:
sahajātapaccayena paccayo: upanissayapaccayena paccayo:.

[103] Nahetuyā nava nāarammaṇe nava nādhipatiyā nava.

[104] Hetupaccayā nāarammaṇe tīṇi.

[105] Nahetupaccayā ārammaṇe nava.
Yathā kusalattike pañhāvārassa anulomampi paccanīyampi
anulomapaccanīyampi paccanīyānulomampi gaṇitaṁ evaṁ gaṇetabbaṁ.
-------
Paṭiccavāro

[106] Hetuṁ adukkhamasukhāyavedanāyasampayuttaṁ dhammaṁ paṭicca hetu
adukkhamasukhāyavedanāyasampayutto dhammo uppajjati hetupaccayā:
tīṇi. Nahetuṁ adukkhamasukhāyavedanāyasampayuttaṁ dhammaṁ paṭicca nahetu
adukkhamasukhāyavedanāyasampayutto dhammo uppajjati hetupaccayā:
tīṇi. Hetuṁ adukkhamasukhāyavedanāyasampayuttañca nahetuṁ adukkhamasukhāya-
vedanāyasampayuttañca dhammaṁ paṭicca hetu adukkhamasukhāyavedanāyasampayutto
dhammo uppajjati hetupaccayā: tīṇi.