[854] Saraṇaṁ dhammaṁ paṭicca saraṇo dhammo uppajjati
hetupaccayā: saraṇaṁ ekaṁ khandhaṁ paṭicca tayo khandhā dve
khandhe .... Pañca pañhā arūpāvacaradukasadisā anulomapaṭiccasadisā.

[855] Hetuyā pañca ārammaṇe dve adhipatiyā pañca
avigate pañca.

[856] Saraṇaṁ dhammaṁ paṭicca saraṇo dhammo uppajjati nahetupaccayā:
Vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho. Araṇaṁ dhammaṁ paṭicca araṇo
dhammo uppajjati nahetupaccayā: ahetukaṁ araṇaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ ahetukapaṭisandhi yāva
asaññasattā.

[857] Nahetuyā dve nāarammaṇe tīṇi nādhipatiyā pañca
nānantare tīṇi naupanissaye tīṇi napurejāte cattāri napacchājāte
pañca nāasevane pañca nakamme dve navipāke
pañca nāahāre ekaṁ naindriye ekaṁ najhāne ekaṁ namagge
ekaṁ nasampayutte tīṇi navippayutte dve nonatthiyā tīṇi
novigate tīṇi.
Itare dve gaṇanāpi sahajātavāropi kātabbā.
Paccayavāro

[858] Saraṇaṁ dhammaṁ paccayā saraṇo dhammo uppajjati hetupaccayā:
saraṇaṁ ekaṁ khandhaṁ paccayā tayo khandhā dve khandhe ....
Yathā arūpāvacaradukassa paccayavāropi evaṁ kātabbo.

[859] Hetuyā nava ārammaṇe cattāri adhipatiyā nava
avigate nava.

[860] Saraṇaṁ dhammaṁ paccayā saraṇo dhammo uppajjati nahetupaccayā:
vicikicchāsahagate uddhaccasahagate khandhe paccayā vicikicchāsahagato
Uddhaccasahagato moho. Araṇaṁ dhammaṁ paccayā araṇo
dhammo uppajjati nahetupaccayā: ahetukaṁ araṇaṁ ekaṁ khandhaṁ paccayā
tayo khandhā cittasamuṭṭhānañca rūpaṁ ahetukapaṭisandhi yāva asaññasattā
cakkhāyatanaṁ paccayā cakkhuviññāṇaṁ kāyāyatanaṁ paccayā ....
Araṇaṁ dhammaṁ paccayā saraṇo dhammo uppajjati nahetupaccayā: vatthuṁ
paccayā vicikicchāsahagato uddhaccasahagato moho. Saraṇañca
araṇañca dhammaṁ paccayā saraṇo dhammo uppajjati nahetupaccayā:
vicikicchāsahagate uddhaccasahagate khandhe ca vatthuñca paccayā vicikicchāsahagato
uddhaccasahagato moho.

[861] Nahetuyā cattāri nāarammaṇe tīṇi nādhipatiyā
nava nānantare tīṇi nasamanantare tīṇi nāññamaññe tīṇi
naupanissaye tīṇi napurejāte cattāri napacchājāte nava
nāasevane nava nakamme cattāri navipāke nava nāahāre
ekaṁ naindriye ekaṁ najhāne ekaṁ namagge ekaṁ nasampayutte
tīṇi navippayutte dve nonatthiyā tīṇi novigate tīṇi.
Itare dve gaṇanāpi nissayavāropi saṁsaṭṭhavāropi kātabbā
dve pañhā kātabbā sabbattha.

[862] Hetuyā dve ārammaṇe dve sabbattha dve
vipāke ekaṁ avigate dve.

[863] Nahetuyā dve nādhipatiyā dve purejāte dve
Napacchājāte dve nāasevane dve nakamme dve navipāke
dve najhāne ekaṁ namagge ekaṁ navippayutte dve.
Itare dve gaṇanāpi sampayuttavāropi kātabbā.
Pañhāvāro